اسلامی امارت سوزلاوچیسی ذبیح‌الله مجاهد، اوتگن کیچه توییتری‌ده خبرنامه ترقه‌تیب، خوست و کنر ولایت‌لریده پاکستان تامانیدن تینچ اهالی نشانگه آلینگنینی محکوم قیلیب، پاکستان بو گَل ایشلری بیلن افغانلر صبرینی سنه‌مسلیگی کیره‌ک و بو ایشلری تکرار بولگن تقدیرده، «یامان» عاقبتی بولیشی ممکن دیب یازگن.
جناب مجاهد بو مسئله سیاسی یول بیلن حل ایتیلیشینی تأکید ایتگن. شو بیلن بیرگه سیاسی مسئله‌لر بوییچه ایش بیلرمانلر، پاکستان نینگ هوایی هجوملری برابریده اسلامی امارت جدی عکس‌العمل بیلدیرمه‌گنینی ایته‌دیلر.
بیزلرنینگ فیسبوک صحیفه‌میزگه باش اورینگ!
سیاسی مسئله‌لر بوییچه ایش بیلرمان جاوید مومند نینگ ایتیشیچه، دیپلماتیک قانون-قاعده‌لر اساسیده، بیر مملکت نینگ ایلچیسی چقیریلگن تقدیرده، اوندن قانیقرلی جواب کیریتیب و میدیالر آرقه‌لی اهالی بیلن شریک قیلینیشی کیره‌ک.
جناب مومند نینگ کوپه‌یتیریشیچه، اسلامی امارت ضعیف عکس‌العمل کورستدی و بیر مدت‌گچه، اسلام‌آباد بیلن سیاسی مناسبت کسیلیشی لازم. اونینگ ایتیشیچه: «ایرکین و مستقل بولسک، جوابیمیز هم مستقل دولت کبی بولیشی کیره‌ک. بیری ایلچینی چقیریش دیر، باشقه بیری افغانستان توپراغی و خلقی نینگ قانی اونچه‌لیک اهمیت‌سیز ایمسلیگینی کورسه‌تیش اوچون دیپلماتیک مناسبت‌لرنی کیسیب و ایلچیخانه‌لرینی یاپیش کیره‌ک.»
عین‌حالده، سیاسی مسئله‌لر بوییچه باشقه ایش بیلرمان مهدی افضلی، افغانستان گه پاکستان نینگ هجوم‌لرینی، اسلام، بشر و خلق‌ارا قانون-قاعده‌لر گه قرشی بیله‌دی.
اونینگ ایتیشیچه، اسلامی امارت رسمیت گه تانیلمه‌ی و خاتین قیزلر نینگ حقوقی گه چیکلاو یره‌تیش و آلتینچی صنف‌دن یوقاری قیزلرگه مکتب باریش اجازه‌‌سینی بیرمسلیک‌لری همده ناتوغری سیاست‌لری سبب کیمسه اولردن راضی ایمس و پاکستان برابریده جدی عکس‌العمل کورسته آلمه‌یدیلر.
بیزلرنینگ توییترده هم تعقیب قیلینگ!
جناب افضلی نینگ کوپه‌یتیریشیچه، پاکستان بو ایشی بیلن دنیا بویلب اسلامی امارت بیلن رابطه‌سی یوق‌لیگینی اثباتلماقچین و تروریسم گه قرشی کوره‌ش‌ده عملی آدیم کوتاریب و اورنیده دنیا جماعه‌چیلیگیدن سیاسی و اقتصادی امتیاز قولگه کیریتیشنی ایسته‌یدی.
بو سوزلر عین‌حالده بیان بولماقده که اسلامی امارت مسئول‌لری، ملت نینگ خواهش-اراده‌سی گه حرمت قیلیب و افغانستان توپراغی‌گه کیمسه نینگ هجوم قیلیشی گه اجازه بیرمسلیکلریدن ایشانچ بیرگنلر.
