اسلامقلعه و کراچی بندرلریده سوداگرلردن قطاری، قوشنی مملکتلر تامانیدن تورلی بهانهلر و یوقاری خرهجتلر وضع بولینیشیدن شکایت قیلیب، اوشبو قیینچیلیکلر حلی خصوصیده مسئوللر نینگ جدی شکلده توجه قیلیشلری نی ایستهگنلر.
سرپرست حکومت تشقی ایشلر وزیرلیگی نینگ سیاسی معینی شیرمحمدعباس استانکزی، بوگون (دوشنبه، ۱۵-عقرب)، کابل ده افغانستان اقتصادی ترقیاتی عنوانی ده یولگه قوییلگن ییغیلیش ده، افغانستان سوولری باشقریلیشی اوستیگه تاکیدلب ایتیشیچه، سرپرست حکومت مملکت بویلب سوولرنی باشقریش اوچون سوو توغانلرینی قوریب و ریجهلرینی عملی قیلیش گه متعهد دیر.
نیچه وزیرلیک مسئوللریدن تشکیل ایتیلگن افغانستان هیئتلری نینگ اوزبیکستان گه قیلگن سفری بیلن بیرگه، اوشبو وزیرلیکلردن قطاری نینگ سوزلاوچیلری گه کوره، مذکور سفرده سرمایه یاتقیزیشلر گه ترغیب قیلیش، صادرات و واردات بولیمیده آسایشتهلیک یرهتیش و قیینچیلیکلر حل بولیشی و افغان-ترانس تیمیر یول پروژهسی توغریسیده ایش باشلنیشی اوچون تشقی سرمایه یاتقیزووچیلر نینگ ترغیب قیلیش مسئلهلری بحث گه آلینیشی کوتیلهدی.
بیرلشگن ملتلر تشکیلاتی گه کوره، افغانستان ده تریاک ایکینی تقیقلنیشی دن کیین، اوشبو مملکت ده تریاک تولیدی و ایکینی ۹۵ فایز کمهیگن.
فواید عامه وزیرلیگی مسئوللری، تخار ده ۳۴.۹ میلیون افغانیلیک اوچ پروژه ایشی باشلنگنیدن خبر بیرگنلر. فواید عامه وزیرلیگی سوزلاوچیسی محمداشرف حقشناس گه کوره، اوشبو پروژهلر ایشی پنجشنبه کونی، ۱۱-عقرب، عملی روشده باشلنگن.
قندهار ده باغدارلردن قطاری نینگ ایتیشلریچه، اوشبو ولایتده انار محصوللری بیر تاماندن اوسیملیک آفتلری سبب زیان کوریب و باشقه بیر تاماندن انار صادراتی جریانیده کوپینچه قیینچیلیکلر بیلن روپهرهلر. اولر نینگ کوپهیتیریشلریچه، شونینگدیک پاکستان تامانی سپینبولدک چیگرهسیده، اولر گه قیینچیلیک یرهتهدی.
ننگرهار، افغانستان نینگ نیشکر ییتیشتیریش اوچون مهم ولایتلریدن بولیب، اوشبو ولایتدهگی دهقانلر هر ییلی ییرلریده نیشکر ایکهدیلر و عایلهلری نینگ قیینچیلیگی نی ییغیم-تیریم و اونینگ ساتیش بیلن حل قیلهدیلر. شونینگدیک بو ییل مذکور ولایت نینگ ایکینچیلیک ییرلریدن کوپ بولیمی گه نیشکر ایکیلگن و دهقانلر اوشبو محصول نینگ کوپهیگنیدن خورسندلر؛ بیراق ماس بازار یوقلیگی خصوصیده خواطرلنگنلر.
بیرلشگن ملتلر تشکیلاتی نینگ ییگولیک مادهلر و خلقارا آزیق_آوقت دستوری افغانستان ده آزیق_آوقت خوفسیزلیگی و انسان پرورلیک یاردملر دن ۱۰ میلیون محتاج کیشی محروم بولیشی دن خواطر بیلدیرگن بیر حالده، بوگون (چهارشنبه، ۱۰-عقرب)، اروپا اتفاقی و باشقه سکیز مملکت نمایندهلری، قوشمه بیر بیانیه ترقهتیب، افغانستان گه انسان پرورلیک یاردملری گه دوام بیریشلری دن ایشانچ بیرگنلر.
سونگی ییللردهگی کیتمه_کیت قوروقچیلیک و ییر آستی سوولری پس توشیشی باعث مملکت یشاوچیلری اینیقسه غور اهالیسی ایچیملیک سوو تنقیصلیگی بیلن روپهره بولیب و شور سوو دن فایدهلنیش گه مجبور بولگنلر. اولر دن بیرقطاری نینگ ایتیشلریچه، کوپ ییللردن بیری یشاوچیلر شور سوو و بولاقلر نینگ افلاسلنگن سوولری دن قوللنیب کیلماقدهلر.
سرپل و جوزجان محلی مسئوللری نینگ ایتیشلریچه، هرات ده زلزله طفیلی زیان کورگنلر گه یاردم بیریش اوچون یولگه قوییلگن ۱۰ کونلیک کمپاین ده، توقیز میلیون ۲۷۰ مینگ افغانی ییققنلر.
افغانستان تیمیر یول ادارهسی، سهشنبه کونی، ۲ عقرب، اوز ایکس صحیفهسیده، اوشبو اداره نینگ عمومی باشلیغی روسیه جمهور باشلیغی نینگ مصلحتچیسی بیلن اوچرهشگنینی یازگن.
هلمند یشاوچیلری دن بیرقطاری نینگ ایتیشلریچه، اوشبو ولایت مرکزی لشکرگاه شهری نی ناوه، گرمسیر، خانشین و بهرامچه تومنلری گه باغلهیدیگن ۳۰۰ کیلومترلیک یول بوزیلگن و بو مسئله اولرنی ایریم قیینچیلیکلر بیلن روپهره قیلگن.
متقاعدلردن قطاری اوتگن کون (دوشنبه، ۱-عقرب)، حقلری نی قولگه کیلتیریش اوچون کابل ده متقاعدلر خزینهسی ریاستی برابریده ییغیلیب، سرپرست حکومت تامانیدن تقاعد حقلری نینگ توللنمهسلیگیدن شکایت قیلیب ایتیشلریچه، یامان اقتصادی وضعیت و تقاعد حقلری نینگ توللنمهسلیگی، حیات نی اولر گه قیینلشتیرگن.
افغانستان ده سونگی سیاسی اوزگریشلردن کیین، مملکت نینگ تورلی بورچکلریده ایشسیزلر سانی مثلسیز درجه ده آشگن. بلخ مرکزی مزارشریف شهری نینگ تورت یوللری ده کوندهلیک ایشلاوچیلر حضوری گه قرهگنده، ایشسیزلر سانی آشیشیدن درک بیرهدی.
هلمند ده، هرات و بادغیس ولایتلری ده زلزله قربانیلری اوچون توقیز میلیون دن آرتیق افغانی ییغیلگن.
سرپل ده دهقانلردن بیرقطاری، ۱۰۰ مینگ دن ۱۲۰ مینگ افغانی گچه قریب ۳۰ جریب ییر ده کونجوت ایککنلر ایتیشلریچه، کیتمه_کیت قوروقچیلیک باعث محصولاتلری یخشی حاصل بیرمهی و مالی زیان کورگنلر.
