اوزبیکستان دن وارداتی برق نینگ ۵۰ فایزی کمه‌یشی و ۱۰دن آرتیق ولایت‌ده برق پرچاوی‌سی کوپه‌یشی بیلن بیرگه، کابل، غزنی و لوگر ولایت‌لریده صناعتچیلر و کسبه‌کارلردن قطاری نینگ ایتیشلریچه، برق یوقلیگی اولر نینگ تولید و درآمدلری میزانی نی کمه‌یتیرگن.
بلخ تیمیر یول اداره‌سی مسئوللری نینگ ایتیشلریچه، اوشبو یۉنه‌لیش نینگ بوزیلگن ریلی و غیر ریلی قسمت‌لرینی قیته قوریش ایشی باشلنگن. اولر گه کوره، بو یۉنه‌لیش نینگ قیته قوریش اوچون آلتی میلیون ۳۰۰ مینگ دالر صرفلنه‌دی. بلخ تیمیر یولی حیرتان سوداگرلیک بندرینی مزارشریف گه باغله‌یدی، بوزیلگن قسمت‌لرینی قیته قوریش ایشی ۲-حوت، چهارشنبه کونی عملی طرزده باشلنیب و ایکّی آی‌گچه ایشی یکونلنه‌دی.
معلومات و مدنیت وزیرلیگی سرپرستی خلق‌ارا آنه تیل کونی مناسبتی بیلن اوتکزیلگن ییغیلیش ده، بو وزیرلیک افغانستان نینگ بومی تیل‌لرینی رواجلنتیریش اوچون سعی‌وحرکت قیلیشیدن ایشانچ بیردی.
اسلام امیرلیگی سوزلاوچیسی ذبیح‌الله مجاهد بوگون (چهارشنبه، ۲-حوت)، امریکا تشقی ایشلر وزیرلیگی نینگ سوزلاوچیسی متیومیلر نینگ، اسلام امیرلیگی افغانستان نینگ کیله‌جک سیاستی یالغیز اویینچیلری ایمسلیک بیاناتی گه مناسبت بیلدیریب ایتیشیچه، دنیا مملکت‌لری اسلام امیرلیگی افغانستان وکیلی و افغانستان حکومتی ایکن‌لیگینی تن آلیشی کیره‌ک.
ارگ ایکس اجتماعی ترماغیده بیر خبرنامه ترقه‌تیب، اسلام امیرلیگی باش وزیرلیگی سیاسی اورین باسری محمد عبدالکبیر بیلن، کابل ده جاپان ایلچی‌سی تاکایوشی کورومیا نینگ اوچره‌شگنیدن خبر بیرگن.
میدان‌وردک ساغلیق‌نی سقلش ریاستی مسئوللری نینگ ایتیشلریچه، اوتگن کون (سه‌شنبه، ۱-حوت)، اوشبو ولایت نینگ ولایتی کسل‌خانه‌سیده بیر عیال، تورت ایگیزک دنیا گه کیلتیرگن.
بدخشان فواید عامه ریاستی مسئوللری، اوشبو ولایت ده کوچلی قار یاغیشی طفیلی ۱۲ تومن نینگ قتناو یولی یاپیلگن ایدی، آچیلگنیدن خبر بیرگنلر.
بیرلشگن ملتلر تشکیلاتی نینگ تعلیم، بیلیم و مدنیت تشکیلاتی (یونسکو)، دنیا نینگ ۴۰ فایز اهالیسی سوزله‌یدیگن یاکه بیله‌دیگن تیلی ده تعلیم کورمسلیگینی معلوم قیلگن. اوشبو نهاد بوگون (چهارشنبه، ۲-حوت)، خلق‌ارا آنه تیل کونی مناسبتی بیلن ایکس اجتماعی ترماغی ده، کوپ سانده تیل‌لر یوق بولیش عرفه‌سیده قرار تاپگنینی یازگن.
بیرلشگن ملتلر تشکیلاتی نینگ تعلیم، بیلیم و مدنیت تشکیلاتی، دنیا بویلب آنه تیل‌لر گه حرمت قیلینیشی، تیل و فرهنگ رواجلنیشی مقصدیده، میلادی ۱۹۹۹ ییل ده ۲۱-فبرورینی خلق‌ارا آنه تیل کونی اوله‌راق نامله‌گن.
