عبدالباقی حقانی، اوتگن کونی طالبان تامانیدن عالی اوقوو وزیرلیگی نینگ سرپرستی صفتیده تعیین‌لنگن ایدی. او، بوگون “یکشنبه” کابلده اوتکزیلگن ییغینده برنامه‌لری خصوصیده معلومات بیرگن.
بیزلرنینگ فیسبوک صحیفه‌میزگه باش اورینگ!
جناب حقانی نینگ ایتیشیچه، اوقووچی‌لرگه تینچ تحصیلی فضا یره‌تیش بیرینچی ایش‌لریدن دیر و موجود امکانیت‌لردن فایده‌لنیب و تحصیلی نهادلر ظرفیتی‌نی یوقاری ایلتیش اوچون سعی و حرکت قیله‌دی.
عالی اوقوو وزیرلیگی سرپرستی نینگ کوپه‌یتیریشیچه، تینچ تحصیلی فضا یره‌تیلیشی اوچون صنف‌لرنینگ جنسیت اساسیگه اجره‌تیلیشی کیره‌ک. جناب حقانی گه کوره، قیزلر و ایرکک‌لر نینگ فرقلی صنف‌لرده تحصیل قیلیش‌لری ممکن.
عبدالباقی حقانی نینگ ایتیشیچه، تحصیلی نصاب‌‌نی اسلامی و ملی نیاز‌لر اساسیگه تیارلنیشی کیره‌ک.
عالی اوقوو وزیرلیگی سرپرستی، علمی کادرلر، اوقیتووچی‌لر و عالی اوقوو وزیرلیگی ایشلاوچی‌لردن سابق کبی ایش‌لریگه دوام بیریش‌لرینی ایسته‌گن.
عین‌حالده، عالی اوقوو وزیرلیگی نینگ سابق وزیری عباس بصیرنینگ ایتیشیچه، مملکت عالی اوقوو نظامی نینگ اساسی تغیرات‌گه نیازی بار و اوشبو وزارت ینگی رهبرلیگی نینگ فایده‌لی برنامه‌لرنی قولگه آلیشی کیره‌ک.
بیزلرنینگ فیسبوک صحیفه‌میزگه باش اورینگ!
ایتیلیشیچه، بیلیم یورت‌لرنینگ درس‌لری حضوری شکلده باشله‌نیشی خصوصیده سعی و حرکت‌لرنی دوامی بار و تیزلیککه درس‌لرنی حضوری شکلده باشله‌نیشی ممکن.