مملکت تشقی ایشلر وزیری محمدحنیف اتمر کابل ده خبری بیر ییغینده نطق سوزلب ایتیشیچه، هالند گه قیلگن سفریده، خلق‌ارا محکمه دن کابل شهری نینگ ۱۳- ناحیه‌سیده‌گی دشت برچی منطقه‌سیده جایلشگن سیدالشهدا مکتبی ده یوزبیرگن پارتلش و لوگر حادثه‌سی، مذکور محکمه تامانیدن تیکشیریلیشی نی سوره‌گن.
جناب اتمر نینگ ایتیشیچه، مذکور اوچره‌شووده افغانستانلیک هیأت خلق‌ارا محکمه بیلن بیربیراولری نینگ همکارلیگی بیلن قانون و جرم‌لر برابریده‌گی معافیت نی کوتاریش اوستیگه کیلیشگنلر.
تشقی ایشلر وزیری نینگ ایتیشیچه، شونینگدیک لاهه محکمه‌سی و افغانستان دولتی مذکور محکمه و بو مملکت آره‌سیده مستندقوریش، تیکشیریش و تدقیقاتی قوشمه بیر تیزیم ایجاد ایتیلیشی اوستیگه کیلیشگنلر.
بیزلرنینگ فیسبوک صحیفه‌میزگه هم باش اورینگ!
مملکت تشقی ایشلر وزیری مذکور خبری ییغینده، سیدالشهدا مکتبی ده یوزبیرگن پارتلش و لوگر حادثه‌سینی اوروش جنایتی دیگن.
باشقه بیر تاماندن عدلیه وزیری فضل‌احمد معنوی، اوشبو خبری ییغینده ایتیشیچه، افغانستان اهالیسی بو مملکت گه تیگیشلی اوروش دوسیه‌لری توغریسیده بولگن باسقیچ‌لر و حل و فصل دن خبر بولیش‌لری کیره‌ک.
بیزلرنینگ توییتر ده هم تعقیب قیلینگ!
جناب معنوی نینگ ایتیشیچه، افغانستان خلق‌ارا محکمه دن اوروش دوسیه‌لری تیکشیریلیشی توغریسیده همکارلیک سوره‌گن. معنوی گه کوره، عدالت تأمین ایتیلیشی گه هیچ کیم توسیق بوله آلمه‌یدی.
افغانستان میلادی ۲۰۰۳- ییل دن بویان خلق‌ارا محکمه گه اعضا بولگن و خلق‌ارا محکمه ۲۰۰۳- ییل دن بویان افغانستان گه تیگیشلی برچه اوروش جنایت‌لرینی تیکشیریش و نظارت قیلیش گه مکلف دیر.
