تاجیکستان ده منطقه مملکت‌لری نینگ تورتینچی ییغینیده منطقه ده‌گی تهدیدلر و افغانستان ده‌گی وضعیت بحث گه آلینگن. اوشبو ییغینده هندوستان، چین، ایران، روسیه، اوزبیکستان، قیرغیزستان، قزاقستان و تاجیکستان نینگ خوفسیزلیک کینگشی مصلحتچیلری اشتراک ایتگن ایدیلر.
مذکور ییغینده منطقه مملکت‌لری نینگ نماینده‌لری، افغانستان بویلب ترورچی گروهلر حضوری دن خواطر بیلدیرگنلر. بو ییغینده بیرلشگن ملت‌لر تشکیلاتی خوفسیزلیک کینگشی نینگ کاتبی نیکولا پاتروشف گه کوره، حاضر افغانستان ده قریب ۲۰ ترورچی گروه فعالیت قیلماقده. او مملکتده داعش‌نی اینگ کتته گروه عنوان قیلگن.
بیزلرنینگ فیسبوک صحیفه‌میزگه باش اورینگ!
باشقه تاماندن، ایران ملی خوفسیزلیک کینگش کاتبی علی شمخانی نینگ ایتیشیچه، منطقه و فرا منطقه مملکت‌لردن قطاری، افغانستان گه ترورچی گروه‌لرنی انتقال بیریشیگه عاید حجت موجود دیر.
عین‌حالده، سلام‌وطندار بیلن صحبت اوتکزگن حربی ایش بیلرمان‌لردن قطاری، افغانستان ده ترورچی گروهلر بارلیگینی تصدیقلب و اوشبو گروه‌نی منطقه و دنیا مملکت‌لری نینگ استخباراتی پروژه‌لری عنوان قیله‌دیلر. حربی ایش بیلرمان ثمر سادات نینگ ایتیشیچه، افغانستان ده ترورچی گروهلر حضوری باعث، دنیا و منطقه مملکت‌لر خواطری گه سبب بولگن. جناب سادات نینگ ایشانچی گه کوره، افغانستان نینگ چیگره‌لری آچیقلیگی، ناتینچ‌لیک، بنگوار ماده‌لری ایکیلیشی، ترورچی گروهلر حضوری اوچون فضا یره‌تگن.
ثمر سادات نینگ ایتیشیچه: «تاسف بیلن افغانستانده‌گی برچه ترورچی گروهلر فعالیت قیله‌دیلر. بو گروهلر دنیا و منطقه مملکت‌لری نینگ استخباراتی پروژه‌لری دیر.»
باشقه تاماندن حربی ایش بیلرمان‌لردن باشقه بیری میاگل خالد گه کوره، اسلامی امارت نینگ بیرگن وعده‌لری گه بناً، افغانستان ده حاضرگچه ترورچی گروهلر حضوری انیق ایمس.
اونینگ ایتیشیچه، افغانستان ده ترورچی گروهلر نینگ حضوری واقعیت بولگن تقدیرده، اسلامی امارت اولر نینگ فعالیتینی آلدینی آلیشی کیره‌ک.
بیزلرنینگ توییترده هم تعقیب قیلینگ!
بوندن آلدین آمریکا حربی رسمی‌لری افغانستان ده ترورچی گروهلر اینیقسه داعش و القاعده فعالیت قیلیشینی ایتگندن کیین، تاجیکستان ده منطقه‌وی ییغین اوتکزیلگن؛ بیراق اسلامی امارت نیچه مراتبه افغانستان ده هیچ بیر گروه گه فعالیت قیلیش رخصتی بیریلمسلیگیدن ایشانچ بیرگنلر.
ایتیش کیره‌ک که، اوشبو گزارش گه دایر اسلامی امارت سوزلاوچیسی اورین باسری نینگ فکر_ملاحظه‌سینی اورگه‌نیشنی ایسته‌دیک؛ لیکن کیتمه_کیت قونغراق‌لر بیلن مؤفق بولمه‌دیک.
