بوگون بلخ ده عزیزه احدی قلمی گه منسوب «گودی‌گک یادگاری» اسمی آستیده حکایه‌لر توپلمی تقدیمات مراسمی اوتکزیلگن. گودی‌گک یادگاری بیش ته قیسقه حکایه‌لردن عبارت دیر.
بانو احدی، یازووچیلردن حمایتی برنامه‌لر یوقلیگی‌دن تنقید‌لب، حکایه‌لری نیمه‌دن عبارت‌لیگی نی بونده‌ی بیان قیله‌دی: «گودی‌گک یادگاری، بیرینچی اثریم دیر که، ۵۰۰ جلد‌ده چاپ قیلگن‌میز. هیچ کیم مالی حمایت قیلمه‌گن و تاغه‌م چاپ خره‌جتی نی توللــدی. اوشبو کتاب نینگ حکایه‌سی، تورموش گه چیقریلگن ۱۱ یاشر بیر قیز نینگ حیاتی نی روایت قیله‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بلخ ده یازووچیلر و مدنیتچیلردن قطاری، عزیزه نینگ سوزلری نی تصدیق‌لب، حمایتی برنامه‌لر یوقلیگی‌دن شکایت قیله‌دیلر.
بلخ ده یازووچیلردن قطاری، سرپرست حکومت و سوداگرلردن ادبی و هنری فعالیت‌لر نینگ رواجلنیشی اوچون، اولردن حمایت قیلینیشی نی ایسته‌یدیلر.
بوگون (پنجشنبه، ۱۱-عقرب)، اوتکزیلگن اوشبو کتاب تقدیمات مراسمی‌ده سکندر بامدادی نینگ ایتیشیچه: «شاعرلر و یازووچیلری‌میز نینگ کوپینچه قیین‌چیلیگی بار که، بولر آزراق حمایت بوله‌دیلر و آزراق هنری و ادبی اثر ترقه‌ته‌دیلر.»
شونینگدیک مذکور مراسم‌ده‌گی یازووچیلردن باشقه بیری تقی واحدی نینگ ایتیشیچه، حکومت یازووچیلر گه کتاب‌لر چاپی و ترقه‌تیلیش زمینه‌سی نی یره‌تیب و بولر گه علاوه، یشاوچیلر هم کتاب‌لر نینگ اوقیش و ساتیلیشی بیلن اولر نینگ تشویق قیلسینلر.
بیزلرنینگ «ایکس» ترماغی ده هم تعقیب قیلینگ!
عین حالده، بلخ معلومات و مدنیت ریاستی نینگ هنر و مدنیت بولیمی مسئولی ذبیح‌الله آریایی نینگ ایتیشیچه، یازووچیلردن حمایت قیلیش اوچون، معلومات و مدنیت وزیرلیگی‌دن یاردم ایسته‌گن. اونینگ کوپه‌یتیریشیچه: «کتاب و اثر چاپ قیله‌دیگن یازووچیلر و شاعر نینگ مالی حمایت بولیشی اوچون، وزیرلیککه پیشنهاد بیرگن‌میز. ایجابی جواب بیریشلری نی امید قیله‌میز.»
بلخ ده یازووچیلر، سونگی ییل‌لر جریانیده یشاوچیلر آره‌سیده مطالعه فرهنگی کمه‌یگنی بیرحالده، اثرلری نینگ چاپ بولیشی اوچون مالی حمایت‌لر بولمه‌گنی‌دن شکایت قیله‌دیلر.
