افغانستان مرکزی بانکی ایرته ۱۳ میلیون دالر نی لیلام قیلهدی
افغانستان مرکزی بانکی نینگ اعلام قیلیشیچه، افغانی پول نرخینی مملکت بازارلریده ثابت سقلش مقصدیده، یکشنبه، ۱۵-اسد، ۱۳ میلیون امریکالیک دالر نی داوطلبلیک آرقهلی لیلام شکلده ساتهدی.
افغانستان مرکزی بانکی نینگ اعلام قیلیشیچه، افغانی پول نرخینی مملکت بازارلریده ثابت سقلش مقصدیده، یکشنبه، ۱۵-اسد، ۱۳ میلیون امریکالیک دالر نی داوطلبلیک آرقهلی لیلام شکلده ساتهدی.
صناعت و سوداگرلیک وزیرلیگی مسئوللری نینگ ایتیشلریچه، بوگون (پنجشنبه، ۱۲-اسد)، قزاقستان ده «قزاق-افغان» اسمی آستیده بیر کورگزمه آچیلدی که، اوشبو کورگزمه نینگ اوچ کونگچه دوامی بار. مسئوللر گه کوره، مذکور کورگزمه گه افغانستان، بیرلشگن عرب امیرلیگی، تورکیه، ایران و اروپا دن ۳۵۰ سوداگر شرکت قیلگن دیر.
فاریاب ده گیلم و قالین ایشلب چیقرووچی و ساتووچلردن بیرقطاری نینگ ایتیشلریچه، ایکی ییل دن بویان سودا یوقلیگی، ایچکی تولیدلردن حمایت بولمسلیگی، صادرات اوچون زمینه یرهتیلمسلیگی و کوپ سانده خارجی قالینلر وارد ایتیلیشی، ایشلری تنزل گه یوز توتیشی گه سبب بولگن.
مملکت صناعت و سوداگرلیک وزیرلیگی، بوگون (پنجشنبه، ۱۲ اسد)، اوز تویتری ده، افغانستان خصوصی سکتوری و قزاقستان، سوداگرلیک بولیمیده ۱۰۰ میلیون دالرلیک کیلیشوونامه امضالهگنیدن خبر بیرگن.
بلخ ولایتی اطفائیه مدیریتی ایشلاوچیلری، دوشنبه کونی، ۹ اسد، اوشبو ولایت مرکزی مزارشریف شهری نینگ تورتینچی خوفسیزلیک حوزه حدودلری ده جایلشگن «تیل انباری ده» صادر بولگن یانغین، قریب ۷۰۰ مینگ افغانی زیان ییتکیزگنینی معلوم قیلهدیلر.
نیچه ییل آلدین کابل ولایتی پغمان تومنیده یوز بیرگن پارتلش عاقبتیده ایکی ایاغینی قولدن بیرگن اوشبو تومن یشاوچیسی عبدالله گه کوره، ایکی ییل دن بیری حقوقی توللنمسلیگی باعث ایریم قیینچیلیکلر بیلن روپهره بولگن.
افغانستان تیمیر یولی ادارهسی مسئوللری بوگون (شنبه، ۷ اسد)، کابل شهری ده حکومت نینگ اطلاعات و میدیالر مرکزی ده «حکومت نینگ ملت گه حساب بیریش» برنامهسیده ایتیشلریچه، ۱۴۰۱-ییل ده افغانستان نینگ اوچ تیمیر یولی آرقهلی تورت میلیون ۵۰۰ مینگ متریک تُن توار انتقال بیریلگن، ۱۴۰۰-ییل گه نسبتن ۲۵ فایز آشگنینی کورستهدی.
