قالین صادرقیلووچیلر بیرلشمه مسئوللری نینگ ایتیش‌لریچه، هوایی دهلیزلر آرقلی قالین صادراتی کمه‌یگن بیرحالده، اونینگ ایشلب چیقاریلیشی و صادراتی ۲۰ فایز کوپه‌یگن. قالین صادرقیلووچیلر بیرلشمه رئیسی نوراحمد نوری نینگ سلام‌وطندار گه ایتیشیچه، قالین صادراتی و ایشلب چیقاریش پروسه‌سیده کوپینچه قیینچیلیکلر بار، بیراق اونینگ ایشلب چیقاریلیشی و صادراتی ۲۰ فایز کوپه‌یگن.
اونگه کوره، قالین صادراتی نینگ یالغیز ۱۰ فایزی هوایی دهلیزلر آرقلی و ۹۰ فایزی ایسه پاکستان یولی آرقلی صورت تاپه‌دی. نوری، قالین صادراتی و ایشلب چیقاریلیشی نینگ کوپه‌یگنی نی اصلی دلیلی، ایش‌سیزلیک و یشاوچیلر نینگ قالین توقیش گه یوز کیلتیرگن‌لری دیگن.
نوری نینگ کوپه‌یتیریشیچه: «هوایی دهلیزلر باغلیق دیر و اوشبو یول آرقلی یالغیز ۱۰ فایز صادراتی‌میز بار که آریانا و کام‌ایر اوچاق‌لری تامانیدن دبی یوباریلیب و دبی‌دن باشقه مملکت‌لرگه یوباریله‌دی. قالین نینگ ۹۰ فایزدن آرتیغی ایسه پاکستان یولی‌دن صادر بوله‌دی.»
عین حالده، قالین صادرقیلووچیلر بیرلشمه رئیسی نینگ اورغولشیچه، قالین ایشلب چیقاریلیشی خصوصیده قیینچیلیکلر بار. او، قالین ایشلب چیقاریش اوچون خام ماده بهاسی ۸۰ فایز کوپه‌یگنی، هوایی دهلیزلرنینگ فعال بولمه‌گنی، افغانستان ده ایشلب چیقاریلگن قالین‌لر پاکستان تامانیدن بو مملکت نامیده صادر بولیشی و شونینگدیک بانکی قیینچیلیکلر بو توغریده‌گی قیینچلیکلر دیگن.
بیزلرنینگ فیسبوک صحیفه‌میزگه باش اورینگ!
اونگه کوره، شونینگدیک بانکی نظام‌ده‌گی قیینچیلیکلر ساتیلگن قالین‌لرنینگ پولی، مملکت که کیلیشی خصوصیده کوپینچه قیینچیلیکلر یره‌تگن. عین حالده، افغانستان اسلامی امارت قدرت گه ایریشیشی بیلن، قالین سوداگرلریدن قطاری باشقه مملکت‌لرگه کیتیب و او ییرده ایش گه باشله‌گنلر.
عین حالده، شونینگدیک قالین سوداگرلریدن بیری محمد عظیم، مذکور توارلرنینگ ایشلب چیقاریلیشی و صادراتی کوپه‌یگنی نینگ تن آلیب و ایتیشیچه، هوایی دهلیزلر توغری شکلده فعالیت قیلگن صورتده، صادرات نینگ بوندن هم کوپ بولیشی نی احتمالی بار.
شونده‌ی بیرحالده، قویاش جاری ییلده افغانستان دن باشقه مملکت‌لرگه کمیده ۹۰۰ مینگ متریک قالین صادر بولگن.
بو توغریده صنعت و سوداگرلیک وزیرلیگی نینگ فکرینی اورگه‌نیش ایسته‌دیک، بیراق کیین‌مه‌کیین قونغیراقلر بیلن موفق بولمه‌دیک. شونینگدیک افغانستان صنعت و سوداگرلیک اتاقلری مسئوللری هم بو توغریده سوزلش گه حاضر بولمه‌دی.
