کابل پولیس قومندانلیگی سوزلاوچیسی فردوس فرامرز نینگ ایتیشیچه، بوگون “سهشنبه” ایرتهلب ساعت 9:20 ده قیشلاقلرنی رواجلنتیریش وزیرلیگی نینگ محمدحبیب، فریدالله، ریاضاحمد و ریالی ناملی 4 ایشلاوچیسی کابل شهری نینگ 5- ناحیهسیده تیگیشلی باغ داوود جادهسیده ناتانیش قوراللی کیشیلر تامانیدن اوققه توتیلگن.
نمایندهلر کینگشی اعضالری 1400- مالی ییل بودجهسی نینگ 3- مسودهسینی نابرابر عنوان قیلیب ایتیشلریچه، اولر بودجه 2- مسودهسینی رد قیلیب و مالیه وزیرلیگی دن اصلاحات کیلتیریشینی ایستهگن ایدیلر، بیراق بودجه 3- مسودهسیگه مالیه وزیرلیگی تامانیدن هیچقندهی اوزگرشلیک کیلتیریلمهگن.
بوگون “دوشنبه” مملکت باش قارهلاوچیلیک ادارهسی نینگ بیر خبرنامه آرقهلی اعلان قیلیشیچه، مرکزی انبار آمرلیگی سرپرستی غلامسخی نظر 5 ییل و مرکزی انبار گزارش ییتیشتیریش مدیری غلاممصطفی 5 ییل قماق جزاسیگه محکوم بولگن.
بوگون “دوشنبه” حربی محبوسلرنینگ عایله اعضالری و مدنی فعاللر «دشمن آزاد بولهدی، بیز نیمه اوچون؟» شعاری بیلن کابلده بیر اعتراض یولگه قوییب حربی محبوسلرنینگ قوییب یوباریلیشی خصوصیده جمهور رییس غنی نینگ فرمانی عملگه آشیریلمهگنیدن تنقید قیلگنلر.
بادغیس ولایتی نینگ آبکمری تومنی ولسوالی حاجی خداداد نینگ سلاموطندارگه ایتیشیچه، طالبان جنگریلری اوتگن کیچه ساعت 1:30 ده آبکمری تومنی نینگ «خزک» منطقهسیده جایلشگن امنیتی کوچلر پوستهسی اوستیگه هجوم قیلگن.
افغانستان تشقی ایشلر وزیرلیگی، طالبان گروهی نینگ القاعده باشقه تروریستی گروهلر بیلن بولگن رابطهسی خصوصیده بیرلشگن ملتلر تشکیلانی نینگ سونگی گزارشینی خوش قرشیلب و اوشبو تشکیلات و افغانستان نینگ خلق ارا شریکلریدن بو گروه نی آتیشکیسین قبول قیلیشگه مجبور قیلیشینی سورهگن.
کابل نینگ شهزاده ناملی سرایی صرافلرنینگ تحصن قیلگنلری سبب، ایکی کوندن بویان باغلنگن. صرافلرنینگ ایتیشلریچه، جوازلری نینگ شرکتی بولیشینی ایستمهیدی، بیراق مرکزی بانک مسووللری اوشبو اقدامنی صرافلرنینگ منفعتیگه عنوان قیلهدی.
جوزجان امنیتی مسووللری نینگ ایتیشلریچه، عامهنی سقلش ادارهسی تامانیدن اوشبو ولایتگه یوباریلگن هیات باشلیغی سیداحمد صبور ایکی همکاری بیلن بیرلیکده بیر پارتلش نتیجهسیده هلاک ایتیلگن.
بلخ یشاوچیلریدن یوزلرچهسی بیر اعتراض آرقهلی، حکومتدن عبدالرووف نینگ آدم اوغیرلاوچیلر قولیدن آزاد قیلیشینی سورهگنلر. اعتراضچیلر «حکومتگه اولیم، بیز عدالت ایستهیمیز» شعارلری بیلن محلی و مرکزی حکومتگه مذکور باله نینگ آدم اوغیرلاوچیلر قولیدن آزاد قیلیش اوچون 72 ساعت مهلت بیرگنلر.
بوگون “یکشنبه” قندوز ولایتی کینگش اعضالری و یشاوچیلریدن یوزلرچهسی، بیر اعتراض آرقهلی اوشبو ولایت امنیتی وضعیتینی خواطرلنترووچی عنوان قیلیب و قندوز محلی مسووللری چیکلنتیریلیشینی سورهگنلر.
هرات ولایتی بوییچه قصابلر بیرلشمهسی مسووللری و یشاوچیلری نینگ ایتیشلریچه، چاروالرنینگ قاچاق آرقهلی قوشنی مملکتلرگه انتقال بیریلیشی سبب، اوشبو ولایت بازارلریده گوشت نینگ بهاسی یوقاری کیتگن. هرات ولایتی بوییچه قصابلر بیرلشمهسی مسووللری نینگ آگاهلنتیریشلریچه، چاروالرنینگ قاچاقیگه توسیق بولینمهگن صورتده، گوشت بهاسی نینگ یوقاری کیتیشی ممکن.
بوگون (شنبه ۱۸- دلو) جمهورلیک ریاست سابق اورینباسری مارشال عبدالرشید دوستم، جمهورئیس ییریک مصلحتچیسی محمد محقق بیلن جوزجان مرکزی شبرغان شهریده یوزلرچه طرفدارلری نینگ برابریده حضور تاپیب ایتیشیچه، اولکه و حاکمیت خطر گه دیر. اونینگ ایتیشیچه، برچه کیشی بیرلیک و برقرارلیک اوچون تیارلهنیشی کیرهک.
پروان ولایتی نینگ بگرام تومن یشاوچیلریدن یوزلرچهسی مذکور تومن پولیس قومندانی ایشدن آلینگنی گه عکسالعمل کورسهتیب ناراضلیک نمایش یولگه قوییشگن. اولرنینگ ایتیشلریچه، جمهوررئیس غنی نمایندهلر کینگشی باشلیغی میررحمان رحمانی دن انتقام آلیش دوامیده بو تومن نینگ ناتینچ قیلیش اوچون سعی و حرکت قیلماقده.
باش قارهلاوچیلیک تامانیدن ترقه تیلگن خبرنامهده کیلیشیچه، مذکور محکمهده لیاقتالله بابکرخیل، محمدانور باشلیق و عظیم قویاش ناملی اوچ سناتور ۱۰ ییل و بیر آی تنفیذی حبس و ۴۰ مینگ دالر نقد جریمه تولهش گه محکوم بولگن.
مرکزی بانک نینگ ینگی قراری اساسیده، بوندن کیین مملکت صرافلری شخصی پول جوازی اورنی گه شرکتی جواز آلیشلری کیرهک. مرکزی بانک نینگ اوشبو قراری مملکت صرافلری نینگ تنقیدلری بیلن روپهرو بولگن.
جمهوررئیس ملی خوفسیزلیک مصلحتچیسی حمدالله محب بوگون (شنبه ۱۸- دلو) کابل ده خبری بیر ییغین اوتکزیب ایتیشیچه، طالبان گروهی تینچلیک نی تن آلمهی و اوروش گه دوام بیرگن صورتده، امنیتی کوچلرنینگ بوتونلی تیارگرلیگی بار.
