سمنگان ده باغدارلردن بیرقطاری، بادام حاصلی ۹۰ فایز گه کمه‌یگنیدن خبر بیریب ایتیشلریچه، اوتگن قیش موسومی ده هوا ساووق بولیشی باعث اولر کوپ زیان کورگنلر.
سمنگان ده‌گی باغدارلردن قریب ۴۵ یاشر کمال‌الدین گه کوره، انچه ییل دن بویان باغدارلیک ایشلری بیلن مصروف بولیب و اوشبو یول آرقه‌لی، ۱۰ کیشی‌لیک عایله‌سی نینگ نفقه‌سینی تأمینلب کیلماقده.
کمال‌الدین نینگ ایتیشیچه، ۱۰ جریب ییری ده ۸ و ۹ تورلی بادام بار «ستاربایی»، «شکوربایی»، «قهاربایی»، «ستاربایی بخملی» و «بادام جوبی» مشهور بادام‌لریدن بولیب و هر بیری نینگ قیمتی فرقلی دیر.
بیزلرنینگ فیسبوک صحیفه‌میزگه باش اورینگ!
اونگه کوره، اوتگن ییلی ۱۰ جریب ده ایککن بادام‌لری حاصلی قریب ۵۰۰ مینگ افغانی بولگن ایدی، بیراق اوتگن قیش موسومی ساووق‌لیگی باعث بو ییل بادام‌لری حاصلی سیزیلرلی درجه ده کمه‌یگن.
او نینگ کوپه‌یتیریشیچه:«اوتگن ییلی اوشبو ۱۰ جریب ییر بادام‌لری حاصلی قریب ۵۰۰ مینگ افغانی بولگن ایدی، اوتگن قیش کوپ ساووق بولیشی باعث درخت‌لرنی ساووق اوردی، شونی اوچون اوتگن ییل گه نسبتن حاصلی کمه‌یگن بو ییل ۱۰۰ فایز دن ۲۰ فایز بادام حاصل بیرگن.»
سمنگان ده باغدارلردن باشقه بیری عبدالخلیل نینگ سلام‌وطندار گه ایتیشیچه، باغدارلیک آرقه‌لی عایله اعضالری نینگ نفقه‌سینی تأمینله‌یدی، لیکن اوتگن قیش موسومی کوپ ساووق‌لیگی باعث بادام حاصلی ۱۰۰ فایز دن ۹۰ فایز گه کمه‌یگن.
اونگه کوره: «بادام درخت‌لرینی ساووق اوردی، یگانه درآمدی‌میز بادام‌لر دیر، باشقه درآمدی‌میز یوق، ۵۰ سیر بادام حاصل آلسک روزغار یخشی اوته‌دی. بو ییل بادام حاصلی ۹۰ گه کمه‌یگن ۱۰ فایزی بیز گه قالگن.»
شو بیلن بیرگه، سمنگان ده ایکینچیلیک ایش بیلرمان‌لری نینگ ایتیشلریچه، اقلیم اوزگریشی و هوا ساووق بولیشی باعث، مذکور ولایت ده بادام حاصلی ۶۰ فایز گه کمه‌یگن.
بیزلرنینگ توییترده هم تعقیب قیلینگ!
سمنگان ایکینچیلیک ریاستی نینگ ایکینچیلیک ایشلری بوییچه آمری عبدالخلیل کریمی گه کوره، سمنگان ده آلتی مینگ هکتار دن آرتیق ییرده بادام ایکیلگن، اقلیم اوزگریشی و اوتگن قیش موسومی کوپ ساووق بولیشی بیلن اوشبو ولایت ده بادام حاصلی ۶۰ فایز گه کمه‌یگن.
او نینگ ایتیشیچه: «سونگی ییل‌لرده ساووق و ایسیق‌لیک باعث بادام درخت‌لری زیان کورر ایدی، تأسف بیلن اوتگن قیش ساووغی کوپ زیان ییتکیزدی، قریب ۶۰ فایز درخت‌لریمیزنی ساووق اوردی و بو ییل حاصل بیرمه‌دی، تومن‌لر شامل بیش مینگ و آلتی مینگ هکتار ییرده بادام ایکیلگن.»
افغانستان شمالی ده ییرلشگن سمنگان، تازه و قوروق میوه اینیقسه بادام ییتیشتیریش ده مشهور ولایت‌لردن دیر، اوشبو ولایت نینگ کوپ سانده یشاوچیلری ایکینچیلیک، چاروه‌چیلیک بیلن حیات کیچیریب کیلماقده‌لر.
