سلام‌وطندار ۱۸ خبرچی بیلن ۱۵ ولایتده اسلامی امارت تامانیدن ۴۴ مورد خبر و گزارش سانسور بولگنینی مستند قیلگن که اولر ارا ۲۵ موردی ترقه‌لمسدن آلدین، ۷ موردی ترقه‌لیش چاغیده و ۱۲ موردی خبر و گزارش ترقه‌لیشیدن کیین صورت تاپگن. شونینگدیک سلام‌وطندار نینگ معلوماتی اساسیده ۱۱ مورد سانسور، خبرچی‌لرنی حقارت قیلیش، قولگه آلیش و کلتکلشنی کورسته‌دی.
نیمروز ولایتیده خبرچی‌لردن بیری اسمی سِر قالیش شرطی بیلن ایتیشیچه، ایکی مرته پاکستان و ایران چیگره‌لریده افغان مهاجرلری نینگ وضعیتی خصوصیده گزارش تیارلش ده و بیر مرته هم نیمروز باجخانه‌سی درآمدی باره‌سیده گزارش تیارلش چاغیده، محلی مسئوللر نینگ جدی قرشی لیگیگه روپه‌ره بولگن.
سمنگان ولایتیده آزاد خبرچی شفیق‌الله (مستعار)، گزارش تیارلش کیزیده بیر مرته توسقین‌لیککه دوچ بولگنینی ایته‌دی. «سمنگان ده محلی مسئوللر گه قرشی بولگن گزارش‌نی پوشش بیریش گه رخصت بیریلمه‌یدی. بیر مرته سمنگان ولایتی نینگ قیشلاق‌لریده‌گی مکتب‌لر خصوصیده گزارش تیارله ماقچین ایدیم، معلومات و مدنیت مسئوللری بو ایش گه توسیق بولیب و بوندن کیین اولر نینگ اویغون‌لیگی بیلن گزارش تیارلشیمنی ایتدیلر.»
بیزلرنینگ فیسبوک صحیفه‌میزگه باش اورینگ!
باشقه تاماندن غور ولایتیده (سلام‌وطندار) خبرچیسی سید معروف سعیدی، اوشبو ولایتده خبر و گزارش سانسور بولیشیدن شکایت قیله‌دی، او اوچ سانسور واقعه؛ ایکی مورد نشردن آلدین وباشقه بیر مورد نشر دن کیین سانسور بولیشیدن آت توته‌دی.
اونینگ ایتیشیچه، ایکی مرته معلومات و مدنیت ریاستی نینگ محلی مسئوللری و باشقه بیر مرته مذکور ولایت حاکمی سوزلاوچیسی تامانیدن سانسور گه روپه‌ره بولگن.
اونگه کوره: «بیر مرته بیر گزارشیم اوچون، غور حاکمی نینگ سوزلاوچیسی بو گل گزارش‌لرنی تیارلش گه دوام بیرسم، کیسکین لیککه روپه‌ره بولیشیمدن آگاه‌لنتیردی.»
غزنی ده تمدن تلویزیونی نینگ خبرچیسی زکریا حسن‌زاده، نیچه مرته محلی مسئوللر تامانیدن سانسور بولیش واقعه دن حکایت قیله‌دی.
او، گزارش تیارلش چاغیده ایکی مورد سانسور بولیشیدن شکایت قیله‌دی، بیر مرته ۲۰۲۱ـییل ۱۷ اکتوبر کابل_غزنی ایستگاه‌سی و بیر مرته هم ۲۴ می ده، اهالی نینگ اقتصادی وضعیتی خصوصیده گزارش تیارلش کیزیده مسئوللر نینگ توسقین‌لیگیگه روپه‌ره بولگن.
زکریا حسن‌زاده نینگ ایتیشیچه: «۲۰۲۱ـییل ۱۷ اکتوبر ده، کابل_غزنی ایستگاه‌سیده هیداوچیلر آره‌سیده تارتیشوولر خصوصیده گزارش تیارله ماقچین ایدیم که، اسلامی امارت کوچلری مینی توتقینلب حوزه آلیب گه باردیلر و کفالت بیلن آزاد بولدیم.»
