سلام‌وطندار خبرچیسی و ویراستاری محمدعلی احمدی جاری هفته شنبه کونی شام چاغی وظیفه دن اویی تامان کیته‌دیگن بیرچاغده، هجوم گه دوچ کیلیب و اَیاغی جدی جراحت کوتارگن.
جناب احمدی ایکی کیچه و کوندوز نی یمان بیر وضعیتده کسلخانه ده اوتکزگن و حاضر ایسه خاص مراقبت بولیمیده بستری بولگن. احمدی نینگ ایتیشیچه، اویی ده کیلیش پیتده موتر ده مملکت جاری وضعیتی توغریسیده بحث اوتکزیلگن. اونگه کوره، موترده‌گی کیشیلرنینگ برچه‌سی سیاسی وضعیت یمان‌لیگی و اونینگ عاقبتی توغریسیده سوزلشگن.
محمدعلی نینگ ایتیشیچه، وضعیت قنده‌یلیگی توغریسیده بحث قیلینگنیدن کیین، همه ایش و وظیفه‌لری و طالبان قدرت گه ایریشیشی بیلن بیکارلیک کوپه‌یگنی توغریسیده نطق سوزله‌گن.
سلام‌وطندار خبرچیسی نینگ ایتیشیچه، یانیده اولتیرگن شخص اونینگ وظیفه‌سی حقیده سوره‌گن. مذکور شخص علی احمدی نینگ وظیفه‌سی و سلام‌وطندار ایشلاوچیسی بولگنی خصوصیده خبر بولگنیدن کیین، اونگه خطاب ایتگن که «رادیو سلام‌وطندار آمریکایی بیر رادیو دیر.»
بیزلرنینگ فیسبوک صحیفه‌میزگه باش اورینگ!
محمدعلی نینگ ایتیشیچه، یانیده‌گی شخص هیداوچیدن موترنینگ توخته‌تیشی نی سوره‌گن و موتر دن توشه‌دیگن بیرچاغده، اوشبو کیشی قورال چیقاریب و محمدعلی تامان نیچه اوق آتگن.
مذکور هجوم کیم تامانیدن اویوشتیریلگنی حاضرگچه بیللی بولمه‌گن.
عین حالده، سلام‌وطندار سردبیری شاه‌حسین رسولی مذکور واقعه گه عکس‌العمل کورسه‌تیب ایتیشیچه، خبرچیلرنینگ هجوم آستیده آلینیشی مملکتده سوز ایرکین‌لیگی وضعیت یمان‌لنیشی توغریسیده‌گی خواطرلرنی کوپه‌یتیره‌دی.
جناب رسولی نینگ کوپه‌یتیریشیچه، مسئوللر رسانه‌لر سقله‌نیشی و خبرچیلرنینگ ایرکین شکلده فعالیت قیلیشی اوچون، خبرچیلرگه قرشی زوروانلیک حادثه‌لرینی جدی شکلده تیکشیریش‌لری کیره‌ک.
مملکت طالبان نظارتی گه اوتگن بیرحالده، معلومات ییتکزیش پروسه‌سی جدی قیینچلیکلر بیلن دوچ کیلگن و سونگی پیت‌لرده خبرچیلر و رسانه فعاللریدن قطاری مملکت نی ترک قیلیشگن.
