نیچه کون آلدین افغانستان توپراغیدن اوزبیکستان نینگ ترمذ شهری گه قره‌ته موشکی هجوم بولیشی خصوصیده گزارش‌لر ترقه‌لدی. اسلامی امارت و اوزبیکستان رسمی‌لری بو اتهام‌لرنی رد قیلسه‌لرده، بیراق اوزبیکستان هوایی کوچلری اوشبو هجوم‌لر گه جوابن مزارشریف شهری حیرتان بندرگاهی‌ده افغانستان توپراغی‌که کیرگن‌لر.
باشقه تاماندن پنجشیر و بلخ ولایت‌لریده اوچووسیز اوچاق‌لر کوریلگن دیب ادعالر بولگن و شونینگدیک نیچه کون آلدین پاکستان هوایی کوچلری جنوبی منطقه‌لر ده هوایی هجوم اویوشتیردیلر.
بیزلرنینگ فیسبوک صحیفه‌میزگه باش اورینگ!
سابق حربی مسئول‌لردن قطاری اسم‌لری سِر قالیش شرطی بیلن ایتیشیچه، حاضر افغانستان نینگ هوایی حریمی اختیارلریده ایمس دیر. اولر نینگ ایتیشلریچه، هوایی حریم کنترول بولمسلیگی باعث، اکثر وقت‌لر اوچووسیز و باشقه اوچاق‌لر افغانستان حریمی گه کیره‌دی.
اولر گه کوره، اسلامی امارت هوا حریم‌لرینی کنترول قیلیش اوچون تیزلیک بیلن دنیا جماعه‌چیلیگی تامانیدن رسمیت گه تانیلیشی کیره‌ک.
عین‌حالده، اولکه مدافعه کوچلری نینگ سابق قوماندان‌لریدن بولمیش وهاب وردک، بوتوغریده سلام‌وطندار گه ایتیشیچه، اوتمیش‌لرده افغانستان نینگ مدافعه‌وی هوایی تیزیمی بار ایدی که بو تیزیم ۱۳۵۷-ییلی زمانه‌وی لشتیریلگن ایدی.
اونگه کوره، مذکور دفاعی سیستم بگرام، قندهار، شیندند و مزارشریف هوا قونالغه‌لریدن کنترول بولیب و اوشبو تیزیم کابل خواجه‌رواش هوا قونالغه‌سیدن سوق و اداره بولر ایدی.
جناب وردک نینگ کوپه‌یتیریشیچه، مذکور تیزیم رادار، جیت، موشک و دافع هوا دن عبارت ایدی که ۱۳۷۱-ییل‌گچه فعال ایدی؛ بیراق آمریکا افغانستان گه کیلگندن کیین بو سیستم ضعیف‌لشدی.
شو بیلن بیرگه، ترانسپورت و ملکی هوانوردلیک وزیرلیگی نینگ مسلکی معینی غلام جیلانی وفا نینگ سلام‌وطندار گه ایتیشیچه، اولر هوایی حریم‌نی کنترول قیله‌دیلر و یالغیز نظامی بُعد ده بیر رادار تیزیمی کیره‌ک و ملکی بولیمیده کابل هوا قونالغه‌سیده رادار فعال دیر.
بوتوغریده مدافعه وزیرلیگی نینگ فکر و ملاحظه‌سینی اورگه‌نیشنی ایسته‌دیک لیکن مؤفق بولمه‌دیک؛ لیکن اسلامی امارت سوزلاوچیسی نینگ اورین باسرلریدن بلال کریمی، سابق رژیم‌نی هوا حریم‌لری قیینچیلیگی عاملی بیله‌دی. اونگه کوره، خارجی کوچلر افغانستان‌نی ترک ایتیش چاغیده رادار تیزیم‌لرینی ویران قیلیشگن و حاضر بو تیزیم ایش‌دن قالگن.
بیزلرنینگ توییترده هم تعقیب قیلینگ!
بو عین‌حالده، ینگی لیکده لوگر معلومات و مدنیت باشلیغی رفیع‌الله صمیم نینگ ایتیشیچه، یک‌شنبه کیچه نامعلوم اوچووسیز اوچاق‌لر ۲۰۳منصوری قول اردو اوستیگه قتنه‌گن؛ بیراق اسلامی امارت کوچلری تامانیدن اوققه توتیلیب و اولر گه توسقین‌لیک قیلینگن.
آمریکا قوشمه ایالت‌لری میدیالری نینگ سونگی گزارش‌لری اساسیده، اوشبو مملکت حربی رسمی‌لری افغانستان‌دن تشقری بو مملکت‌نی نظارت قیلیش و خارجی تهدیدلرنی خنثی قیلیش توان‌لری باره‌سیده، لوژستیکی قیینچیلیکلر گه علاوه، افغانستان نینگ هوایی حریمی ناتینچ بولیشیدن خواطر بیلدیرگنلر.
