آمریکا بیرلشمه ایالتی نینگ جمهور رئیسی جو بایدن، جمعه کونی ۲۲_دلو افغانستان گه انسانی یاردملر و ۱۱_سپتامبر هجوم‌لریده قالگن‌لر گه غرامت توللش اوچون، مملکت پولی ذخیره‌لریدن ۷ میلیارد دالری نینگ اجرایی بولیش خصوصیده‌گی بویروغ نی صادر قیلدی. مذکور آمریکا جمهور رئیسی نینگ قراری کوپینچه ملی و خلق‌ارا عکسالعمللر بیلن روپه‌رو بولگن.
اقتصادی ایش بیلرمانلردن قطاری جو بایدن نینگ اوشبو قراری ناعادلانه دیگنلر. اولر نینگ ایتیش‌لریچه، بایدن نینگ اوشبو قراری افغانستان اقتصادی تیزیمی گه ضرر یتیشتیریب، بانکی وضعیت، پولی سیاست و ملی تولیدلر نی یوق ایتیشی ممکن.
بیزلرنینگ توییترده هم تعقیب قیلینگ!
اقتصادی ایش بیلرمان تاج‌محمد تلاش نینگ بوتوغریده سلام‌وطندار گه ایتیشیچه: «افغانستان اقتصادی سکتوری اوستیگه سلبی تاثیر قوییشی ممکن. بانکی وضعیت، پولی سیاست و ملی تولیدلریمیز نی یوق ایته‌دی، شونینگدیک تشقی پوللر نینگ افغانی برابریده بهاسی نی کوپه‌یتیره‌دی. منطقوی پروژه‌لر گه زیان یتیشتیره‌دی و اقتصادی اعتماد گه شدتلی شکلده زیان یتیشتیره‌دی.»
اقتصادی ایش بیلرمانلر گه کوره، مذکور بویروغ حقیقت‌ده افغانستان اقتصادی نینگ کمه‌یشی برابریده بایدن سیاستی نی کورسته‌دی و ذکر بولگن بویروغ مرکزی بانک پولی سیاست‌چیلری و سیاست بازاری نینگ قدرتی نی توخته‌تیشی ممکن.
اقتصادی ایش بیلرمانلردن باشقه بیری سیف‌الدین سیحون نینگ ایتیشیچه: «مرکزی بانک نینگ پولی سیاست‌چیلری، پولی سیاست‌لری، بازار سیاستی، افغانی پولی برابریده تشقی پول سیاستی نینگ قدرتی گه زیان یتیشتیرشی ممکن.»
شونده‌ی بیرحالده، شونینگدیک افغانستان مرکزی بانکی بایدن بویروغی ناعادلانه و اونینگ غرامت توللش و بشری یاردملر گه اختصاص بیریلگنی نی ارتباط‌سیز دیگن.
بیزلرنینگ فیسبوک صحیفه‌میزگه باش اورینگ!
افغانستان مرکزی بانک سوزلاوچیسی صابر مومند نینگ ایتیشیچه: «بونگه علاوه، دافغانستان بانک آمریکا بیرلشمه ایالتی نینگ سونگی قراری نی پولی ذخیراه‌لری نینگ باغلنگنی و ارتباطی بولمه‌گن هدفلر گه اختصاص بیریشی خصوصیده‌گی قراری نی افغانستان اهالیسی حقیده ناعادلانه دیب و افغانستان پولی ذخیره‌لری نینگ غرامت یا_ده بشری یاردملر نامی آستیده باشقه‌لر اختیاری گه قرار بیریلیشی نی هیچ بیرزمان قبول قیلمه‌یدی.»
عین حالده، افغانستان اسلامی امارت قدرت گه ایریشگنیدن کیین، مرکزی بانک پولی ذخیره‌لریدن کمیده ۱۰ میلیارد دالری نینگ دنیا بانکلریده باغلندی و افغانستان اقتصادی و انسانی فاجعه بیلن روپه‌رو بولگنیده، دنیا جماعه‌سی آمریکادن اوشبو فاجعه‌لرنینگ حل بولیشی اوچون افغانستان سرمایه‌لری نینگ مرکزی بانک اختیاری گه قرار بیریلیشی نی سوره‌گن.