باشقه تاماندن سلام‌وطندار نینگ بلخ ده‌گی خبرچیسی نسیمه رونق گه کوره، کمیده تورت مرته گزارش‌لری محلی مسئوللر نینگ توسقین‌لیگی بیلن روپه‌ره بولگن.
اوشبو گزارش‌لر؛ خاتین قیزلر نینگ احوالی و ناراضی‌لیگی خصوصیده بولگنینی ایته‌دی سلام‌وطندار نینگ بلخ ده‌گی خبرچیسی نسیمه رونق. «نیچه مرته مین بیلن تماس آلیب، اولر گه عاید گزارش‌لرنی جمهوریت دوره‌سی کبی تیارلشیمنی ایتدیلر، آبادانچیلیک و ترقیات باره‌سیده بیریله دیگن گزارش‌لر نیگه نشر گه تاپشیریلمسلیگینی سوره‌دیلر، ایریم موردلرده گزارش ترقه‌لیشیدن کیین، آوازلری قییرده قوللنیشی یا ده نیگه سیس‌لرینی نشر قیلمسلیگم خصوصیده مین بیلن تماس آلیب آگاه‌لنتیردیلر.»
ننگرهارده‌گی خبرچی فقیرمحمد فقیرزی، اوچ مورد سانسور دن حکایت قیله‌دی.
فقیرزی نینگ گزارش‌لری، خاتین قیزلر احوالی و عیاللر گه عاید بیر ایشخانه خصوصیده بولگن که محلی مسئوللر نینگ قرشی لیگی باعث نشر بولمه‌گن.
فقیرزی نینگ ایتیشیچه: «نیچه کون آلدین بهسود تومنی ده قیزلر نینگ خیاط‌چیلیگی باره‌سیده گزارش تیارله ماقچین ایدیم که خوفسیزلیک کوچلر نینگ قرشی لیگیگه دوچ بولدیم.»
برچه‌سی بیلن، سلام‌وطندار نینگ اوشبو مستندی گه بناً، ولایت لرده‌گی خبرچی‌لر، اسلامی امارت حاکمیتیدن کیین کمیده ایکی مرته محلی مسئوللر تامانیدن آگاهی‌لیک، تیکشیریش، تهدید و قولگه آلیش گه روپه‌ره بولیشگن.
فاریاب ده‌گی خبرچی‌لردن بیری، اسمی سِر قالیش شرطی بیلن نشردن آلدین ایکی مورد سانسوردن حکایت قیلیب ایتیشیچه، اوشبو ولایت نینگ اداره‌لریدن بیری ده خاتین قیزلر نینگ ایشی تعطیل بولیشی حقیده گزارش تیارلر ایکن، بیراق محلی مسئوللر نینگ تهدیدی و آگاهی‌لیگی طفیلی نشر قیله آلمه‌گن.
اونینگ کوپه‌یتیریشیچه، ۲۰۲۲ـییل ۱۵ مارچ ده فاریاب بیلیم یورتی طلبه‌لری نینگ اعاشه‌لری باره‌سیده گزارش تیارلر ایکن که بیلیم یورت باشلیغی تهدیدی بیلن روپه‌ره بولگن و اونگه گزارش نی نشر قیلیش رخصتی بیریلمه‌گن.
باشقه تاماندن، لوگرده‌گی ایکی خبرنگار گزارش ده اسم‌لری توتیلمسلیک شرطی بیلن ایتیشلریچه، بیر مرته اسلامی امارت کوچلری آره‌سیده‌گی تارتیشوو، بیر مرته مذکور ولایت نینگ پاسپورت اداره‌سیده فساد باره‌سیده اوچینچی مرته هم خوفسیزلیک وضعیت خصوصیده گزارش تیارلر ایکنلر که محلی مسئوللر و اسلامی امارت استخباراتی نینگ قرشی لیگیگه روپه‌ره بولیب و گزارش نی نشر قیله آلمه‌گنلر.
شونینگدیک سلام‌وطندار نینگ بامیان ده‌گی خبرچیسی انور سعادتیار، ۲۴ و ۲۶ فبروری ده تورت مرته گزارش‌لرینی ترقه‌تیش اوچون، بامیان ولایتی حاکمی نینگ سوزلاوچیسی تامانیدن چقیریلیب و اوندن تدقیقات بولگنینی بیلدیره‌دی.
