اسلام امیرلیگی سوزلاوچیسی ذبیحالله مجاهد بوگون (چهارشنبه، ۲-حوت)، امریکا تشقی ایشلر وزیرلیگی نینگ سوزلاوچیسی متیومیلر نینگ، اسلام امیرلیگی افغانستان نینگ کیلهجک سیاستی یالغیز اویینچیلری ایمسلیک بیاناتی گه مناسبت بیلدیریب ایتیشیچه، دنیا مملکتلری اسلام امیرلیگی افغانستان وکیلی و افغانستان حکومتی ایکنلیگینی تن آلیشی کیرهک.
بیرلشگن ملتلر تشکیلاتی قویاش اوشبو ییل دلو آی نینگ ۲۹ و۳۰- کونلری ده افغانستان وضعیتی گه دایر دوحه ایکّینچی ییغیلیشینی قطر پایتختی دوحه ده یولگه قویدی. ایش بیلرمانلر افغانستان وضعیتی حلی اوچون بو کبی ییغیلیشلر اوتکزیلیشینی خوش قرشیلسهلرده؛ بیراق دوحه ییغیلیشی افغانستان وضعیتی حلی اوچون مملکتلر نینگ فکر-ملاحظهلری فرقلی بولیشی و شرق و غرب نینگ رقابتلری بیلن بیرگه بولگن.
کابل ده معارف وزیرلیگی آرقهلی مبلیغلر اوچون یولگه قوییلگن سیمینارده افغانستان دعوت و یول-یوریقنی کورستهتیش اداره باشلیغی محمدهاشم شهیدورور، ییتکرمهلر نمایندهلریدن ساقال قوییشلری نی ایستهب و ایتیشیچه، ییتکرمهلر آرقهلی صورت و ویدیو آلینیشی گناه کبیره دیر.
صناعت و سوداگرلیک وزیرلیگی، کیچیک و اورته سرمایه یاتقیزیش بولیمی ده ۲۲ ایچکی موسسه بیلن همکارلیک بیتیم امضالهگن. صناعت و سوداگرلیک وزیرلیگی ۳۰-دلو، دوشنبه کونی ایکس اجتماعی ترماغی ده، مملکت ترقیاتی اوچون کیچیکراق، کیچیک و اورته سرمایه یاتقیزیش بولیمی ده، ۲۲ ایچکی موسسه بیلن اوچ یریم میلیون دن آرتیق دالرلیک کیلیشوونامه امضالهگنینی یازگن.
افغانستان نینگ برق ییتکیزیش شرکتی (برشنا) اوزبیکستان نینگ افغانستان گه وارداتی برقی ۵۰ فایز کمهیگنیدن خبر بیرگن. برشنا شرکتی ۳۰-دلو، دوشنبه کونی، ایکس اجتماعی ترماغی ده، اوزبیکستان نینگ افغانستان گه وارداتی برقی تخنیکی قیینچیلیک باعث ۵۰ فایز کمهیگنینی یازگن.
قندهار حاکمی سوزلاوچیسی محمود اعزام نینگ سلاموطندار گه ایتیشیچه، یکشنبه کونی، ۲۹-دلو، قندهار ولایت مقامی اوشبو ولایت اسلام امیرلیگی رسمیلری و برچه نهادلر گه بیر مکتوب یوللش بیلن، رسمی و نارسمی ییغینلر و احتفاللرنی صورت گه آلینیشینی تقیقلگن.
پاکستان دولتی تامانیدن افغانستان سوداگرلری گه چیکلاولر یرهتیلیشی بیلن، افغانستان سوداگرلیک و سرمایه یاتقیزیش اتاق مسئووللری و افغانستان-پاکستان سوداگرلیک و صناعت قوشمه اتاقی گه کوره، افغانستان وپاکستان آرهسیده سوداگرلیک آلیش-بیریش مقداری کمهیگن.
حسابات و معلومات ملی ادارهسی گه کوره، افغانستان توقیز آی ده بیر میلیارد ۳۵۵ میلیون دالرلیک توار صادر و وارد قیلگن.
