افغانستانده اقلیم اوزگرماقده ایکن، ینه بیر بار آدملرنینگ حیاتی و سلامتلیگینی جدی خوف بیلن روپره قیلگن. قندهار، هرات، غور و تخار ولایتلریده بوران و چقماق نهفقط جانی تلفات و مالیهوی نقصان ییتکزگن، بلکی جبرلنگن حدودلر اهالیسینینگ حیاتینی تهدید قیلیب و عامه آست قوریلمهلر گه سلبی تأثیر قویگن.
مسئوللر، سونگی ۲۴ ساعت ایچیده اوشبو طبیعی واقعهلرده ۶ کیشی اولگن، ۱۱ کیشی یرهلنگن و یوزلب عایله هم جدی قیینچیلیک بیلن دوچ بولگنلرینی تصدیقلهگنلر.
طبیعی آفتلر گه قرشی کورهش اداره معلوماتلریگه کوره، انسانی تلفات گه قوشیمچه، کوپینچه آست قوریلمهلر زیان کورگن. گزارشلر شونی کورستهدی کی، اوشبو طبیعی واقعهلرده سرکلر، قودوقلر، ایکینچیلیک ییرلر، درختلر و یوزلب سولر بوزیلگن – بولر یشاوچیلرنینگ کوندهلیک حیاتی و اقتصادی فعالیتلریگه سلبی تأثیر قویگن.
طبیعی آفتلر گه قرشی کورهش اداره معلوماتلری اساسیده، قویاش ۱۴۰۵ ییل ۶ حملدن بیری، ایریم طبیعی واقعهلرده اولگنلر سانی و مالیهوی ضررلر سیزیلرلی درجهده آشگن.
اوشبو اداره تامانیدن ترقهلگن رسمی معلومات اساسیده، مذکور واقعهلرده حاضرگه قدر ۲۵۰ کیشی اولگن و ۳۴۴ کیشی یرهلنگن. شونگه قرهمی بو طبیعی واقعهلرده تخمیناً ۱۷ مینگ عایله مستقیم طرزده ضرر کورگن و اولر گه آغیر مالیهوی نقصان ییتکزگن.
