بدخشان ولایتی یاوان تومنیده ییر سیلجیشی عاقبتیده اوشبو تومن نینگ تورت قیشلاغیده ۳۲۳ یشش اوی بوزیلیب و ۷۲۲ عایله آواره بولگن.
یاوان تومنی یشاوچیلری گه کوره، مذکور تومنده ییر سیلجیشی همان دوام ایتماقده و یشش اوی‌لری بوزیلگن و خوف آستیده بولگن قیشلاق‌لر اهالیسی اوی_جای‌لرینی ترک قیلماقده‌لر.
بیزلرنینگ فیسبوک صحیفه‌میزگه باش اورینگ!
یاوان تومنی یشاوچیسی نجیب‌الله سرحدی نینگ ایتیشیچه، مسئوللر تامانیدن واقعه طفیلی زیان کورگن‌لر یاردم کورسه‌تیلگن و هر بیر عایله گه بیش مینگ افغانی توزیع بولگن. اونگه کوره: «یشاوچیلر گه ییگولیک ماده، کییم_کیچ»، دارو و سوو ییتکیزیلمه‌گن. تأسف بیلن بیر مینگ دن آرتیق باله، عیال، ایرکک آچیق فضا ده قالگنلر.»
یاوان تومنی اهالیسی نینگ ایتیشلریچه، ییر سیلجیشی باعث اونلب جریب ایکینچیلیک ییرلری، باغ و یشش اوی‌لری بوتونلی بوزیلگن. اولر نینگ کوپه‌یتیریشیچه، «مَرچ، مرکزی مَرچ، یدنیل و نوآباد یدنیل» قیشلاق‌لری نینگ قتناو یوللری تومن مرکزی بیلن کیسیلگن و محل یشاوچیلری نینگ ایچیملیک سوو، ییگولیک ماده و باش پنه‌لری یوق دیر.
یاوان تومنی یشاوچیلریدن باشقه بیری حسیب‌الله اکبری گه کوره: «دولت رسمی‌لری کیلیب کوردیلر. سرک‌لرنی قیشلاق‌لر گه تیزلیک بیلن باغلب و واقعه باعث زیان کورگن‌لر گه باش پنه توزه‌لیب و ییگولیک ماده‌لر ییتکیزیب بیریلیشنی ایسته‌یمیز.»
بدخشان طبیعی آفت‌لرنی باشقریش ریاستی مسئوللری نینگ ایتیشلریچه، یاوان تومنیده ییر سیلجیشی عاقبتیده تورت قیشلاق بوزیلیب و تهدید آستیده قرار تاپگن. اولر گه کوره، اوشبو واقعه ده ۷۲۲ عایله اوی_جای‌سیز بولگن.
بیزلرنینگ توییترده هم تعقیب قیلینگ!
بدخشان طبیعی آفت‌لرنی باشقریش ایشلری بوییچه آمری محمدکامگار نینگ ایتیشیچه، یاوان تومنیده ییر سیلجیشی باعث زیان کورگن‌لر گه یاردم بیرووچی مؤسسه‌لر اویغون‌لیگی بیلن وقتینچه‌لیک باش‌پنه نظر گه آلینگن. حاضر زیان کورگن‌لر گه یاردم کورسه‌تیش جریانی دوام ایتماقده دیدی، محمدکامگار.
بدخشان طبیعی آفت‌لرنی باشقریش ایشلری بوییچه آمری نینگ کوپه‌یتیریشیچه: «یاردم اوچون بیر مقدار مواد انتقال بیریلیشی کوتیله‌دی. ییر سیلجیشی حاضر هم توخته‌گن یوق؛ ییر آستیده‌گی فصولی ماده‌لر هر دقیقه کیمیاوی تعاملات ده دیر، پارتلش گه سبب بوله‌دی.»
ایتیش کیره‌ک که، بدخشان ولایتی یاوان تومنیده ییر سیلجیشی، اوتگن هفته چهارشنبه کونی، ۱۵ سنبله، مذکور تومن نینگ یدنیل قیشلاغیده یوز بیریب و حاضر یاوان تومنی نینگ تورت قیشلاغی ده ییر سیلجی‌ماقده دیر.
