سمنگان دهگی زرگرلر، اوشبو ولایت ده آلتین سودا_ساتیغی سیزیلرلی درجه ده کمهیشیدن شکایت قیلیب ایتیشلریچه، مذکور ولایت ده زرگرلردن قطاری بازار یوقلیگی، اقتصادی قیینچیلیک و ایشسیزلیک باعث دکانلرینی یاپگنلر. مذکور زرگرلر آلتین بازاری تنزل گه یوز توتیش یگانه سببینی یشاوچیلر نینگ اقتصادی قیینچیلیگی عنوان قیلیب ایتیشلریچه، اهالی آلتین ساتیب آلیش اورنیده اوز تقینچاقلرینی ساتماقدهلر.
اسلام امیرلیگی سوزلاوچیسی ذبیحالله مجاهد، سهشنبه کونی، ۲۷ سرطان، اوز تویتری ده افغانستان، پاکستان و اوزبیکستان ارا افغان ترانس تیمیر یولی بیتیمی امضالنگنیدن خبر بیرگن.
کاپیسا ولایتی امنیه قوماندانلیگی مسئوللری، بوگون (چهارشنبه، ۲۸ سرطان)، توش دن آلدین ساعت ۱۰:۰۰ اطرافی ده، اوشبو ولایت ده گلبهار نساجی شرکتی گه تیگیشلی ایکی بنا، برق شارت قیلیشی عاقبتیده آلاو آلگنیدن خبر بیرهدیلر.
غزنی ده باغدارلردن قطاری نینگ ایتیشلریچه، اوشبو ولایتده ستندرد ساووقخانهلر کملیگی سبب، محصوللری نینگ آز بها بیلن ساتیش گه مجبور بولگنلر.
اسلام امیرلیگی رسمیلری دایم افغانستان ده سرمایه یاتقیزوچیلر گه برچه امکانیت یرهتیلگنی گه تاکید قیلیب و اولر نی مملکت گه قیتیشلری نی ایستهگنلری بیرحالده، بیراق سرمایه یاتقیزوچیلر افغانستان ده سرمایه یاتقیزیش وضعیتیدن تنقیدلب ایتیشلریچه، تشقی مملکتلردن سرمایه یاتقیزوچیلر نینگ مملکت گه چقیریلیشیدن آلدین، اولر گه ایش زمینهسی یرهتیلیشی کیرهک.
سمنگان ده باغدارلردن بیرقطاری، بادام حاصلی ۹۰ فایز گه کمهیگنیدن خبر بیریب ایتیشلریچه، اوتگن قیش موسومی ده هوا ساووق بولیشی باعث اولر کوپ زیان کورگنلر. سمنگان دهگی باغدارلردن قریب ۴۵ یاشر کمالالدین گه کوره، انچه ییل دن بویان باغدارلیک ایشلری بیلن مصروف بولیب و اوشبو یول آرقهلی، ۱۰ کیشیلیک عایلهسی نینگ نفقهسینی تأمینلب کیلماقده.
اسلام امیرلیگی سوزلاوچیسی ذبیحالله مجاهد، سلاموطندار بیلن اوتکزگن صحبتیده، اسلام امیرلیگی افغانستان ایچیده تاپی پروژهسی ایشینی باشلش گه تیار ایکنینی معلوم قیلگن.
پایتخت کابل شهری ده عکاسلردن بیرقطاری نینگ ایتیشلریچه، اسلام امیرلیگی حاکمیتیدن کیین آلتینچی صنف دن یوقاری قیز اوقووچیلر گه مکتب باریش اجازهسی بیریلمسلیگی و طلبه قیزلر یوزی گه بیلیم یورتلر ایشیگی یاپیلیشی بیلن، عکاسلر نینگ مشتریلری مثلسیز درجه ده کمهیگن.
فاریاب دهگی باغدارلردن بیرقطاری نینگ ایتیشلریچه، قهرتان قیش باعث اوتگن ییل گه نسبتن باغلری نینگ حاصلی ۸۰ فایز گه کمهیب و اولر کوپ زیان کورگنلر. شونینگدیک اولر، اوشبو ولایت ده محصولاتلرینی اسرهش اوچون ستندرد ساووقخانه و مناسب بازار یوقلیگیدن نالیب، مسئوللردن قیینچیلیکلری حلی اوچون دقت قیلیشلرینی سورهیدیلر.
افغانستان دنیا بویلب بحر گه یولی بولمهگن محدود اولکهلردن بولیب و یالغیز دریالردن اوز سووینی تأمینلهیدی؛ لیکن اوشبو دریالر نینگ سوولریدن کوپ قسمی قوشنی اولکهلر گه آقیب توشماقده.
سالنگ قتناو یولی نینگ ۸۰ کیلومتر قیته قوریش ایشی، چهارشنبه کونی، ۲۱ سرطان، مملکت باش وزیرلیگی نینگ اقتصادی اورین باسری عبدالغنی برادر، عامه منفعت وزیرلیگی نینگ سرپرستی محمدعیسا ثانی، پروان و بغلان ولایتی مسئوللری و خصوصی سکتور نمایندهلری حضوری باشلنگن.
میدانوردک ده عسل اریچیلر و مسئوللر نینگ ایتیشلریچه، اوشبو ولایتده اوتگن ییل گه نسبت عسل اریچیلیک فارملری و خالص عسل تولیدی کوپهیگن.
خواف-هرات تیمیر یولی آرقهلی رسمی روشده سوداگرلیک توارلرنی انتقال بیریش جریانی باشلهنیشی بیلن، سهشنبه کونی، ۲۰ سرطان، «روزنک» بیکتی دن تیمیر یولی تورتینچی قطعهسینی قوریش ایشی باشلنگن. اسلام امیرلیگی رسمیلری گه کوره، خواف-هرات تیمیر یولی تورتینچی قطعهسی مذکور ولایت نینگ صنعتی شهرکی گه قدر دوام تاپهدی.
سرپرست حکومت سویدن ده قرآن کریم یاندیریلیشی گه قرشی افغانستان ده مذکور مملکت برچه نهادلری نینگ فعالیتلرینی توختهتیش قراری دن کیین، بیز اوشبو گزارش ده سویدن کمیتهسی نینگ افغانستان دهگی فعالیتلرینی بحث گه آلگنمیز.
بدخشانلیک یاش بیر عیال، شخصی خرهجتی بیلن اوشبو ولایت مرکزی فیضآباد شهریده «مارک شاپینگ» اسمی آستیده عیاللر گه خاص بیر دکان ایجاد قیلگن.
سرپل ده دوپی تیکووچی عیاللردن بیرقطاری نینگ ایتیشلریچه، «زری دوزلیک و اوند دوزلیک دوپپیلر» سرپللیک عیاللر نینگ نفیس قول صناعتی بولیب و سونگی ییللرده اوشبو قدیمی صناعت تنزل گه یوز توتیب و سوداسی کمهیگن.
