ساغلیق‌نی سقلش وزیرلیگی مسئوللری نینگ سلام‌وطندار گه ایتیشلریچه، جاری میلادی ییل نینگ باش آیی‌ده، بیر میلیون ۸۰ مینگ کیشی تنفسی کسل‌لیکلر گه چلینیش طفیلی کسل‌خانه‌لر گه مراجعت قیلگن.
اوشبو وزیرلیک سوزلاوچیسی شرافت زمان امرخیل نینگ ایتیشیچه، قوروق‌چیلیک و یامغیر یاغمسلیک سبب، اوتگن ییل گه قره‌گنده یشاوچیلر آره‌سیده تنفسی کسل‌لیکلر کوپه‌یگن.
اونگه کوره، کسل‌خانه‌لرده کسل‌لر سانی کوپه‌یگنی بیرحالده؛ بیراق تنفسی کسل‌لیکلر طفیلی اولیم میزانی کمه‌یگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، دنیا ساغلیق‌نی سقلش تشکیلاتی ینگی‌لیکده بیر گزارش ترقه‌تیش بیلن ایتیشیچه، جاری میلادی ییل نینگ باش بیر آیی‌ده افغانستان ده تنفسی کسل‌لیککه چلینیش طفیلی ۳۸۳ کیشی عالم‌دن اوتگن.
ینگی‌لیکده باله‌سی نینگ تنفسی کسل‌لیکلر گه چلینیش طفیلی اندرگاندی کسل‌خانه‌سی گه بستری قیلگن آنه‌لردن حسنیه نینگ ایتیشیچه: «بالهم سینه‌بغل دیر و اندراگاندی کسل‌خانه‌سی گه بستر قیلدیم. بالهم نی نیچه کسلخانه گه آلیب باردیم ساغه‌لمه‌دی و کیین ایسه اندراگاندی کسل‌خانه‌سی گه کیلتیردیم حاضر وضعیتی یخشی دیر.»
اوشبو کسلخانه گه باله‌سی نینگ دوالش اوچون کیلتیرگن آنه‌لردن باشقه بیری شیلا نینگ ایتیشیچه، تنفسی کسل‌لر سانی کوپلیگی سبب، هر بسترده اوچ-تورت باله بستری دیر. «هر بسترده اوچ-تورت باله بستری دیر و کسل‌لر گه کوپینچه امکانیت یره‌تیلیشی و مذکور کسلخانه ظرفیتی یوقاری بولیشی کیره‌ک.»
شونده‌ی بیرحالده، ساغلیق بولیمی بیلرمانلردن قطاری، هوا نینگ ساووقلیگی، نامناسب آوقت و ساغلیق بولیمی خصوصیده توجه‌سیزلیک نی، یشاوچیلر آره‌سیده تنفسی کسل‌لیکلر کوپه‌یگنی گه سبب بوله‌دیگن اصلی عامل‌لردن بیله‌دیلر.
بیزلرنینگ فیسبوک صحیفه‌میزگه باش اورینگ!
تنفسی کسل‌لیکلر آلدی آلینیشی خصوصیده اندراگاندی کسل‌خانه‌سیده‌گی شفاکارلردن عارف حسن‌زی نینگ ایتیشیچه: «عایله‌لر آرقه‌لی باله‌لر نینگ واکسین قیلینیشی، چقه‌لاقلر گه آنه سوتی بیریلیشی و آلتی آیدن کیین آوقت بیریلیشی، باله‌لر گه ایسیق‌راق کییم کییدیریلیشی و اتاق هوا‌ی نینگ اوزگرتیریلیشی کیره‌ک.»
ایتیش کیره‌ک که، ساغلیق‌نی سقلش وزیرلیگی نینگ معلوماتی اساسیده، اوتگن ییل مملکت‌ده قریب ۸ میلیون تنفسی کسل‌لیککه چلینگن کیشی ثبت بولیب و اولردن کوپینچه‌سی نینگ بیش یاش قویی باله‌لر تشکیل بیره‌ر ایکن.
