جوزجان‌لیک قیزلردن قطاری نینگ ایتیشلریچه، سابق حکومت قوللشی و اسلامی امارت حاکم بولیشی بیلن، خاتین قیزلر گه چیکلاو یره‌تیلگن، بو ایش مملکت بویلب قشاق‌لیک، اقتصادی و روانی قیینچیلیککه سبب بولگن.
جوزجان‌لیک قیزلر گه کوره، ۴۰ فایز عیاللر تعلیمی و تحصیلی نهادلرده تعلیم کوریش‌گه قوشیمچه، دولت اداره‌لری، نهادلر و خصوصی مؤسسه‌لرده ایشلش بیلن، عایله‌لری نینگ خرجت‌لرینی تأمین‌لر ایدیلر، بیراق اولر گه چیکلاو یره‌تیلیشی باعث اقتصادی قیینچیلیک و آچرچیلیک بیلن روپه‌ره بولیشگن.
بیزلرنینگ فیسبوک صحیفه‌میزگه باش اورینگ!
جوزجان‌لیک پریسا نینگ ایتیشیچه: «هر بیر عیال اوز قیینچیلیکلرینی حل قیلیش اوچون اولر گه تعلیم و ایش حقوقی بیریلیشی کیره‌ک، بیر جمعیت نینگ اساسینی عیاللر تشکیل بیریشینی برچه میز بیله‌میز.»
جوزجان یشاوچیلریدن باشقه بیری فرنگیز گه کوره: «بیزهم جمعیتده اوزیمیزنی اثباتلش اوچون، اولر کبی فعالیت و یوتوق‌لریمیز بولیشنی ایسته‌یمیز، مساوی حقوق گه ایگه بولسک، برچه ساحه‌لرده برابر حقوقیمیز بولیشی کیره‌ک، بیزگه تعلیم و ایش حقوقی بیریلیشنی سوره‌یمیز.»
جوزجانده اسلامی امارت محلی مسئول‌لری نینگ ایتیشلریچه، اسلام قانون_قاعده‌لری اساسیده برچه عیاللر نینگ خواست و اراده‌لری عملی بوله‌دی و اسلامی شریعت چارچوبه‌سیده خاتین قیزلر حقوقی گه حرمت قیله‌دیلر.
تعلیمی بیر کارگاه‌دن اونلب قیزلر نینگ فراغت مراسمیده نطق سوزله‌گن جوزجان ولایتی مقامی نینگ سکتور ایشلری بوییچه باشلیغی مفتی بدرالدین قدوسی نینگ ایتیشیچه، خاتین قیزلر اسلامی شریعت چارچوه‌سیده فعالیت قیلیب و اولر حجاب‌نی رعایت قیلیشی کیره‌ک. اونگه کوره: «افغانستان اسلامی امارت، خاتین قیزلر نینگ ترقیاتی گه مانع بولمه‌یدی بلکه اسلام قانون_قاعده‌لری اساسیده اولر نینگ ترقیاتی اوچون ترغیب قیله‌دی.»
بیزلرنینگ توییترده هم تعقیب قیلینگ!
عیال حقوقی فعال‌لریدن قطاری، اسلامی امارت‌دن عیاللر جمعیت نینگ یریم نفوسی بولگن‌لری اوچون اولر گه تعلیم وایش حقوقی بیریلیشینی طلب قیله‌دیلر، اولر نینگ حضوری بولمه‌گنده جمعیت فلَج دیر.
