افغانستان قوشنی‌لری تشقی ایشلر وزیرلری نینگ اوچینچی ییغینی مشترک بیر بیانیه ترقه‌تیش بیلن یکونلندی. اوشبو هفته نینگ چهارشنبه و پنج‌شنبه کونلری‌ده اوتکزیلگن ییغینده، ایران، چین، روسیه، پاکستان، اوزبیکستان، تورکمنستان و تاجیکستان تشقی ایشلر وزیرلری اشتراک ایتگن ایدیلر.
مذکور ییغینده چین جمهوررئیسی شی جین‌پینگ و بیرلشگن ملت‌لر تشکیلاتی نینگ باش کاتبی آنتونیو گوترش نطق سوزله‌دیلر. اوشبو ییغین سونگی‌ده ترقه‌لگن مشترک بیانیه‌ده کیلیشیچه، همه شمول سیاسی بیر تیزیم شکللنیشی، عدالت گه استوار ایچکی و تشقی سیاست یورگیزیش، برچه مملکت‌لر اینیقسه اوشبو مملکت قوشنی‌لری بیلن دوستانه مناسبت‌لرینی کینگه‌یتیریش بیلن، افغانستان بویلب ملی صلح گه قول تاپیش ممکن دیر.
بیزلرنینگ فیسبوک صحیفه‌میزگه باش اورینگ!
بیانیه اساسیده، افغانستان نینگ قوشنی‌لری اسلامی امارت‌دن، خاتین قیزلر حقوقی و باله‌لر تعلیمی‌نی تأمینلش اوچون ضرور چاره‌لر کوریشینی طلب قیلگن‌لر.
بیانیه‌ده، اسلامی امارت بیلن مذاکره و مناسبت‌لر کوچه‌یشی اوستیگه تأکیدلنگن، شونینگدیک افغانستان نینگ قوشنی‌لری، اوشبو مملکت نینگ ملی حاکمیت، ملی بیردملیک و مستقل‌لیگیگه حرمت قیلیب و مردم‌دن کیله‌جک‌لری باره‌سیده‌گی قرارلریدن حمایت ایتیلیشی قید ایتیلگن
افغانستان قوشنی‌لری نینگ تأکیدلشلریچه، افغانستان نینگ حاضرگی وضعیتی مسئولی بولگن مملکت‌لر، اقتصاد و افغانستان ترقیاتی خصوصیده بیرگن وعده‌لرینی عملی قیلیشلری کیره‌ک. شو بیلن بیرگه، اعلامیه‌ده کیلیشیچه، تینچ، آسوده و ثباتلی افغانستان، منطقه مملکت‌لر نینگ مشترک منفعتی دیر و قوشنی اولکه‌لر بو توغریده «مشترک رول» اوینش‌لری لازم.
اعلامیه اساسیده، افغانستان نینگ قوشنی‌لری انسان پرورلیک یاردم‌لر سیاسی بولیشی گه قرشی‌لیک کورستگن‌لر، دنیا جماعه‌چیلیگی و خلق‌ارا تشکیلات‌لر تامانیدن بیریله‌دیگن انسان پرورلیک یاردم‌لر، افغانستان نینگ مرکزی رولی بیلن ترقه‌لیشینی تأکید ایتگن‌لر.
ترورچی‌لیککه قرشی کوره‌ش و امنیت برقرار ایتیلیشی، اوشبو اعلامیه‌ده اشاره بولگن باشقه موضوع‌لردن دیر. باشقه تاماندن افغانستان دولتی‌دن، ترورچی گروه‌لر بیلن مناسبت‌لرینی کیسیب و ترورچی‌لیککه قرشی کوره‌ش خصوصیده جدی اقدام قیلیشلری سوره‌لگن.
بیزلرنینگ توییترده هم تعقیب قیلینگ!
شونینگدیک افغانستان‌دن، اوشبو مملکتده بولگن خارج فقرالری حقوقی‌دن دفاع قیلیشلری طلب قیلینگن. اعلامیه‌ده، تاجیکستان تامانیدن افغانستان اطرافی‌ده امنیتی کمربند ایجاد ایتیلیشی تکلیف قیلینگن.
اعلامیه نینگ باشقه بیر بولیمیده قاچقینچیلر مسئله‌سی بحث گه آلینگن. افغانستان نینگ قوشنی‌لری، دنیا همجمعیت‌دن، مهاجرلر گه یاردم‌لرینی کوپه‌یتیریشنی سوره‌گنلر.
