افغانستان مقتدر عیاللر جنبشی، آلتینچی صنف‌دن یوقاری قیز اوقووچیلر یوزی گه مکتب‌لر یاپیق قالگنیدن تنقید ایتدی. بوگون مطبوعاتی ییغین اوتکزگن مذکور جنبش اعضالری نینگ ایتیشلریچه، تعلیم قیزلر نینگ اساسی حقوقی دیر و اسلامی امارت قیزلر نینگ مکتب‌لرینی یاپیش گه دایر اوز قرارینی کوریب چیقیشی کیره‌ک.
افغانستان مقتدر عیاللر جنبشی نینگ اجرائیه باشلیغی مونسه مبارز گه کوره، عیاللر ترقیات جریانی نینگ بیر بولیمی حسابلنه‌دی و اولر نینگ تعلیم و سیاسی توزوم‌دن محروم قیلیش ملی جنایت دیر و قبول قیلینمه‌یدی. خانم مبارز، افغان خاتین قیزلری نینگ اساسی حقوق‌لری گه دایر دنیا همجمعیت و خلق‌ارا نهادلر نینگ ایشیدن تنقیدلب ایتیشیچه، بشر حقوقی و دنیا جماعه‌چیلیگی، افغان خاتین قیزلری برابریده بی‌فرق یانده‌شماقده‌لر.
بیزلرنینگ فیسبوک صحیفه‌میزگه باش اورینگ!
خانم مبارز نینگ تأکیدلشیچه، خلق‌ارا همجمعیت، افغان خاتین قیزلری برابریده اوز مسئولیتینی ادا قیلیشی کیره‌ک. مونسه مبارز نینگ ایتیشیچه: «خلق‌ارا نهادلر، دنیا همجمعیت و بشر حقوقی تشکیلات‌لریدن، تعلیم، سیاسی توزوم و اوی‌دن تشقری ایش‌دن محروم ایتیلگن بیر نسل برابریده دقت قیلیش‌لرینی سوره‌یمیز.»
اوشبو برنامه‌ده افغانستان مقتدر عیاللر جنبش عضوی ذکیه زهادت نینگ ایتیشیچه، قیزلر نینگ مکتب‌لری یاپیق قالگنی، اسلامی امارت بیرگن وعده‌لری گه عمل قیلمسلیگینی کورسته‌دی. خانم زهادت بو توغریده ایتیشیچه: «قیزلر نینگ مکتب‌لری یاپیق قالگنی، طالبلر افغانستان خلقی گه بیرگن وعده‌لری گه عمل قیلمسلیکلرینی کورسته‌دی. و طالبلر قیزلر نینگ مکتب‌لرینی یاپیش بیلن، افغانستان خاتین قیزلری برابریده بی فرق‌لیگیدن دلالت بیره‌دی.»
بیزلرنینگ توییترده هم تعقیب قیلینگ!
قیزلر نینگ مکتب‌لری یاپیق قالگنی و عیاللر گه قرشی چیکلاولر دوامی‌دن تنقیدلر عین‌حالده بیان بولماقده که، اسلامی امارت ۳ حمل‌ده قیزلرگه عاید برچه مکتب‌لر آچیلیشیدن خبر بیرگن ایدی؛ بیراق بیرگن وعده‌لری گه قرشی، آلتینچی صنف‌دن یوقاری قیزلر نینگ مکتب‌لرینی آچمه‌دی.