نایجریا شمالیده جایلشگن «نایجر» ایالتی رسمیلرینینگ ایتیشلریچه، ۱۰۰دن آرتیق یولاوچیسی بولگن بیر کیمهنینگ چوککنی نتیجهسیده، کمیده ۶۰ کیشی هلاک بولگن.
خلقارا ییتکرمهلرنینگ بوگون (۱۳_سنبله، پنجشنبه)، گزارش بیریشیچه، مذکور کیمه ایکی کون آلدین «تونگان سوله» شهریدن «دوگا» شهری تامان حرکت قیلگن ایکن.
نایجر ایالتی شاشلینچ وضعیتلرنی باشقریش ادارهسینینگ اعلام قیلیشیچه، کیمه «گوساوا» منطقهسی یقینیده، بیر درخت تنهسیگه تیگگنی نتیجهسیده چوککن. بو اداره، مذکور حادثه سببینی «حددن تشقری یوک آلیش و درخت تنهسیگه تیگگنی» دیگن.
اوشبو کیمهده عیاللر و بالهلر بولیب و محلی رسمیلرگه کوره، قربانلر سانی کوپهیماقده و یوقالگن کیشیلرنینگ قرتقریش بیلن قیدیریش عملیاتی دوام قیلماقده.
گزارش اساسیده، بو واقعهده ۶۰ کیشی اولگن و یرهلنگنلردن ۱۰ تهسینینگ ساغلیق وضعیتی یامان بولیب و بیر قطار کیشی ایسه حاضرگچه یوقالگن.
نایجریانینگ دریاسی بولگن منطقهلریده بو کبی واقعهلر اینیقسه یاغینگرچیلیک موسومیده کوپ یوز بیرهدی. کوچلی یاغینگرچیلیکلر دریالرنینگ تاشیب کیتیشیگه باعث بولیب و خوفسیزلیک نظارتلرنینگ یوقلیگی یانیده، امکانیتدن آرتیق گوجوملیک و ایسکیرگن نقلیه واسطهلر، بو کبی واقعهلرنینگ تکرارلنیشیگه سبب بولهدی.
شونینگدیک جاری ییل اگست آییده، «سوکوتو»نینگ شمالغربی ایالتیده، حددن تشقری یوک طفیلی بیر قایقنینگ چپه بولگنیدن کیین ۴۰دن آرتیق کیشی یوقالگن.