افغانستان مرکزی بانکی، بوگون (پنجشنبه، ۵ اسد)، بیر بیانیه ترقهتیب ایتیشیچه، معاملهلرده قولیلیک یرهتیش مقصدیده ایسکیرگن ۵۰ و ۱۰۰ افغانیلیک پوللرنی ییغیب و اورنیده ینگی چاپ بولگن ۵۰ و ۱۰۰ افغانیلیک بانکنوتلرنی کیلهسی هفته شنبه کونی، ۷ اسد، توزیع قیلیش جریانینی باشلهیدی.
فاریاب یشاوچیلریدن بیرقطاری، اوشبو ولایت ده نیچه ییل دن بویان ایشلاوچی و تیلنچی بالهلر سانی کوپهیگنینی ایتهدیلر. فاریاب مرکزی میمنه شهری ده، کونلرینی یشاوچیلر نینگ ایاق کییملرینی بویش بیلن اوتکزهیاتگن ۱۲ یاشر سهراب گه کوره، عایله اعضالری نینگ خرجتینی تأمینلش اوچون یشاوچیلر نینگ ایاق کییملرینی بویش گه مجبور دیر.
بوگون (چهارشنبه، ۴-اسد)، صناعت و سوداگرلیک وزیرلیگی مسئوللری، «دولت نینگ ملت گه حساب بیریش» برنامهسیده ایتیشلریچه، خارجی سرمایه یاتقیزووچیلر افغانستان ده ایکی میلیارد دالرگچه سرمایه یاتقیزش اوچون علاقه کورستگنلر.
کانلر و پترولیم وزیرلیگی مسئوللری بوگون (دوشنبه، ۲ اسد)، «دولت نینگ ملت گه حساب بیریش» برنامهسیده ایتیشلریچه، حاضر مملکت بویلب ۲۰۰ ته کیچیک کان قازیب چیقریلماقده و اولر دن قریب ۱۰۸ تهسی اوتگن بیر ییل ده قرارداد گه تاپشیریلگن.
جوزجان یشاوچیسی انصارالحق، ییگیتلر گه ایش زمینهسی ایجاد قیلیش مقصد، ایران و سعودی عربستان مملکتلری گه قیلهدیگن سفری خرهجتی نی، بادرنگ ییتیشتیریش ستندرد اوچ گلخانه ایجاد قیلینیشی گه قرهتگن.
کابل ده ییتی کونلیک امام ابوحنیفه کورگزمهسی نینگ یکونیده، سرمایه یاتقیزووچیلر و سوداگرلیک اتاقلر مسئوللری نینگ ایتیشلریچه، خارجی و ایچکی سوداگرلر آرهسیده ۴۵ میلیون دالر ارزشی گه بیتیم امضالنگن. سرمایه یاتقیزووچیلر و سوداگرلر اتاقی مسئوللری نینگ ایتیشلریچه، ۵۰ میلیون افغانی ساتیشلری بار ایکن که…
اسلام امیرلیگی سرپرست حکومتی، بوگون (یکشنبه، ۱ اسد)، «دولت نینگ ملت گه حساب بیریش» دستورینی رسمی روشده باشلهدی. ۱۴۰۲مالی ییل بودجهسی تصدیقلنمهگن بولسه ده، بیراق اسلام امیرلیگی دولت نینگ ملت گه حساب بیریش برنامهسینی باشلهگن.
بوگون (شنبه، ۳۱ سرطان)، کابل ده اوچ عیال شخصی پوللریدن ۲۰۰ مینگ افغانیلیک «برند حریر» کییم_کیچک دکانینی آچگنلر و اوشبو ییرده، مکتب، بیلیم یورت و ایش دن محروم بولگن ۱۵ عیال ایش بیلن تأمینلنگن. مذکور دکان ایگهلریدن فرحناز فریبرز کوره، اوچ آی سعیوحرکت دن کیین اوشبو دکان نی آچیش گه اولگورگنلر.
پامیر کولا شرکتی، جمعه کیچه، ۳۰ سرطان، اوز فیسبوک صحیفهسیده، اوشبو شرکت نینگ انار سوولری بیرینچی یوکی امریکا گه صادر بولگنیدن خبر بیرگن.