افغانستاننینگ تولیدی صناعتی طبیعی مواد و نادر قولده ایشلنگن صناعت اثرلریدن فایدهلنیش بیلن دنیا مقیاسیده نایاب دیب تن آلینگن. بو اثرلر نهفقط تاریخی جهتدن قدرلی بلکه هر بیری اوشبو یورتنینگ بای مدنیتینینگ عکسی دیر-اولرنینگ هر بیری افغان عیاللرینینگ ماهر قوللری و امید گه توله یورهکلری بیلن یرهتیلگن.
افغانستانده تدبیرکار عیاللر، صفتلی و اۉزلری گه عاید تولیدلری بیلن، هلیگچه صادراتنی اۉز قوللریده آلیش گه اولگورمهگن. سلاموطندارنینگ قول توقیمه بولیمیده ۳۰ تدبیر کار عیال بیلن اوتکزگن صحبتی اساسیده، باجخانه یوقاری تعرفهلری، صادرات اوچون مستقیم یول یوقلیگی، ترانسپورت قیینچیلیگی، دولت تامانیدن حمایه بولمسلیک و عیاللرنینگ باردی-کېلدیسی اوچون یرهتیلگن چېکلاولر، اولرنینگ تجارتی برابریدهگی اصلی توسیقلر دیر.
بو عیاللرنینگ ایتیشلریچه، محصولاتلرینی صادر قیلیش اوچون کارگو دن فایدهلنیش گه مجبورلر [کارگو توارلرنی بیر مکاندن باشقه مکان گه آلیب باروچی. بیر کارگو ممکن کامیون، تیمیر یول، اوچاق یا کېمه کبی ترانسپورتی واسطهلردن قوللنیب یینگیل و آغیر توارلرنی انتقال بیریش شامل بولهدی.] و شخصی علاقه دیر؛ یوقاری خرهجتی و کوپ زمان تارتیشی صادرات جریانی اوچون اونینگ اساسی قیینچیلیگی سنلهدی. اونگه قۉشیمچه، مناسب پاکتلنمسلیک و صفتلی خام مواد، اونینگ باشقه معمالریدن دیر.
کابلده تدبیرکار ۳۶ یاشر ذکیه گه کوره: «قول توقیمه بولیمیده افغانستانلیک عیاللرنینگ تولیدلری، اۉزیگه خاص دیر. قول توقیمه ایشلریمیز افغانستاننینگ تاریخی، مدنیتی و صناعتی دیر. قیینچیلیک کوپ جملهدن ترانسپورت و باجخاه چون که بیز عیالمیز، باردی-کېلدی و توارلرنی انتقال بیریشده چېکلاو بار. بیز اوچون پاکتلش و صفتلی خام مواد دن فایدهلنیش قیین و شونینگدیک باشقه اونلب قیینچیلیک بار.»
هراتده تدبیرکار ۳۰ یاشر معروفهنینگ ایتیشیچه: «مهم خلقارا بازارلر گه یول تاپه آلگنیمیز یوق و بو اساسی معما دیر. باشقه صادراتده قیینچیلیگیمیز بار؛ مستقیم صادراتیمیز یوق؛ مثال اوچون هراتده یشهی من و کابل گه یوباریب و کابلدن چیت ایل گه یوباریشیم کېرهک.»
فاریابده تدبیرکار ۲۸ یاشر ذکیه و بلخدهگی تدبیرکار ۴۵ یاشر نیلوفرنینگ ایتیشلریچه، محصولاتلرینی صادر قیلیشده حکومت و نادولتی نهادلر یاردم بیرمهیدیلر.
بیزلرنینگ فیسبوک صحیفهمیزگه باش اورینگ!
ذکیهنینگ کوپهیتیریشیچه: «خارجی مشتریلریمیز جوده هم آز دیر کارگولر آرقهلی نرسهلرینی انتقال بیرهمیز. بو یوقاری قیمت گه توشهدی بیز اوچون. اۉزیمیزنی تېکلش گه سعی-حرکت قیلهیپمیز. دولت تامانیدن حمایت بولگنیمیز یوق؛ محصولاتلریمیزنی صادر قیلیش ده حاضرگه قدر هېچ بیر نادولتی نهاد یاردم بیرگنی یوق.»
نیلوفر گه کوره: «دولت و نادولتی تشکیلاتلر محصوللریمیزنی صادر قیلیشده یاردم بیرگنی یوق؛ اولر پروژه یا که حمایتی دستورلر کبی بیزنی قۉللب-قوتلگنی یوق. فقط بیز خام موادنی بازارده ساتیب آلهمیز، تیارلهیمیز و قیته بازار گه چیقرهمیز.»
