بامیان حاکمی ملاعبدالله سرحدی نینگ رسانه‌لر دفتری بیر بیانیه ترقه‌تیب فیسبوک‌صحیفه‌سیده یازیشیچه، اوتگن کون (چهارشنبه،۴_حوت) مذکور ولایت‌ده یولگه قویلگن اداری ییغینیده، جناب سرحدی نینگ ایتیشیچه، رسانه‌لر تامانیدن اسلامی حکومت گه قرشی تبلیغات اوروشی باشلنگن. بامیان حاکمی اوشبو ولایت محلی مسئوللریدن «دشمن توطئه‌لری» نینگ دامی گه قرار تاپمه‌یشلری اوچون مواظب بولیشلری کیره‌ک.
بامیان حاکمی‌دن نقل قیلینگن بیانیه‌ده کیلیشیچه: «بوگون رسانه‌لر، مطبوعات و اجتماعی ترماق‌لرده اسلامی حکومت گه قرشی تبلیغاتی اوروش باشلنگن. حرمتلی مسئوللر دشمن توطئه‌لری نینگ دامی گه قرار تاپمه‌یش اوچون باخبر بولیب و اداره‌لری نینگ بوتون عایدلری و ایش پروسه‌لری شفاف و بیللی بولیشی کیره‌ک.»
بیزلرنینگ توییترده هم تعقیب قیلینگ!
بیانیه اساسیده بامیان حاکمی مذکور ییغین‌ده تاکیدی بیر شکلده رسانه‌لردن، اهالی نینگ فکری نی بوزیشی گه سبب بولگن ضد گزارشلر و خبرلر نینگ ترقه‌تیلیشیدن واز کیچیشلری نی سوره‌گن. جناب سرحدی اوشبو ییغین‌ده ایتیشیچه، خبرچیلر خبرلر و گزارشلر نی بیرینچی‌ده محلی مسئوللر بیلن شریک قیلیب و اوندن کیین، ترقه‌تسینلر. اونینگ ایشانچی گه کوره، بو پروسه اسلامی امارت گه قرشی متناقض فعالیت‌دن توسیق بولیشی ممکن.
بیانیه اساسیده، بامیان حاکمی مذکور ولایت نینگ بوتون محلی مسئوللری گه اونینگ اجازه‌سی بولمسدن هیچ بیر رسانه بیلن مصاحبه قیلمه‌یشلری گه دستور بیرگن؛ چونکه اونگه کوره، «مسئوللر نینگ اصل موضوع‌دن بی خبر بولیشلری ممکن و اولرنینگ صحبتلری اهالی نینگ فکری نی تشویش گه سالیشی ممکن.»
بیزلرنینگ فیسبوک صحیفه‌میزگه باش اورینگ!
بامیان محلی اداره تامانیدن باسقینلر و یره‌تیلگن چیکلاولر اوشبو ولایت محلی مسئوللری نینگ خواطرلری گه سبب بولگن. بامیان محلی خبرچیلریدن بیری که کیم‌لیگی سِرقالیش نی ایسته‌ب سلام‌وطندار گه ایتیشیچه، شونینگدیک بوندن آلدین بامیان‌ده اسلامی امارت محلی مسئوللری نیچه مرته خبرچیلر نی تهدید قیلگنلر و اولرنینگ ایسته‌کلری اساسیده فعالیت قیلیشلری نی ایتگن.
مذکور خبرچی نینگ ایتیشیچه، اوتگن کون اوشبو ولایت محلی خبرچیلری برابریده بامیان حاکمی تامانیدن چیکلاولر و ینگی باسقینلر یره‌تیلگن که آزاد خبرچیلر و رسانه‌لر نینگ فعالیتی توغریسیده سلبی تاثیر قویب و شونینگدیک سوز ایرکینلیگی گه «بیللی نقض» حسابلنه‌دی.