سعادتیار نینگ گزارش‌لریدن بیری، اقتصاد وزیرلیگی معینی نینگ سفری، باشقه بیر گزارشی ۸ اپریل ده بامیان معلومات و مدنیت باشلیغی تامانیدن بامیان‌لیک قیزلر قولگه آلینیشی گه عاید دیر که او چقیرتیریلگن. اونینگ ایتیشیچه، اوشبو گزارش‌لر نینگ ایریم موردلری حذف بولسه ده، بیراق اوندن تدقیقات بولگن.
بونگه علاوه، بادغیس و غور ولایت‌لریده ایکی خبرچی آت‌لری سِر قالیش شرطی بیلن ایتیشلریچه، محلی مسئوللر تامانیدن کلتکله‌نیب، حقارت و سانسور بولیشگه روپه‌ره بولگن خبرچی‌لردن دیر.
بادغیس ده‌گی خبرچی نینگ ایتیشیچه، بیر مرته پارتلش واقعه‌نی قاپلش چاغیده، اسلامی امارت کوچلری تامانیدن کلتکلنگن، یینه بیر بار مذکور ولایتده حکومت کوچلری ارا توقنشوو خصوصیده‌گی گزارشی، مسئوللر نینگ آگاهی‌لیگی بیلن نشر بولمه‌گن، باشقه بیر مورد ده بادغیس ده دارو تنقیص‌لیگی سوالی اوچون، بیر محلی مسئول تامانیدن حقارتلنگن.
غورده‌گی خبرچی کوره، کرلر مکتبی، طلبه قیزلر نینگ فراغتی و خاتین قیزلر نینگ وضعیتی باره‌سیده‌گی تورت گزارشی، مسئوللر نینگ توسقین‌لیگی طفیلی نشر بولمه‌گن.
شونینگدیک جوزجان، هلمند و زابل ده ایکی خبرنگار، تورت مورد سانسوردن حکایت قیله‌دیلر.
اوشبو گزارش‌لردن بیری جوزجان ده داعش فعالیتی، باشقه بیری هلمند ده رستورانت‌لر احوالی و گزارش‌لردن باشقه بیری ده ایسه زابل دن پنجشیر تامان یوللنگن اسلامی امارت کوچلری خصوصیده تیارلنگن ایکن؛ بیراق محلی مسئوللر اونگه توسیق بولگن.
بونگه علاوه، ارزگان ده باشقه بیر خبرچی اوچ مورد سانسوردن خبر بیره‌دی؛ که اوشبو موردلردن بیری ترافیکی حادثه‌لر نینگ تلفاتینی پوشش بیریش، سوونی باشقریش و سابق حکومت مامورلری نینگ شکایتی دن عبارت دیر.
اونگه کوره، مذکور ولایت امنیه قوماندان‌لیگی مسئوللری، باشقه بیر مورد ده اوشبو ولایت مقامی و اوچینچی مورد ده ایسه محلی مسئوللردن بیری اونی تهدید قیلیب و گزارشی نشر بولیشی گه رخصت بیریلمه‌گن.
برچه‌سی بیلن سلام‌وطندارنینگ خبر بولیمی مدیری گل‌محمد گران نینگ ایتیشیچه، اوشبو میدیا نینگ خبر و گزارش‌لری نشر دن کیین، نشردن آلدین اسلامی امارت کوچلری نینگ کیسکین عکس‌العملی گه روپه‌ره بولگن.
سلام‌وطندار نینگ خبر بولیمی مدیری، تورت واکنش و چقیریلیشیدن حکایت قیلیب ایتیشیچه، ۱۷ و ۲۳ مارچ و ۲۹ می ده، مذکور میدیا آرقه‌لی نشر بولگن گزارش‌لر باره‌سیده ایضاح کیریتیش مقصدیده اسلامی امارت استخبارات اداره‌سی تامانیدن چقیریلیب باسیم، توسقین‌لیک و خود سانسورلیککه مجبور قیلینگن.
اونگه کوره، نیچه مرته سلام‌وطندار نینگ ولایتی خبرچی‌لری او بیلن علاقه قوریب، محلی مسئوللر تامانیدن بولگن چیکلاولر و قیینچیلیکلردن شکایت قیلیشگن.
