بلخ ده قوشتیپه کانالی نینگ ایکینچی فازی قوریلیش ایشی بوگون باشلنگن. اسلام امیرلیگی مسئوللری، بوگون (چهارشنبه، ۱۹-میزان)، بلخ ده حیرتان بندری شهرچهسیده اوشبو کانال نینگ قوریلیش ایشی باشلنیش احتفالیده ایتیشلریچه، قوشتیپه کانالی نینگ ایکینچی فازی قوریلیش ایشی یکونی بیلن، افغانستان ایکینچیلیک محصوللر نینگ ییتیشتیریش نقطهی نظریدن خودکفالیککه ییتیشهدی.
پنجشیر محلی مسئوللری نینگ ایتیشلریچه، اوشبو ولایتده ینگیلیکده قازیب چیقریلگن زمرد، ۱۶۵مینگدن آرتیق دالر گه ساتیلگن.
کابل ده اوزبیکستان ایلچیخانهسی، بوگون (سهشنبه، ۱۸ میزان)، بیر بیانیه ترقهتیب، اوشبو مملکت هرات دهگی زلزله قربانیلری گه ۱۰۰ تُن گه یقین انسان پرورلیک یاردم بیرگنینی معلوم قیلگن.
قیش موسومی عرفهسیده غور بازارلریده گاز نرخی آشگن. غور مرکزی فیروزکوه شهری یشاوچیلریدن بیرقطاری نینگ ایتیشلریچه، اوشبو ولایت ده سونگی ایکی هفته ده گاز نرخی ۶۵ افغانی دن ۸۰ افغانی گه آشگن.
جوزجان یشاوچیلری، ایچیملیک سوو ییتیشمسلیک و طبی خذمتلردن فایدهلنه آلمسلیکلریدن شکایت قیلهدیلر. جوزجان ولایتی خانقاه تومنی یشاوچیسی و اوقیتووچی زرغونه نینگ ایتیشیچه، سونگی ۲۰ ییل ده اوشبو تومن نینگ ترقیاتی اوچون هیچ دقت قیلینمهگن و ایچیملیک سوو تنقیصلیگی، طبی خذمتلردن فایدهلنه آلمسلیک، قیشلاقلر نینگ قتناو یوللری بوزوقلیگی و ایکینچیلیک سوو یوقلیگی، خانقاه تومنی یشاوچیلرینی تورلی خیل قیینچیلیک بیلن دوچ قیلگن.
افغانستان تیمیر یول ادارهسی مسئوللری، حیرتان بندری ده سوداگرلیک توار یوکلنگن تیمیر یول ییتیب کیلیشی بیلن ایتیشلریچه، چین دن موترلر نینگ پرزهلری یوکلنگن ۲۲ کانتینر، ۱۰ کون ایچیده حیرتان بندری گه ییتیب کیلگن.
اوتگن کوندن بیری مملکت نینگ قطار ولایتلری اینیقسه کابل، جوزجان، قندهار، ارزگان، خوست و لوگر ولایتلریده هرات ده زلزله باعث زیان کورگنلر گه یاردم بیریش مقصدیده، مالی یاردم ییغیش صندیغلری قوییلیب و کمپاین خیمهلری قوریلگن.
افغانستان سوداگرلیک و سرمایه یاتقیزیش اتاقی مسئوللری نینگ ایتیشلریچه، مذکور مملکت نینگ قریب ۶۰ تُن جلغوزهسی، ۴ میلیون دالر ارزشی بیلن هوایی دهلیز آرقهلی چین گه صادر بولگن.
پاکستان ده افغانستان ایلچیخانهسی و افغانستان و پاکستان سوداگرلیک و صناعت قوشمه اتاقی گه کوره، ایکی مملکت نینگ سوداگرلیک و ترانزیت قراردادی گه قرشی، پاکستان تامانیدن افغانستان نینگ سوداگرلیک توارلری گه یرهتیلگن چیکلاولر باعث، افغانستان سوداگرلیک توارلرینی یوکلهگن یوزلب کانتینر کراچی بندری ده بند قالگن.
مملکت مهاجرلر وزیرلیگی، «اکتید» و افغانستان اوچون ناروی هیئتی مؤسسهلری بیلن همکارلیک بیتیم امضالهگنیدن خبر بیرگن.
ایکینچیلیک، چاروهچیلیک و سوغاریش وزیرلیگی رسمیلری گه کوره، ایکینچیلیک خودکفالیگی اوچون اولکه بویلب سوولر باشقریلیشی کیرهک.
ایچکی ایشلر وزیرلیگی ترافیک عمومی ریاستی مسئوللری گه کوره، کابل شهری ده برقی موترلر بیش فایز آشگن.
تخار ولایتی اینیقسه رستاق تومنی یشاوچیلری، ایچیملیک سوولری یوقلیگیدن نالیب ایتیشلریچه، چاروهلرینی ساتیب و بیر قطاری یشش اویلرینی ترک قیلیش گه مجبور بولگن.
افغانستان مرکزی بانکی، اوز ایکس (تویتری) ده، مملکت بازارلریده افغانی پول نرخینی ثابت سقلش مقصدیده بوگون سهشنبه، ۱۱ میزان، ۱۴ میلیون امریکالیک دالرنی داوطلبلیک آرقهلی لیلام قیلیشیدن خبر بیرگن.
افغانستان گه تشریف بویرگن چینلیک جلغوزه سوداگرلریدن بیرقطاری، بیرینچی مرته خوست و پکتیا ولایتلری گه سفر قیلگنلر.
چاروهچیلیک و سوغاریش وزیرلیگی نینگ تدقیقاتی انستیتوت عمومی ریاستی مسئوللری حضوری بیلن، بدخشان ده ۴۲ جریب ییرده ایکینچیلیک تدقیقاتی فارم ایجاد ایتیلگن.
