قویاش ۱۴۰۰- تعلیمی ییل باشلنگنیدن ایکی آی اوتماقده، بامیان‌لیک اوقووچیلر هر کون شور و شوق بیلن مکتب تامان کیته‌دی و بیلیم اورگه‌نیش اوچون اوزون و قیین یوللرنی طی قیلیشه‌دی.
اوقووچیلرنینگ آنه‌لری و آته‌لری فرزندلری مکتب کیتیشی اوچون، قیینچیلیک‌لرنی تحمل قیلیش بیلن قیشلاق‌لرده چاروا باقیشه‌دی. بیراق بو ییل بامیان مکتب‌لریده اوقیتووچی کم‌لیگی مذکور ولایت اوزاق تومن‌لریده‌گی اوقووچیلر چارواچیلیک و اَغیر ایش‌لرنی اوقیتووچی‌سیز صنف‌لرگه ترجیح بیریشی گه سبب بولگن.
ینگی‌لیکده بامیان معارف باشلیغی ایوب امیری، سلام‌وطندار بیلن صحبت اوتکزیش بیلن مذکور ولایتده تعلیم و تربیه‌لنیش وضعیتی توغریسیده خواطر بیلدیریب ایتیشیچه، بامیان مکتب‌لریده اوقیتووچی کم‌لیگی اونینگ «آزارلنتیره‌دیگن» قیینچیلیک‌لردن دیر.
جناب امیری گه کوره، حاضر بامیان مکتب‌لری ۱ مینگ و ۷۵۲ اوقیتووچی کم‌لیگی بیلن روپه‌رو دیر و مذکور اوقیتووچیلر کم‌لیگی بامیان‌لیک اوقووچی‌لردن قطاری نینگ تعلیم و تربیه‌لنیش دن اوزاقله‌نیشی گه سبب بولگن.
بامیان معارف باشلیغی نینگ ایتیشیچه، مذکور ولایت مکتب‌لرده اوقیتووچی کم‌لیگی تعلیم و تربیه‌لنیش کیفیتی گه جدی ضربه اورگن که بو قیینچیلیک کانکور سیناوی ده بو ولایت اوقووچی‌لری نینگ نتیجه‌لری گه تأثیری بار.
- هرات؛ مکتب اوقووچی‌لردن ۷۰% نی کتابی یوق
- قندهار ده سونگی اوروشلر باعث ۴۵ مکتب یاپیلگن
- پکتیا ده ۱۰ مکتب‌نی ۱۱ اوقیتووچی‌سی بار
- پکتیا، خوست و پکتیکا ولایت‌لری نینگ مکتب‌لرینی ۷ مینگ اوقیتووچی‌گه نیازی بار
جناب امیری گه کوره، هرچند جمهوررئیس غنی «حق‌الزحمه» اوقیتووچیلر جذب ایتیلیشی توغریسیده بویروغ بیرگن و او معارف و مالیه وزیرلیگی و اداری اصلاحات کمیسیونی دن، بو پروسه نی تیزلشتیریش‌لرینی سوره‌گن.
شونینگدیک جناب امیری بیر تیکشیروونینگ نتیجه‌سیدن ایسله‌گن که، بو تیکشیروو اوتگن ییل معارف ریاستی آرقه‌لی صورت تاپگن.
بیزلرنینگ فیسبوک صحیفه‌میزگه هم باش اورینگ!
اوشبو تیکشیروو اساسیده، بامیان ده ۵۱ مینگ و ۲۱۲ باله تعلیم و تربیه‌لنیش دن محروم دیر که اولردن ۲۲ مینگ و ۲۹۰ ته‌سی هیچ مکتب نینگ یوزی نی کورمه‌گن و اولردن ۱۰ مینگ و ۸۴ ته‌سینی قیزلر تشکیل بیره‌دی.
بامیان معارف ریاست باشلیغی معارف وزیرلیگی و دنیا تشکیلات‌لریدن، تعلیم دن محروم قالگن باله‌لرگه تعلیم و تربیه‌لنیش زمینه‌سی فراهم ایتیلیشی نی سوره‌گن. او، بامیان‌لیک اوقووچیلرنینگ محرومیت دلیلی نی، اجتماعی چیکلاولر، مکتب دن اوزاق‌لیک، قشاقلیک و مهاجرلیک دیگن.
باشقه بیر تاماندن اوقیتووچی کم‌لیگی باعث قیینچیلیککه دوچ کیلگن اوقووچیلرنینگ ایتیش‌لریچه، کونده کمیده ۳ درسلیک ساعت‌لری اوقیتووچی یوقلیگی باعث، ضایع کیته‌دی و مکتب‌لریده درس بیره‌دیگن اوقیتووچیلرنینگ ییترلیچه سوادی یوق.
یزلرنینگ توییترده هم تعقیب قیلینگ!
بیراق معارف وزیرلیگی سوزلاوچیسی نجیبه آرین نینگ سلام‌وطندارگه ایتیشیچه، اوقیتووچی کم‌لیگی باعث تعلیم نی ترک قیلگن اوقووچیلر توغریسیده، حاضرگچه هیچ قنده‌ی آمار اولر تامانیدن قید ایتیلمه‌گن.
خانم آرین گه کوره، بوتون مملکتده ۳.۷ میلیون باله تعلیم پروسه‌سیدن اوزاق قالگن که دنیا تشکیلات‌لری اینیقسه «یونسیف» همکارلیگی بیلن، محلی صنف‌لر ایجاد ایتیلیشی بیلن مذکور باله‌لرگه تعلیم و تربیه‌لنیش زمینه‌سی یرهتیلهدی.