افغانستان ده بیرلشگن ملتلر تشکیلاتی خلقارا آزیق-آوقت دستوری مسئوللری نینگ ایتیشلریچه، جاری میلادی ییل جریانیده ۴۵۰ مینگدن آرتیق نیازمند و آسیب کورهدیگن کیشی، عامه سرمایه دستوری آرقهلی حمایت بولهدی.
افغانستان ده بیرلشگن ملتلر تشکیلاتی نینگ خلقارا آزیق-آوقت دستوری سوزلاوچیسی ضیاءالدین صافی نینگ سلاموطندار گه ایتیشیچه، مذکور کیشیلر سرک و کانال قوریش و اطراف محیطنی سقلش خصوصیده آلتی آیگچه ایش بیلن شغللنهدیلر.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «خلقارا آزیق-آوقت دستوری ۲۰۲۴-ییلده ۴۵۰ نیازمند و آسیب کورهدیگن کیشی گه عامه سرمایه دستوری آرقهلی یاردم بیرهدی و بو کیشیلر آلتی آیگچه کانال و سرک قوریش و اطراف-محیطنی سقلش خصوصیده همکارلیک قیلهدیلر. ۳۵۰ مینگ کیشی گه نقد پول و ۹۷ مینگ کیشی گه ییگولیک ماده ترقهتیلیشی ممکنو بو برنامه ۲۸ ولایتده عمل گه آشیریلیشی ممکن.»
خلقارا آزیق-آوقت دستوری نینگ اوشبو برنامه خصوصیده صحبت قیلگنی بیرحالده، کابل بلدیهسی هم کابل شهریده ایش اورنیده ییگولیک ماده ترقهتیلیش برنامهسیدن خبر بیرگن. مسئوللری نینگ ایتیشلریچه، ایش اورنیده ییگولیک ماده برنامهسی نی خلقارا آزیق-آوقت دستوری همکارلیگی بیلن، کابل ده نیازمند کیشی نینگ ایش بیلن شغللنیشی مقصد باشلهگنلر.
کابل بلدیهسی مسئوللری نینگ کوپهیتیریشلریچه، اوشبو برنامه بیرلشگن ملتلر تشکیلاتی نینگ خلقارا آزیق-آوقت دستوری همکارلیگی بیلن، کابل شهری نینگ اون اوچینچی حوزهسیده باشلنیب و شونینگدیک مذکور شهر نینگ باشقه ناحیهلریده هم عمل گه آشیریلیشی ممکن.
کابل بلدیهسی سوزلاوچیسی نعمتالله بارکزی نینگ ایتیشیچه، مذکور کیشیلر نظافتنی تأمینلش، سطحی سوولر نی مدیریت قیلیش، یشیللیک و شهری تأسیسلردن نی سقلش اوچون کابل بلدیهسی یانیده همکارلیک قیلهدیلر. «بو برنامه آلتی آیلیک دیر و ایشلاوچیلر ایسه هفتهدن اوچ کون و کونده اوچ ساعت شهر نینگ ساحهلریده فعالیت قیلهدیلر و اولر گه کییم و ایش اوسکونهلری بیریلهدی.»
شوندهی بیرحالده، ایشسیزلیکدن زیریککن یشاوچیلردن قطاری نینگ ایتیشلریچه، بو کبی برنامهلر نینگ کوپراق و اوزون مدتلی شکلده یولگه قوییلیشی کیرهک. آلتی کیشیلیک عایله سرپرستی و کابل یشاوچیسی بولمیش فواد نینگ ایتیشیچه، کوپینچه پیت ایش تاپیش اوچون چوک یانیده گه بارهدی؛ بیراق مناسب بیر ایش تاپیش گه موفق بولمهگن.
او سرپرست حکومتدن ایش اورنیده ییگولیک ماده ترقهتیلهدیگن برنامه نینگ اوزون مدتلی بولیشی نی ایستهگن. «ایش یرهتیلگنی صورتده، ایشلهیمیز و کوپ خوش بولهمیز که دایمی ایش یرهتیلسه.»
بیزلرنینگ فیسبوک صحیفهمیزگه باش اورینگ!
پروان یشاوچیسی سمیعالله نینگ ایتیشیچه، ایش اورنیده ییگولیک ماده ترقهتیلیش برنامهسیده نیازمند کیشیلر نینگ آلیشی کیرهک. «ایش نیازمند کیشیلر گه بیریلگنیده، اولر نینگ عایله نفقهسی گه یاردم بیرهدی. مستحق کیشی گه بیریلمهگنیده، فایدهسی یوق. نیازمند کیشیلر نینگ ایش گه آلینیشی نی ایستهیمیز.»
ایتیش کیرهک که، بوندن آلدین دنیا بانکی بیر گزارش ترقهتیش بیلن افغانستان ده ییگیتلر و عیاللر آرهسیده ایشسیزلیک سطحی خواطرلنتیرووچی بیر شکلده یوقاری کیتگنی نی اَیتگن ایدی.