ننگرهار ده تولیدی ایش‌خانه‌لردن اونلرچه‌سی فعال دیر که اولر قالین، قالینچه و تاووق‌لر نینگ اوقتی و باشقه نرسه‌لر ایشلب چیقاریشه‌دی. مسئوللر نینگ ایتیش‌لریچه، اوتگن ۴ آیده اوشبو ایش‌خانه نینگ صادراتی ۴۰ فایز کوپه‌یگن.
ننگرهار صنعت و سوداگرلیک اتاقی نینگ صادرات رئیسی شاکر صافی نینگ ایتیشیچه، اوتگن بیر آیده مذکور ولایت یالغیز صادراتی دن کمیده ۲۸ میلیون دالر درآمد قولگه کیلتیرگن.
بیزلرنینگ فیسبوک صحیفه‌میزگه باش اورینگ!
او، صادرات کوپه‌یگنی نینگ دلیلی نی مملکتده تولید بوله‌دیگن توار‌لر نینگ قاچاق ایتیلیشی‌نی آلدی آلینگنی دیب بیله‌دی.
اونینگ ایتیشیچه، صادرات کوپه‌یشی اوچون سعی و حرکت قیلماقده‌لر، بیراق او مسئول‌لردن اوشبو صنعت برابریده‌گی قیین‌چیلیک‌لر نی رفع ایتیلیشی اوچون اقدام قیلیش‌لرینی سوره‌گن.
ننگرهار ده صنعتچی‌لر بیرلشمه‌سی رئیسی تور ملنگ نینگ ایتیشیچه، ایش‌خانه‌لر نینگ فعالیتی و صادراتی کوپه‌یگنی، مینگ‌لرچه شغل ایجاد قیلگن. اونگه کوره، ایچکی اقتصاد بیر آز یخشی‌لنیشی اوچون دولت نینگ اولر گه یاردم بیریشی کیره‌ک.
گرچند ننگرهار یشاوچی‌لریدن قطاری، حاضرگی وضعیتده صادرات کوپه‌یگنیدن خرسندلر، لیکن بوتوغریده کوپینچه قولایلیک کیلییشی نی ایسته‌یدیلر.
دستلبکی ماده‌لر نینگ ییتمس‌لیگی، برق تامین‌لنمه‌یشی و افغانستان سوداگرلری نینگ خلق‌ارا بازارلری بیلن علاقه قورالمه‌یشی، مملکتده کییم‌لرنینگ تولیدی و ساتیلیشی برابریده‌گی قیین‌چیلیکلردن دیر.
بیزلرنینگ توییترده هم تعقیب قیلینگ!
