شاعر و یازووچی امیر علیشیر نوایی نینگ توغیلگن ۵۸۱-ییللیگی و بابری‌لر اساسچسی ظهیرالدین محمد بابر نینگ توغیلگن ۵۳۹-ییللیگیدن فاریاب مرکزی میمنه شهری‌ده نشانلندی.
اوشبو احتفال‌ده شاعرلر، ادیب‌لر و فرهنگی کیشی‌لر توپله‌نیب، ایکی دولت سر کرده‌سی و سوز ملکی نینگ سلطانی امیر علیشیر نوایی و ظهیرالدین محمد بابر نینگ شخصیتی خصوصیده صحبت قیلدیلر.
فاریاب نینگ استادلریدن بولمیش سید تاج‌الدین تاشقین بهایی نینگ ایتیشیچه، علیشیر نوایی و ظهیرالدین محمد بابر، حکومت ایشلری بیلن مصروف بولیشسه‌ده، بیراق ادبیات و فرهنگ‌دن اوزاقلمه‌ی کتاب‌لر یازیب و بوگونگی نسل‌لر‌گه میراث قالدیرگن.
بیزلرنینگ توییترده هم تعقیب قیلینگ!
جناب بهایی گه کوره، حاضرگی حکومت بو توغریده دقت قیلیشی کیره‌ک.
جناب بهایی نینگ ایتیشیچه: «حاضر همه نیرسه تجارت بولگن آلدینکی حکومت دوریده کتاب‌لر چاپ ایتیلردی و مردم کتاب اوقیش اوچون ارزان ساتیلر‌دی اما حاضر بو نقه ایمس کتاب اوقیش و چاپ قیلیش توغریسیده دقت بولینیشی کیره‌ک.»
فاریاب یشاوچیلریدن مخدوم حبیب‌الرحمن امیر علیشیر نوایی شخصیتی خصوصیده ایتیشیچه، نوایی اسلامی شریعت اوچون ایجابی ایشلرنی بجرگن که آلقیش گه سزاوار دیر.
مخدوم حبیب‌الرحمن گه کوره: «بو ایکی اسطوره اسلام دینی گه کوپینچه خدمت قیلگن‌لر که آلقیش گه سزاوار دیر بو نقه احتفال لرگه یاش لر قتنشیب بابه و اجداد لری نینگ قیلگن خدمت لریدن خبردار بولیش‌لری کیره‌ک.»
بیزلرنینگ فیسبوک صحیفه‌میزگه باش اورینگ!
فاریاب خوش نویس‌لر انجمن باشلیغی عبدالعزیز روفی، اوشبو هفته مناسبتی بیلن خویش نویس‌لیک کورگزمه یولگه قویگن ایتیشیچه، ینگی حکومت نینگ دستلبکی آلتی آیی‌ده، فاریاب ولایتی بویلب خوش نویس علاقه‌مندلری کوپه‌یگن دیر.
شونینگ‌دیک اوشبو احتفال‌ده فاریاب یازووچیلری نینگ اوچ کتابی «نوایی غزللریگه شرحلر، خواجه احمد یسوی و منگو بیتیکلر» نمایش ایتیلدی.
