جوزجان یشاوچیسی انصارالحق، ییگیت‌لر گه ایش زمینه‌سی ایجاد قیلیش مقصد، ایران و سعودی عربستان مملکت‌لری گه قیله‌دیگن سفری خره‌جتی نی، بادرنگ ییتیشتیریش ستندرد اوچ گل‌خانه ایجاد قیلینیشی گه قره‌تگن.
او اوشبو ایش‌دن مقصد، ییگیت‌لر نی سرمایه یاتقیزیش گه ترغیب و ناقانونی مهاجرت‌لر آلدی آلینیشی عنوان قیلیب ایتیشیچه، هر بیر یشاوچی جماعه‌ده بولگن مسئولیتی نی ادا قیلیشی کیره‌ک.
اونینگ کوپه‌یتیریشیچه: «۳۰۰ مینگ افغانی پولیم بار ایدی که، قنچه وقت‌دن بیری توپلگن ایدیم. ایران، تورکیه یا-ده سعودی عربستان کیتماقچین ایدی. پاسپورت آلیش نی ایسته‌ر ایدیم. چونکه افغانستان قیین کون‌‌لر کیلدی، بیراق اوشبو ۳۰۰ مینگ افغانی بیلن خارج کیتمه‌ی مذکور اوچ ساووق‌خانه توزه‌تدیم که، هم باله‌لریم و عایله‌م و هم ایشلاوچیلر خره‌جتی قولگه کیله‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اوشبو گل‌خانه‌لرده‌گی ایشلاوچیلردن قطاری نینگ ایتیشلریچه، حکومت و باشقه نهاد‌لر اولردن حمایت قیلگنی صورت‌ده، کوپینچه کیشی گه ایش زمینه‌سی یره‌تیلیشی ممکن.
مذکور گل‌خانه‌ده‌گی ایشلاوچیلردن بیری انور نینگ ایتیشیچه، ایش زمینه‌سی نی یره‌تووچیلر گه حکومت نینگ حمایتی بیلن، اولر ۵۰-۲۰۰ کیشی گه ایش زمینه‌سی یره‌تیشلری ممکن.
شونینگدیک مذکور گل‌خانه‌ده‌گی ایشلاوچیلردن باشقه بیری عبدالبصیر نینگ ایتیشیچه: «حاضر ایسه کوپ یخشی و انه‌شوو گل‌خانه‌لر ایجاد بولیشی اوچون، اهالی باشقه مملکت‌لر گه کیتمه‌ی و سبزه‌وات ایکیش گه یوز کیلتیردیلر که، مذکور یول آرقه‌لی عایله خره‌جتلری نی تامین قیله‌دیلر.»
بیزلرنینگ توییترده هم تعقیب قیلینگ!
باشقه بیر تامان‌دن، جوزجان ایکینچیلیک، سووغاریش و چاروه‌چیلیک رئیسی عبادالله انصار، اوشبو جوزجان‌لیک ییگیت نینگ سعی و حرکت‌دن خورسند‌لیک بیلدیریب و ایش یره‌تووچیلردن حمایت بولیشی خصوصیده تاکید قیلگن.
اونینگ ایتیشیچه: «همکارلیک قیله‌میز و اولر نی تشویق قیله‌میز. باشقه ییگیت‌لر هم ایکینچی‌لیککه یوز کیلتیریب و ایکینچیلیک نی کوپه‌یتیرسین‌لر که، ان‌شاءالله اولکه‌ده ایش‌لر یخشی بوله‌دی.»
رسمی معلومات‌لر اساسیده، بو ییل جوزجان ده ۲۱ هکتار ییر گه بادرنگ ایکیلگن که، بو آره‌ده اوچ هکتاری بادرنگ ییتیشتیریش گل‌خانه‌لر دیر. آمارلر اساسیده، مذکور ایکینزار‌لر و گل‌خانه‌لردن، ۶۶ تُن بادرنگ توپلنگن.
