بدخشان محلی مسئوللری، اوشبو ولایت ده بیر خودکش هجوم آلدی آلینگنیدن خبر بیره‌دیلر.
بدخشان معلومات و مدنیت باشلیغی معزالدین احمدی نینگ ایتیشیچه، بوگون (شنبه، ۶ حوت) ایرته‌لب ساعت ۸:۳۰ اطرافی ده، بدخشان مرکزی فیض‌آباد شهری ده کابل بانک ایشیگی یقینیده بیر خودکش هجومچی، مقصدی گه ایریشمسدن آلدین اسلام امیرلیگی کوچلری تامانیدن یوق ایتیلگن.
بیزلرنینگ فیسبوک صحیفه‌میزگه باش اورینگ!
بدخشان معلومات و مدنیت باشلیغی گه کوره، اوشبو واقعه ده خودکش هجومچی دن باشقه هیچ کیم ضرر کورمه‌گن.
مذکور واقعه مسئولیتینی حاضرگچه هیچ کیم یا گروه تن آلمه‌گن.
ایتیش کیره‌ک که، ایکی آی آلدین بدخشان امنیه قوماندان‌لیگی بناسی یقینیده اویوشتیریلگن خودکش هجوم ده، اوشبو ولایت نینگ سابق امنیه قوماندانی عبدالحق ابوعمر شامل اوچ کیشی هلاک بولیب و باشقه ایکی کیشی یره‌لنگن ایدی.
بیزلرنینگ توییترده هم تعقیب قیلینگ!
اوشبو هجوم مسئولیتینی داعش گروهی تن آلگندی.
