اسلام امیرلیگی باش وزیرینینگ اداری اورین باسری ملا عبدالغنی برادر گه کوره، صناعت هر بیر مملکتنینگ اساسی ستونی حسابلنهدی.
عبدالغنی برادر، بوگون (۱۸ سرطان/۹ جولای، پنجشنبه) پروان ولایتی جبلالسراج تومنیده سمنت ایشلب چیقروچی ایکینچی فابریکهسی آچیلیش مناسبتی بیلن ایتیشیچه، افغانستان اوزینینگ بای طبیعی منبعلری، قولی موقعیتی بیلن صناعتنی رواجلنتیریش اوچون اولکن ظرفیت گه ایگه.
اسلام امیرلیگی باش وزیرینینگ اداری اورین باسری، مذکور فابریکه آچیلیشینی صناعت اوسیشی و مملکتنینگ چیتایل گه بولگن قرهملیگی کمهیشی اوچون ایجابی آدیم عنوان قیلدی.
اونینگ ایتیشیچه، صناعت هر بیر مملکتنینگ اساسی ستونی حسابلنهدی، صناعت آست قوریلمهلریگه سرمایه کیریتگن مملکتلر اقتصادی برقرارلیککه قول تاپیب و ایشسیزلر سانینی کمهیتیریش، صادرات رقمینی آشیریش و یشاوچیلر حیاتینی یخشیلش ساحهسیده کتته یوتوقلر گه ایریشگنلر.
پروان ولایتی جبلالسراج تومنیده سمنت ایشلب چیقروچی ایکینچی فابریکه، بوگون اسلام امیرلیگی ییریک رسمیلرینینگ اشتراکی بیلن آچیلدی. اوشبو فابریکه مملکتنینگ اینگ کتته صناعت لایحهلریدن بولیب و ایشگه توشیریلگن حالده ۲۴ ساعت ایچیده ۵۰۰۰ تُن سمنت ایشلب چیقریش کوچیگه ایگه. بو فابریکه، افغانستاننینگ سمنت ساحهسیده چیتایل گه بولگن قرهملیگینی کمهیتیریب و مملکت اقتصادی آست قوریلمهلرینی مستحکملشده مهم رولی بولیشی ایتیلگن.
