خلق‌ارا قیزیل‌خاچ فدراسیونی ینگی گزارشی ده، افغانستان جنوب شرقی ولایت‌لری خوست و پکتیکا ده زلزله طفیلی ۲۰۰ مینگ کیشی دن عبارت ۶۰مینگ عایله جمله دن ۴۰ فایز باله‌لر زیان کورگنلر.
مذکور فدراسیون اوز گزارشی ده ایتیشیچه، قطار ولایت‌لرده دواملی یاغینگرچیلیک قیدیرو عملیات نی قیینچلیککه روپه‌ره قیلگن، اوشبو یاغینگرچیلیکلر زلزله و سوو تاشقینی یوز بیریش احتمالینی کوچه‌یتیره‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «افغانستان انسان پرورلیک بحران‌لر بیلن روپه‌ره ایکن بو وضعیت یوز بیرگن، افغانستان نینگ ۵۰ فایزدن آرتیق اهالیسی موجود بحران‌لر باعث انسان پرورلیک یاردم‌لر گه محتاج دیر.»
باشقه تاماندن افغان قیزیل یریم آی جمعیتی مسئوللری نینگ ایتیشلریچه، پکتیکا و خوست ده زلزله باعث زیان کورگن عایله‌لر نقدی یاردم‌لر گه محتاج دیر، عین‌حالده، ایچکی و چیت ایل یاردم بیرووچی نهادلر کوپراق غیر نقدی یاردم بیرماقده‌لر.
بوگون (دوشنبه، ۶ سرطان) کابل ده مطبوعاتی ییغینده اشتراک ایتگن افغان قیزیل یریم آی جمعیتی اورین باسری نورالدین ترابی نینگ ایتیشیچه: «ییگولیک و باشقه یاردم‌لر گه کم‌راق احتیاج بارلیگی سیزیله‌دی، اهالی اوز قیینچیلیکلرینی حل قیلیش اوچون نقدی یاردم کورسه‌تیلیشی کیره‌ک.»
بیزلرنینگ توییترده هم تعقیب قیلینگ!
زلزله باعث زیان کورگنلر رقمی خصوصیده گزارش‌لر عین‌حالده ترقه‌لماقده که، اوتگن هفته چهارشنبه کونی بامداد چاغی، پکتیکا و خوست ولایت‌لریده‌گی زلزله ده ۱ مینگ دن آرتیق کیشی جان بیریب و ۲ مینگ دن آرتیق فقرا ایسه یرهلنگن. اوشبو حادثه ده ۱۰ مینگ یشش اوی بوزیلگن.