۲۸-دلو شنبه کونی، اروپا نینگ ۱۲ مملکت تشقی ایشلر وزیرلیکلری مونیخ خوفسیزلیک ییغیلیشی یکونیده افغانستان ده انسان حقلری وضعیتی گه دایر قوشمه بیانیه ترقهتیب و بونی افغانستان نینگ خلقارا تیزیمی گه قوشیلیش اوچون اصلی شرطلر دن عنوان قیلگنلر.
قطر پایتختی دوحه شهری ده بوگون (یکشنبه، ۲۹-دلو) افغانستان وضعیتی گه دایر بیرلشگن ملتلر تشکیلاتی نینگ ایکّی کونلیک ییغیلیشی، مملکتلر و خلقارا تشکیلاتلر مخصوص وکیللری نینگ حضوری و سرپرست حکومت وکیلی نینگ حضورسیزلیگی بیلن باشلنیشی کوتیلهدی.
اوکراین ده روسیه و اوشبو مملکت حربیلری آرهسیده اوروش دوام ایتماقده ایکن، اوکراین نینگ آودیوکا شهری روسیه حربی کوچلری نینگ نظارتی گه اوتگن. اسوشیتدپرس روسیه مدافعه وزیری سرگئی شویگو دن نقل قیلیب یازیشیچه، ۲۸-دلو، شنبه کیچه، روسیه حربی کوچلری اوکراین نینگ آودیوکا شهرینی بوتونلی نظارت گه آلیب و اوشبو شهر نینگ تورلی بورچکلرینی تازهلش گه باشلهگنلر.
دوحه ییغیلیشی آجنداسی حاضرگچه بیللی بولمهگن بولسه ده، بیراق اوشبو ییغیلیش ده افغانستان نینگ وضعیتی، اسلام امیرلیگی بیلن جهان نینگ قندهی همکارلیک قیلیشی و بیرلشگن ملتلر تشکیلاتی تامانیدن افغانستان اوچون مخصوص وکیل تعیینلنیشی و افغانستان اوچون بیرلشگن ملتلر تشکیلاتی باش کاتبی نینگ هماهنگ قیلووچیسی تامانیدن مستقل طرزده تیکشیریلگن گزارش بحث گه آلینیشی کوتیلهدی.
پاکستان تشقی ایشلر وزیرلیگی، افغانستان تامانیدن دیورند چیزیغی تن آلینمسلیگی گه دایر سرپرست حکومت تشقی ایشلر وزیرلیگی سیاسی اورین باسری نینگ بیاناتلری گه مناسبت بیلدیریب ایتیشیچه، افغانستان و پاکستان آرهسیدهگی چیگره گه دایر هر قندهی ادعالر، خلقارا حقوقی واقعیتلرنی اوزگرتیره آلمهیدی.
پروان امنیه قوماندانلیگی مسئوللری نینگ ایتیشلریچه، اوشبو ولایتده ناتانیش کیشیلر ۲۱ یاشر ییگیتنی پیچاقلب اولدیرگنلر.
اسلام امیرلیگی تشقی ایشلر وزیرلیگی رسمیلری، آذربایجان کابل ده ایلچیخانهسینی آچیش گه قرار قیلگنیدن خبر بیرگنلر. اسلام امیرلیگی تشقی ایشلر وزیرلیگی سوزلاوچیسی عبدالقهار بلخی بوگون (پنجشنبه، ۲۶-دلو) ایکس اجتماعی ترماغی ده، آذربایجان کابل ده اوز ایلچیخانهسینی آچیشینی یازگن.
۳۵ ییل آلدین ۲۶-دلو ده، سابق ساویت اتفاقی قوشینلری، افغانستان ده ۱۰ ییل حضوری دن سونگ بو مملکت نی ترک قیلیب و افغانستان دن اینگ سونگی عسکرینی آلیب چیقردی. سابق ساویت نینگ اینگی سونگی عسکری افغانستان چیگرهسیدن اوتیشی بیلن، افغانستان تاریخی ده اینگ قانلی واقعهلردن بیری گه چیک قوییلدی.