قندوز ولایتی قلعه‌ی ذال تومنی یشاوچیلریدن قطاری نینگ سلام‌وطندار گه ایتیشلریچه، اولر نیچه دهه‌دن بیری اوشبو تومن‌‌ده ساغلیق خذمت‌لر رواجلنیشی نی ایسته‌گنلر؛ بیراق اولر نینگ بو ایسته‌کلری عمل گه آشیریلمه‌گن. اولر گه کوره، مذکور تومن کسل‌خانه‌سی ۱۰ یاتاقلی بولگنی سبب، برچه مراجعت قیلووچیلر اوچون ییترلی ایمس. شونینگدیک اولر قلعه‌ی ذال تومنی کسل‌خانه‌سیده ستندرد اوسکونه‌لر یوقلیگیدن شکایت قیلیب ایتیشلریچه، ییل‌لردن بیری کسل‌لری نینگ دوالنیشی اوچون قندوز مرکزی گه انتقال بیره‌دیلر.
بیرلشگن ملتلر تشکیلاتی قویاش اوشبو ییل دلو آی نینگ ۲۹ و۳۰- کون‌لری ده افغانستان وضعیتی گه دایر دوحه ایکّینچی ییغیلیشینی قطر پایتختی دوحه ده یولگه قویدی. ایش بیلرمان‌لر افغانستان وضعیتی حلی اوچون بو کبی ییغیلیش‌لر اوتکزیلیشینی خوش قرشی‌لسه‌لرده؛ بیراق دوحه ییغیلیشی افغانستان وضعیتی حلی اوچون مملکت‌لر نینگ فکر-ملاحظه‌لری فرق‌لی بولیشی و شرق و غرب نینگ رقابت‌لری بیلن بیرگه بولگن.
سمنگان ولایتی محلی مسئوللری، اوشبو لایت ده یوز بیرگن ترافیکی حادثه عاقبتیده ییتّی کیشی اولیب و باشقه ایکّی کیشی یره‌لنگنیدن خبر بیرگنلر. سمنگان ولایتی دولتی کسل‌خانه آمری سید‌عثمان حمیدی نینگ سلام‌وطندار گه ایتیشیچه، بوگون (سه‌شنبه، ۱-حوت)، توش‌دن کیین مزارشریف-سمنگان قتناو یولی‌ده یوز بیرگن ترافیکی حادثه‌ده ایکی عیال شامل ۷ کیشی اولیب و ایکی کیشی یره‌لنگن.
افغانستان ده بیرلشگن ملتلر تشکیلاتی باله‌لردن حمایت قیلووچی صندیغی (یونیسف) نینگ اعلام قیلیشیچه، میلادی اوتگن آی جریانیده افغانستان ده ۱۶۰ مینگ کیشی تنفسی کسل‌لیکلر گه چلینگن.
صناعت و سوداگرلیک وزیرلیگی، کیچیک و اورته سرمایه یاتقیزیش بولیمی ده ۲۲ ایچکی موسسه بیلن همکارلیک بیتیم امضاله‌گن. صناعت و سوداگرلیک وزیرلیگی ۳۰-دلو، دوشنبه کونی ایکس اجتماعی ترماغی ده، مملکت ترقیاتی اوچون کیچیک‌راق، کیچیک و اورته سرمایه یاتقیزیش بولیمی ده، ۲۲ ایچکی موسسه بیلن اوچ یریم میلیون دن آرتیق دالرلیک کیلیشوونامه امضاله‌گنینی یازگن.
افغانستان نینگ برق ییتکیزیش شرکتی (برشنا) اوزبیکستان نینگ افغانستان گه وارداتی برقی ۵۰ فایز کمهیگنیدن خبر بیرگن. برشنا شرکتی ۳۰-دلو، دوشنبه کونی، ایکس اجتماعی ترماغی ده، اوزبیکستان نینگ افغانستان گه وارداتی برقی تخنیکی قیینچیلیک باعث ۵۰ فایز کمه‌یگنینی یازگن.
افغانستان ده بیرلشگن ملتلر تشکیلاتی خلق‌ارا آزیق-آوقت دستوری مسئوللری نینگ ایتیشلریچه، جاری میلادی ییل جریانیده ۴۵۰ مینگ‌دن آرتیق نیازمند و آسیب کوره‌دیگن کیشی، عامه سرمایه دستوری آرقه‌لی حمایت بوله‌دی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
