بوگون (یکشنبه، ۲۹ جوزا)، مملکت باش وزیری نینگ بیرینچی اورین باسری ملا عبدالغنی برادر و اسلامی امارت ییریک رسمیلریدن بیرقطاری نینگ اشتراکی بیلن، افغان انویست سهامی بیر شرکت ۲۵۰ میلیون دالر سرمایه یاتقیزیش بیلن رسمی روشده آچیلدی.
کابل شهری کارته پروان منطقهسیده هندولر و سیکلر عبادتخانهسی اوستیگه هجوم اویوشتیریلیشیدن بیر کوندن کیین، مذکور آزچیلیک مذهبی قوملرنی تشویشی گه سبب بولیب و اولردن قطاری مملکتنی ترک ایتیشنی قصد قیلگنلر.
قندهار هوا قونالغهسی نینگ ایشلاوچیلریدن قریب ۳۵ تهسی، حقوقلری توللنمسلیگی باعث استعفا گه چیققنلر.
هند ایچکی ایشلر وزیرلیگی، ۱۰۰دن آرتیق افغانستان نینگ سیک و هندو یشاوچیلری گه عاجل الکترونیکی ویزه صادر قیلیشی خصوصیده قرار آلگن. هندی رسانهلر نینگ گزارش بیریشیچه، اوتگن کون کابل شهری کارته پروان منطقهسیده هندولر عبادتخانهسی گه اویوشتیریلگن ترورچیلیک هجومدن کیین، اوشبو قرار آلینگن.
افغانستان انسانی حقوق وضعیتی اوچون بیرلشگن ملتلر تشکیلاتی نینگ خاص گزارشگری ریچارد بنت، اوتگن کون کابل ده هندولر عبادتخانهسی گه اویوشتیریلگن هجوم نی قارهلگن. او ایتگن که، هر کیم تینچلیکده حیات کیچیریب و عبادت قیلیش اوچون حقی بار.
اوتگن کونی (شنبه، ۲۸جوزا)، ایرتهلب ساعت ۶:۳۰ اطرافی ده قوراللی بیر گروه که حاضرگه قدر کیملیگی بیللی بولمهگن، کابل شهری کارته پروان حدودی ده هندولر عبادتخانهسی گه هجوم قیلگن.
قندوزدهگی منبعلر نینگ سلاموطندار گه ایتیشیچه، فریحه اسملی مذکور قیز قندوز شهری ده «نصرالله شهید» مکتبی اوقیتووچیسی ایکن.
فاریاب ولایتی قیصار تومنی باغدارلریدن بیرقطاری نینگ ایتیشلریچه، اوشبو تومنده اوزوم، شفتالو و آلمه کبی میوهلر کوپ حاصل بیرگن، بیراق ساووقخانه یوقلیگی و قتناو یوللر بوزوقلیگی باغدارلرنی ایریم قیینچیلیککه روپهره قیلیب و میوهلری بوزیلیشی گه سبب بولهدی.
هلمند محلی مسئوللری نینگ ایتیشلریچه، اوشبو حادثه اوتگن کونی مذکور ولایت نینگ باباجی تومنیده یوز بیرگن.
باختر دولت آژانسی، کابل شهری ده هندولر عبادتخانهسیده قوراللی هجومچیلر و اسلامی امارت کوچلری اورتهسیده توقنشوو یکونیدن خبر بیرگن. باختر اوز توییتری ده یازیشیچه، کابل شهری ده هندولر عبادتخانهسی اوستیگه اویوشتیریلگن قوراللی هجوم، ۱ قوراللی هجومچی نینگ هلاک ایتیلیشی بیلن یکونلنگن.
مارکوس پوتزل بیرلشگن ملتلر تشکیلاتی نینگ افغانستان اوچون باش کاتبی مخصوص نمایندهسی اورین باسری اولهراقه تعینلنگن. اوتگن کونی (جمعه، ۲۷ جوزا)، بیرلشگن ملتلر تشکیلاتی بیر بیانیه ترقهتیب، جناب پوتزل مذکور تشکیلات نینگ باش کاتبی مخصوص نمایندهسی نینگ ینگی اورین باسری صفتیده تعینلنگنیدن خبر بیرگن.
ایچکی ایشلر وزیرلیگی کابل شهری ده هندولر عبادتخانهسیده پارتلش یوز بیرگنینی تصدیقلهدی. مذکور وزیرلیک نینگ ایتیشیچه، بوگون ایرتهلب ساعت ۶:۳۰ اطرافی ده (شنبه، ۲۸جوزا)، قوراللی بیر گروه که حاضرگه قدر کیملیگی بیللی بولمهگن، کابل شهری کارته پروان حدودی ده هندولر عبادتخانهسی گه هجوم قیلگن.
غور امنیتی مسئوللری نینگ ایتیشلریچه، اوتگن کونی بیر کیشی اوشبو ولایت نینگ شهرک تومنی «سبزوار» قیشلاغیده هلاک بولگن و امنیتی کوچلر اوشبو واقعه گه دایر تورت کیشینی قولگه آلگنلر.
اسلامی امارت سابق عضوی و افغانستان راه نجات عالی کینگش باشلیغی سیداکبر آغا نینگ سلاموطندار گه ایتیشیچه، آلتینچی صنف دن یوقاری قیزلر نینگ مکتبلرینی آچیش کمیته نینگ ایشی یکونلنیب و طرحی اسلامی امارت رهبری هبتالله آخوندزاده گه یوباریلگن.
افغانستان ده بیرلشگن ملتلر تشکیلاتی نینگ مخصوص نمایندهسی دیبرا لاینز نینگ ماموریتی یکونلندی. خانم لاینز سونگی بیاناتیده، افغانستان دنیا جماعهچیلیگی اوچون مهم دیر اونیتیلمسلیگی کیرهک دیه تأکید ایتگن.
جنوا ده افغانستان نمایندهسی نصیراحمد اندیشه نینگ ایتیشیچه، اوتگن ۱۰ آی ده دنیا جماعهچیلیگی اسلامی امارت بیلن تعامل قیلیش اوچون ممکن یوللردن تلاش قیلدی؛ لیکن بو تلاشلر قیینچیلیککه روپهره بولیب و نا امیدلیکلر گه سبب بولگن.
