جمهوریت توزومی قوللشیدن کیین بیرینچی مرته اسلامی امارت توزومی آستیده، پنج‌شنبه کونی ۲۶ جوزا بامیان و دایکندی ولایت‌لریدن کمیده ۱۲۰ مدنی فعال و میدیا فعالی «مرکز زونی مدنی جامعه مصلحتی» عنوانی آستیده ییغین اوتکزدیلر.
اوشبو ییغین «افغانستان خلقی نینگ سیسی» نهادی تامانیدن بیر کون بامیان مرکزی ده یولگه قوییلدی.
بیزلرنینگ فیسبوک صحیفه‌میزگه باش اورینگ!
مرکزی زون مدنی جامعه مصلحتی ییغین تشکیلاتچیلریدن ابراهیم تولا، مذکور برنامه یولگه قوییلیشیدن مقصد، اسلامی امارت حکومتی و مدنی جامعه آره‌سیده مذاکره بابی آچیلیشی عنوان قیله‌دی. اونینگ ایتیشیچه، اوشبو ییغیندن مقصد بامیان و دایکندی ولایتلری مدنی جامعه اعضالری نینگ فکر_ملاحظه‌لری‌نی ملی و خلق‌ارا مسئول نهادلر بیلن شریک قیلیش دیر.
مرکزی زون مدنی جامعه مصلحتی ییغینده بامیان محلی مسئوللری اشتراک ایتگن ایدیلر. مذکور ییغینده بامیان حاکمی نینگ ایتیشیچه، اسلامی امارت حکومتیده مدنی جامعه، خاتین قیزلر و میدیالر آزاد دیر؛ بیراق اسلامی شریعت اساسیده فعالیت قیلیش‌لری کیره‌ک.
جناب سرحدی، بامیان محلی خبرچی‌لری دن، ناتوغری خبرلرنی ترقتمسلیک‌لرینی سوره‌گن.
بیراق بیر منبع اسمی سر قالیش شرطی بیلن سلام‌وطندار گه ایتیشیچه، «گل‌جان محقق» اسملی بیر عیال و «وزیراحمد ستیز» اسملی بیر ایرکک، مرکزی زون مدنی جامعه مصلحتی ییغین مجری‌لیگی زمه‌سیگه ایدی که مجری عیال بامیان حاکمی تامانیدن زوردن حجاب قیلدیریلگن. اونگه کوره، جناب سرحدی ییغین‌نی ترک ایتمه‌گونچه، عیال گه مجری‌لیک قیلیش اجازه‌سی بیریلمه‌دی.
منبع نینگ کوپه‌یتیریشیچه، مرکزی زون مدنی جامعه مصلحتی ییغینیده بیلیم یورت استادی لیلا صابری نینگ نطق سوزلش اوچون اسمی آلینگن ایدی؛ بیراق او استیج تامان باره‌دیگن چاغده بامیان حاکمی ییغین‌نی ترک ایتدی.
بیزلرنینگ توییترده هم تعقیب قیلینگ!
مرکزی زون مدنی جامعه مصلحتی ییغینده اشتراک ایتگن‌لر، ییغین یکونیده ییتی ماده‌لیک بیر قطع‌نامه صادر ایتدیلر. اوشبو قطع‌نامه نینگ بیشینچی ماده‌سیگه بناً، اسلامی امارت حکومتی قیزلر نینگ مکتب‌لری آچیلیشی خصوصیده جدی دقت قیلیشی کیره‌ک؛ چونکه قیزلر نینگ مکتب‌لری یاپیق قالیشی «یامان عاقبت‌لر» گه سبب بولیشی ممکن.
مذکور قطع‌نامه نینگ باشقه بیر بولیمیده، بامیان و دایکندی مدنی فعاللری، اسلامی امارت سرپرست حکومتیدن، «اسلام باشله‌نیشی» گه بناً حکومتده خاتین قیزلر گه سهم بیریش‌لرینی سوره‌گنلر.
