«سی‌ان‌ان» خبری آژانسی نینگ معلوماتی اساسیده، کابل ده القاعده رهبری ایمن الظواهری اولدیریلیشیدن کیین بیرینچی مراتبه امریکا رسمی‌لری، قطر پایتختی دوحه شهری ده اسلامی امارت هیئتی بیلن اوچره‌شگن.
گزارش اساسیده، امریکا دولتی مذکور مملکت نینگ استخبارات تشکیلاتی نینگ اورین باسری (سیا) و افغانستان اوچون امریکا تشقی ایشلر وزیرلیگی نینگ مخصوص نماینده‌سینی، اسلامی امارت هیئتی بیلن ملاقات قیلیش مقصدیده دوحه گه یوللـه‌گن.
بیزلرنینگ فیسبوک صحیفه‌میزگه باش اورینگ!
اسلامی امارت استخبارات باشلیغی عبدالحق وثیق، اسلامی امارت هیئت اعضالریدن بولگنی قوشیمچه قیلینگن.
ایکی تامان، اوتگن کون (شنبه، ۱۶ میزان) دوحه شهری ده ملاقات قیلگنلر.
افغانستان پایتختی کابل شهری ده امریکا قوشمه ایالت‌لری هوای کوچلری نینگ هجومی عاقبتیده القاعده رهبری اولدیریلیشیدن کیین، مذکور مملکت اسلامی امارت نی «دوحه بیتیمینی بوزیش) گه عیبله‌دی.
امریکا رسمی‌لری نینگ ایشانچی گه کوره، اسلامی امارت مقام‌لری جمله دن حقانی ترماغی الظواهری نینگ یاشینگن محلی دن خبرلری بار ایکن؛ عین‌حالده اسلامی امارت بو عیبلاولرنی رد قیله‌دی.
بیزلرنینگ توییترده هم تعقیب قیلینگ!
سی‌ان‌ان نینگ یازیشیچه، سیا اورین باسری دیوید کوهن و اسلامی امارت استخبارات باشلیغی حضوری بولگن شنبه کونگی ییغینده، ترورچی گروه‌لر گه قرشی کوره‌ش اوستیده بحث ایتیلگن‌لیگی کوتیله‌دی.
آق سرای اوتگن آی، ترورچی گروه‌لر گه قرشی کوره‌ش خصوصیده اسلامی امارت بیلن همکارلیک قیله یاتگنینی معلوم قیلدی.
استخبارات تشکیلاتی و امریکا تشقی ایشلر وزیرلیگی، امریکا و اسلامی امارت رسمی‌لری نینگ ملاقاتیده خصوصیده حاضرگچه هیچ نرسه دیمه‌گنلر.