هراتلیک ۲۴ یاشر پریسا، صادرات بوییچه ضرور تعلیم بیریلمسلیگی ، اجتماعی ترماقلردن ریکلام اوچون فایدهلنه آلمسلیک و عیاللرنینگ کورگزمهلرده اشتراک اېتیشیدهگی چېکلاولرنی، اۉز تجارتی رواجلنیشی برابریدهگی جدی توسیقلردن بیلهدی.
اونینگ ایتیشیچه: «مملکتدن تشقری صادرات حقیده آگاهیسیزلیک، ریکلام اوچون وبسایت و باشقه صفحهلر کبی اجتماعی ترماقلردن فایدهلنه آلمسلیک و عیاللر اۉز قول توقیمهلرینی تانیشتیریش اوچون ملی و خلقارا کورگزمهلرده اشتراک اېته آلمسلیگی، امکانیت و مالی منبعلردن فایدهلنه آلمسلیک، اساسی قیینچلیکلردن دیر.»
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمانلر و عیال حقوقی فعاللریدن بیرقطاری، مملکت ترقیاتی اوچون اقتصادی فعالیتلرده عیاللرنینگ حضورینی مهم بیلهدیلر. اولر سرپرست حکومتدن عیاللرنینگ ایچکی و تشقی سودا ساحهسیدهگی فعالیتینی قۉللب-قوتلب و آست قورمه همده عیاللرنینگ سودا فعالیتی اوچون امکانیت یرهتیشینی سورهیدیلر.
اقتصادی ایش بیلرمان عبدالنصیر رشتیانینگ ایتیشیچه: «عیاللرنینگ حضورسیزلیگی بیلن جمعیت رواجلنمهیدی؛ آلدین صادر بولهدیگن توارلر ۸۰ فایزینینگ خرهجتی خلقارا و یاردم بیرووچی تشکیلاتلر تامانیدن توللنردی و قالگنینی تجار اۉزی توللردی؛ بیراق اېندی سوداگرلر اۉزلری تولش گه مجبور دیر.»
عیال حقوقی فعالی زلیخا ابرام امانی گه کوره: «حکومت بیلن خلق اورتهسیده مستحکم و یقین علاقهلر موجود. دولت عیاللرنینگ تجارتی رواجلنیشی اوچون ایشلشی کېرهک؛ عیاللر اۉز محصوللرینی خلقارا بازارلر گه آلیب باریش اوچون امکانیت یرهتسین. بو ایش بیلن عیاللر حقیقی اورینلرینی جمعیت و خلقارا بازارلرده تاپیشلری ممکن؛ چونکه افغانستان خلقینینگ قول توقیمهلری اۉزیگه خاص اورینگه ایگه دیر.»
سرپرست حکومت صناعت و سودا وزیرلیگی رسمیلری، تدبیرکالر عیاللرنی قۉللب-قوتلش اوچون حمایتی برنامهلری بارلیگینی اېتهدیلر؛ عینپیتده، کوپلب تدبیرکار عیاللر هنوزگچه مالی منبع یېتیشمسلیگی، بازارلر گه کېریش امکانی یوقلیگی و حقوقی قۉللب-قوتلنمسلیک کبی اساسی معمالر گه دوچ کېلماقدهلر.
اوشبو وزیرلیک سۉزلاوچیسی آخوندزاده عبدالسلام جواد گه کوره: «صناعت و سودا وزیرلیگی بوتون ساحهلرده عیاللر حامیسی بولیب و اولرنی قۉللب-قوتلماقده. افغانستاننینگ ۳۴ ولایتیده مینگلب عیال عملی شکلده صناعت و سرمایه یاتقیزیش بولیملریده ایش بیلن مصروف دیر و سرمایهلری رواجلنیشی اوچون اوتکزیلهدیگن کورگزمهلرده حصه بیریلهدی و محصولاتلری اوچون یخشی بازار تاپهدیلر و باشقه تاماندن ایشلریگه دوام بیرماقدهلر.»
تدبیرکار عیاللرنی قۉللب-قوتلش بارهسیده افغانستان عیاللر صناعتی و سودا اتاقینینگ فکر-ملاحظهسینی اورگهنیشنی اېستهدیک؛ بیراق کېتمه-کیت علاقه بیلن، اولرنینگ جوابینی آلالمهدیک.
تأکیدلش جایز که، دنیا بانکی «عیاللر، سودا و قانون» ناملی گزارشیده افغانستاننی دنیا ریتینگینینگ اېنگ قویی پغانهسیگه قویگن. بو گزارش گه کوره، افغانستان دهگی عیاللر اقتصادیات اینیقسه سودا ساحهسیده اېنگ کم اشتراک اېتهدیگن مملکتلردن بیری دیر. گزارشده ایتیلیشیچه، مملکتده تېزیم اۉزگریشی و عیاللر اوچون جاری اېتیلگن چېکلاولر نهفقط افغانستان اقتصادیاتیگه جدی ضرر یېتکزگن، بلکه عیاللر و قیزلرنینگ تینچلیگیگه هم جدی تهدید سالماقده.
