پاکستان تامانیدن کراچی بندریده افغانستانلیک سوداگرلر نینگ سوداگرلیک توارلری یوکلنگن ۳۰۰۰ کانتینری توختهگنی بیلن، افغانستان و پاکستان نینگ قوشمه صناعت و سوداگرلیک اتاقی مسئوللری نینگ سلاموطندار گه ایتیشلریچه، مذکور کانتینرلر نینگ توختهگنی، افغانستانلیک سوداگرلر گه کونده ۴۰۰ مینگ دالر زیان ییتیشتیرهدی.
سرپل حاکمی محمدیعقوب عبدالرحمان اکه، سهشنبه کونی، ۳۰-عقرب، قشقری نفت قودوقلرینی کوزهتیش و خوفسیزلیک وضعیت نی تیکشیریش اوچون اوشبو منطقه گه بارگن ایتیشیچه، قشقری نفت کانی مملکت نینگ ملی سرمایهلری دن بیری سنلهدی.
پنجشیر محلی مسئوللری نینگ ایتیشلریچه، اوشبو ولایتده ینگیلیکده قازیب چیقریلگن زمرد، ۱۹۸ مینگدن آرتیق دالر گه ساتیلگن.
افغان قیزیل آی جمعیتی بوگون (دوشنبه، ۲۹-عقرب)، کابل ده کمبغل و محتاج ۵۰۰ عایله گه یاردم بیرگن.
پاکستان دن افغانستانلیک قاچقینلر نینگ جبر دن چیقریش جریانی گه دایر اسلام امیرلیگی و پاکستان حکومتی آرهسیده کیسیکینلیکلر اوج آلماقده ایکن، ینگیلیکده پاکستان حکومتی افغانستان سوداگرلری نینگ توارلری یوکلنگن موترلر گه چیکلاو یرهتگن.
هرات ترافیک مدیریتی مسئوللری نینگ ایتیشلریچه، اوشبو اداره سونگی سکیز آی ده ۲۰۰ میلیون افغانی درآمد قیلگن.
مملکت صناعت و سوداگرلیک وزیرلیگی، یکشنبه کونی، ۲۸-عقرب، اوز ایکس صحیفهسیده، اوشبو وزیرلیک سرپرستی، قزاقستان نینگ خلقارا سوداگرلیک اتاق نمایندهسی بیلن اوچرهشگنینی یازگن.
هرات محلی مسئوللری گه کوره، اوشبو ولایت ده زلزله طفیلی زیان کورگنلر گه ۴۰۰ میلیون افغانیلیک ۷۳۰ یشش اوی نینگ قوریش ایشی باشلنگن.
جوزجان ولایتی محلی رسمیلری گه کوره، اوشبو ولایت مرکزی و تومنلری ده ایکی مینگ ۲۰۰ عایله ایچیملیک سوو بیلن تامینلنگن.
فراه ده مهییز ایشلب چیقرووچیلر نینگ ایتیشلریچه، بو ییل اوشبو ولایتده اوزوم حاصلاتی و مهییز تولیدی اوتگن ییللر گه قرهگنده کوپهیگنی بیلن؛ بیراق اولر محصوللری نینگ ساتیلیشی اوچون مناسب بازار یوقلیگی قیینچیلیگی بیلن روپهرهلر.
فاریاب ولایتی قیصار تومنیده باغدارلردن قطاری نینگ سلاموطندار گه ایتیشلریچه، اوتگن ییل قیش موسومیده قتیق ساووق و اوشبو ییل قوروقچیلیک نتیجهسیده، مذکور ولایتده مهییز تولیدی کمهیگن. اولر نینگ کوپهیتیریشلریچه، شونینگدیک مهییز قیمتی ۴۰ فایز کمهیگن دیر.
بیرلشگن ملتلر تشکیلاتی بشرحقلری عالی کمیساری، پاکستان پولیسی افغانستانلیک قاچقینلر نینگ بیزاوته قیلیشیدن خواطر بیلدیرماقده ایکن، سونگی کونلرده تورخم و اسپینبولدک بندرلری دن مملکت گه قیتگن قطار قاچقینلر نینگ ایتیشلریچه، پاکستان پولیسی اوشبو مملکت دن قاچقینلر نینگ جبر دن چیقریش پیتیده، اولر گه ظلم قیلیب و برچه نرسهلرینی تارتیب آلگن.
کابل_قندهار یولی هیداوچیلری و غزنی اهالیسی، اوشبو یول نینگ قیته قوریش ایشلری سُستلیگیدن نالیب و پروژه ایشلری تیزلشتیریلیشینی سورهیدیلر.
برشنا یا-ده افغانستان برق ییتکزیش شرکتی نینگ سرمایه یاتقیزیشنی جلب قیلیش ریاستی، شبرغان-دشت الوان نینگ ۵۰۰ کیلوولت برق لینینی انتقال بیریش اوچون قالگن ۲۴ فایز ایشینی بیتتیریش و دشت الوان سباستیشنی رواجلنیشی مقصدیده، ایچکی بیر شرکت بیلن همکارلیک بیتیم امضالهگن.
سوداگرلیک و صناعت وزیرلیگی مسئوللری نینگ ایتیشلریچه، اوتگن کون اسلامآباد ده افغانستان، پاکستان و اوزبیکستان آرهسیده اوچ تامانلمه سوداگرلیک ییغین یولگه قوییلگن. اوشبو وزیرلیک سوزلاوچیسی آخوندزاده عبدالسلام جواد نینگ سلاموطندار گه ایتیشیچه، مذکور ییغینده افغان-ترانس تیمیر یولی پروژهسی، صادرات و واردات یوللری کوچلنیشی، آستقورمهلر کوچهیشی، سوداگرلیک خصوصیدهگی توسیقلیکلر کمهیشی و مملکتلر آرهسیده سوداگرلیک کوچلنیشی حقیده بحث و صحبت قیلگنلر. اونینگ کوپهیتیریشیچه، شونینگدیک مذکور ییغینده اوچ تامان سوداگرلیک و ترانزیتی همکارلیک بیتیمی نی امضا قیلگنلر.
اسلام امیرلیگی باش وزیری نینگ اقتصادی اورین باسرلیگی، بوگون (چهارشنبه، ۲۴-عقرب)، اوز ایکس صحیفهسیده، بیرلشگن عرب امیرلیگی گه تیگیشلی فلای دوبی هوایی شرکتی، افغانستان گه فعالیتلرینی قیته باشلهگنیدن خبر بیرگن.
