آمریکا جمهور باشلیغی جوبایدن، دوشنبه کون تلویزیونی بیاناتیده ایتیشیچه، القاعده رهبری ایمن الظواهری، افغانستان پایتختی کابل شهری نینگ قلبی ده اوشبو مملکت کوچلری نینگ هوا هجومی نتیجه‌سیده اولدیریلگن.
آمریکا جمهور باشلیغی گه کوره، اوشبو هجوم بویروغینی اوزی بیرگن و الظواهری نی اولدیریش بیلن اونینگ باره‌سیده‌گی عدالت عملی بولگن و القاعده رهبری باشقه تیریک ایمس دیر. اونینگ ایتیشیچه، القاعده رهبری سونگی دهه‌لرده آمریکالیکلر گه اویوشتیریلگن هجوم اینیقسه تانزانیا ده آمریکا ایلچیخانه‌سیگه اویوشتیریلگن هجوم ده قولی بولگن.
بیزلرنینگ فیسبوک صحیفه‌میزگه باش اورینگ!
بایدن نینگ کوپه‌یتیریشیچه، ۲۰۱۱_ ییل ده بن‌لادن اولدیریلیشیدن کیین، الظواهری القاعده گروهی نینگ ییتکچیلیک مسئولیتینی تن آلدی. اونگه کوره، الظواهری انچه ییل دن بویان آمریکا نینگ تعقیبی آستیده ایدی و سونگی کونلرده عایله اعضالری بیلن اوچره‌شیش مقصد کابل گه نقل مکان قیلگن ایدی.
آمریکا جمهور باشلیغی نینگ ایتیشچیه، القاعده رهبری بولگن اوی ده اویوشتیریلگن هجوم ده، اونینگ باشقه عایله اعضالری و عادی اهالی گه زیان ییتیشمه‌گن. اونگه کوره: «الظواهری القاعده نینگ تانیقلی سیمالریدن بیری ایدی. او بن‌لادن حیاتی وقتیده اورین باسری صفتیده ایشلر ایدی. الظواهری گه بولگن هجوم دقت بیلن ریجه‌لنتیریلگن. مؤفق مأموریت ایدی.»
بایدن نینک کوپه‌یتیریشیچه، آمریکا افغاستان نی عصیانچی گروه‌لر مکانی گه اوزگریشی اوچون رخصت بیرمه‌یدی. اونگه کوره، آمریکا، آمریکالیکلر نینگ منفعتیدن مدافعه قیلیش گه دوام بیره‌دی، آمریکا گه قرشی تهدیدنی هر جای ده بولسه تاپیب و اونگه قرشی اقدام قیله‌دی.
بوندن آلدین آمریکا رسمی‌لری و بیرلشگن ملت‌لر تشکیلاتی، اسلامی امارت حاکمیتیده افغانستان ده القاعده کوچلنیشیدن آگاه‌لنتیرگن ایدی. بیرلشگن ملت‌لر تشکیلاتی اوشبو ییل جوزا آیی ده القاعده افغانستان ده جای آلیب و کیله‌سی ییل‌لرده هجوم‌لرنی اویوشتیریش گه قادرلیگینی ایتگن ایدی. مذکور تشکیلات گه کوره، القاعده نینگ ییریک رهبرلری و اوشبو گروه گه باغلیق اونلب کیشی افغانستان ده دیر.
آمریکا رسمی‌لری نینگ ایتیشلریچه، یک‌شنبه کونی بامداد چاغی کابل شهری نینگ شیرپور منطقه‌‍سیده بیر اوی ده هوایی هجوم اویوشتیریلدی که اوتگن کون اسلامی امارت رسمی‌لری مذکور هجوم‌نی تصدیقلسه‌لرده، بیراق اونی دوحه بیتیمی گه قرشی عنوان قیلدیلر.
بیزلرنینگ توییترده هم تعقیب قیلینگ!
اسلامی امارت سوزلاوچیسی ذبیح‌الله مجاهد نینگ ایتیشیچه، اول‌لرده اوشبو هجوم قنده‌ی لیگی بیللی ایمس ایدی، اما امنیتی و استخباراتی نهادلر نینگ دستلبکی معلومات‌لری اساسیده، بو هجوم آمریکا نینگ اوچووسیز اوچاقی آرقه‌لی اویوشتیریلگن.
مجاهد نینگ کوپه‌یتیریشیچه، مذکور هجوم هر قنده‌ی هدف و بهانه ده اوشتیریلگن بولسه، اسلامی امارت محکوم قیلیب و حکومت اونی خلق‌ارا قانون_قاعده‌لر گه قرشی و دوحه بیتیمینی بوزیش بیله‌دی.