جناب گران نینگ ایتیشیچه: «استخبارات، معلومات و مدنیت و امر معروف و نهی منکر اداره‌سی همده محلی برچه مسئوللر همکارلریمیزنی سانسور قیلیش گه مجبور قیلیشه‌دی، کابل ده نیچه مراتبه اوزیمنی استخبارات چقیردی و بو گَل گزارش‌لر نشر بولمسلیگینی آچیق بیان قیلدی.»
عین‌حالده، ولایت لرده‌گی خبرچی‌لر، تحقیقی گزارش‌لرنی تیارلش خصوصیده شرایط ماس ایمسلیگیدن نالیب سلام‌وطندار گه ایتیشلریچه، تحقیقی گزارش‌لر گه علاوه، جدی و تنقیدی بولگن عادی گزارش‌لرنی تیارلب و نشر قیله آلمه‌یدیلر.
هرات ده‌گی ایکی خبرچی، آت‌لری سِر قالیش شرطی بیلن ایتیشلریچه، قورقیش‌لری باعث، تنقیدی و تحقیقی گزارش تیارله‌ی آلمه‌ی و سانسور قیلیش گه مجبور بولیشگن.
سلام‌وطندار نینگ مستند گه بناً، اسلامی امارت مسئوللری کوپراق خاتین قیزلر نینگ حقوقی، خوفسیزلیک وضعیت اینیقسه داعش، اوز ارا توقنه‌شیش، اجتماعی معمالر و اسلامی امارت ایشلرینی تنقید قیله‌دیگن مسئله‌لر گه عاید گزارش تیارلش گه رخصت بیرمه‌یدیلر.
باشقه تاماندن، میدیالردن حمایت قیلووچی نهادلر، خبرچی‌لر ایشیگه مسئوللر نینگ اره‌لشیشنی، ییتکیرمه‌لر قانون_قاعده‌لری گه قرشی دیب و عاقبت‌لریدن خواطر بیلدیره‌دیلر.
بیزلرنینگ توییترده هم تعقیب قیلینگ!
افغانستان ژورنالیست‌‌لر فدراسیونی و میدیالر نهادلری نینگ رهبرلیک عضوی ظریف کریمی نینگ سلام‌وطندار گه ایتیشیچه: «هر قنده‌ی سانسور و میدیالر اوستیده‌گی باسیم، ییتکیرمه‌لر نینگ قانون_قاعده‌لری گه قرشی دیر، بو قانون حاضر نافذ دیر.»
برچه‌سی بیلن، اسلامی امارت گه کوره، محلی مسئوللر خبرچی‌لر ایشلرینی قولی‌لشتیریش اوچون یالغیز هماهنگ بولیش گه مسئول دیر.
اسلامی امارت سوزلاوچیسی نینگ اورین باسرلریدن بلال کریمی گه کوره: «محلی مسئوللر نینگ اره‌لشیش گه حقی یوق و خبرچی‌لر اوز ایشلری گه آزاد دیر، یالغیز اوز ایشلرینی قولی‌لشتیریش اوچون محل گه باریش چاغیده مسئوللرنی هماهنگ قیلیش‌لری کیره‌ک.»
عین‌حالده، سونگی کون‌لرده سلام‌وطندار نینگ ایکی خبرچیسی (رومان کریمی و سرور هاشمی) عیاللر اعتراضی دن گزارش تیارلش کیزیده، اسلامی امارت کوچلری تامانیدن قولگه آلینیب و نیچه ساعت قملگنلر.
ایتیش کیره‌ک که، اسلامی امارت نیچه مراتبه میدیالر تخطی کمیسیونی فعالیت گه باشله‌شیدن خبر بیردی، بیراق خبرچی‌لر شکایتی و میدیالر تخطی‌لرینی تیکشیریش اوچون اوشبو نهاد حاضرگچه فعالیت گه باشلمه‌گن.
افغانستان ده اسلامی امارت حاکم بولیشیدن بویان، ییتکیرمه‌لر؛ اقتصادی قیینچیلیک و بشری منبع تنقیص‌لیگی بیلن روپه‌ره بولگن که بو ایش، بیرقطار میدیالر نینگ یاپیلیشی گه سبب بولگن. بونگه قوشیمچه میدیالر سانسور بولیشی، رسانه‌لر نینگ خواطرینی کوچه‌یتیرگن.