صناعت و سوداگرلیک وزیرلیگی مسئوللری نینگ ایتیشلریچه، بوگون (پنجشنبه، ۱۲-اسد)، قزاقستان ده «قزاق-افغان» اسمی آستیده بیر کورگزمه آچیلدی که، اوشبو کورگزمه نینگ اوچ کون‌گچه دوامی بار. مسئوللر گه کوره، مذکور کورگزمه گه افغانستان، بیرلشگن عرب امیر‌لیگی، تورکیه، ایران و اروپا دن ۳۵۰ سوداگر شرکت قیلگن دیر.
صناعت و سوداگرلیک وزیرلیگی سوزلاوچیسی آخوند‌زاده عبدالسلام جواد نینگ سلام‌وطندار گه ایتیشیچه: «بو کورگزمه گه افغانستان محصول‌لری جمله‌دن کانلر، قوروق و تازه میوه، سبزه‌وات، زعفران، قالین، ایچیم‌لیکلر و قیمت‌بها و یریم قیمت‌بها تاش‌لر ۷۰ غرفه‌ده نمایش گه قوییلگن.»
بیزلرنینگ توییترده هم تعقیب قیلینگ!
عین حالده، قزاق-افغان کورگزمه‌سیده توارلری نی نمایش گه قوییگن سوداگرلردن قطاری، مملکت‌دن تشقی‌ده، کوگزمه‌لر نینگ یولگه قوییلیشی نی توارلری تانیشتیریلیشی خصوصیده فایده‌لی بیله‌دیلر.
افغان سوداگرلردن فیروزه اکبری نینگ ایتیشیچه، جمهوریت توزومی نینگ قوللشی‌دن کیین، افغانستان دن تشقی‌ده یولگه قوییلگن بیرینچی کورگزمه دیر که، اونگه شرکت قیلگن. او، مذکور کورگزمه نینگ یکونی‌دن کیین قزاقستان‌لیک سوداگرلر بیلن سوداگرلیک بیتیم امضالنیشی نی کوتیب تورگن.
فیروزه نینگ کوپه‌یتیریشیچه: «محصول‌لریمیز تقینچاق‌لر دیر و بیر بخشی چوب دیر. بو ییر گه کورگزمه گه کیلتیرگن‌میز و بو محصول‌لریمیز نینگ حجمی تورت و بیش کیلو گه ییتیشه‌دی. جمهوریت توزومی‌ده باشقه مملکت‌لر گه کورگزمه‌لر گه کیتگن ایدیک، بیراق اسلام امیر‌لیگی نینگ قدرت گه ایریشگنی‌میز‌دن کیین بو بیرینچی مرته دیر.»
شونینگدیک قزاق-افغان کورگزمه‌سیده‌گی سوداگرلردن باشقه بیری خیرالدین مایل احمدی نینگ ایتیشیچه، قزاق-افغان کورگزمه‌سی نینگ یولگه قوییلگنی سوداگرلیک ترقیاتی و افغانستان آره‌سیده سودا-ساتیق نینگ کوپه‌یشی خصوصیده اونملی بیر آدیم دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «قزاقستان‌دن کوپینچه کیشی افغانستان محصول‌لری نی کوریش اوچون کیلگنلر. بو کبی کورگزمه‌لر آرقه‌لی باشقه مملکت‌لر بیلن یخشی سوداگرلیک یولی آچیلیشی نی کوتیب تورگن‌میز. بو جوده‌یم افغان سوداگرلر اوچون یخشی دیر.»
باشقه بیر تامان‌دن، سوداگرلیک و صناعت وزیرلیگی قزاقستان و افغانستان خصوصی سکتوری آره‌سیده یوز میلیون‌دن آرتیق دالر‌لیک بیر بیتیم نینگ امضالنیشی‌دن خبر بیرگن.
قزاق-افغان کورگزمه‌سی شونده‌ی بیرحالده یولگه قوییلگن که، بوندن آلدین قزاقستان‌دن بیر هیئت افغانستان ده سرمایه یاتقیزیش و ایکی مملکت آره‌سیده سوداگرلیک رابطه‌لر یخشی‌لنیشی مقصد، افغانستان گه کیلگن ایدی.
