افغانستان موج تحول حزبی، بوگون کابل‌ده ۸ مارچ، خلق‌ارا خاتین قیزلر بیردملیک کونیدن نشانله‌دیلر. مذکور حزب اعضالری نینگ ایتیشلریچه، سونگی اوزگریش‌لردن کیین، خاتین قیزلر نینگ قیینچیلیکلری کوپه‌یب و اولر اساسی حقوق‌لریدن محروم بولگن‌لر. اولر اسلامی امارت‌دن عیاللر نینگ جامعه‌نی کلیدی اعضاسی اوله‌راق تانیب حق بیریشینی سوره‌گنلر.
افغانستان موج تحول حزب اعضاسی بانو ظریفه، خاتین قیزلر نینگ حاضرگی وضعیتیدن خواطر بیلدیریب ایتیشیچه، ایش، تعلیم، تحصیل و سفر حقی اوتگن ۲۰ ییل کبی قیته‌دن اولر گه بیریلیشی کیره‌ک. بانو ظریفه نینگ ایشانچی گه کوره، سیاسی تیزیم‌ده خاتین قیزلر گه حصه بیریلیشی، مملکت نینگ حاضرگی وضعیتی اوچون اونملی دیر.
بیزلرنینگ فیسبوک صحیفه‌میزگه باش اورینگ!
اونگه کوره: «کیلینگیزلر عایله‌ده عیاللر نینگ اورنی و زوروانلیک میزانی‌گه قره‌یلیک قنده‌ی بیر وضعیتده دیر. قطار عایله‌لر قیز و عیاللرنی مملکت‌دن تشقری رخصت بیرمه‌یدیلر. بوگونگی انقراضلی وضعیت، عیاللر نینگ کیینگه قالیش سببی دیر.»
عین‌حالده، افغانستان موج تحول حزب اعضالریدن باشقه بیری سویتا شیرزاد، خاتین قیزلر نینگ دادخواهی‌لیگی اوچون واحد کمیسیون ایجاد ایتیلیشینی سوره‌گن. اونگه کوره، اوشبو کمیسیون عیاللر تامانیدن باشقریلیشی کیره‌ک.
بانو شیرزاد نینگ کوپه‌یتیریشیچه: «بیز عیاللر اسلامی امارت‌دن، خاتین قیزلر نینگ دادخواهی‌لیگی، سیس‌لرینی چیقاریش و حقوق‌لری گه قول تاپیش اوچون بیر کمیسیون ایجاد ایتیش‌لرینی سوره‌یمیز.»
بیزلرنینگ توییترده هم تعقیب قیلینگ!
افغانستان موج تحول حزبی، اسلامی امارت رسمی‌لری تامانیدن عیال ستیزلیک فکر گه چیک قوییلیشینی تأکید ایته‌دی. بوندن آلدین اسلامی امارت تامانیدن عیاللر گه قرشی چیکلاو یره‌تیلیشی، ملی و خلق‌ارا تنقیدلر گه روپه‌رو بولگن. خلق‌ارا نهادلردن قطاری، افغانستان بویلب دایمی ثبات و تینچلیک برقرار ایتیلیشی، عیاللر نینگ حضوری گه باغلیق دیب هشدار بیرگن‌لر.
