کورینیشیچه بوندن بویان افغانستان دنیا رهبرلری نینگ بحث گه آلینه‌دیگن اونملی موضوع‌لریدن ایمس. بیرلشگن ملت‌لر تشکیلاتی نینگ ۷۷- عمومی ییغینیده، دنیا نینگ بویوک قدرت‌لی رهبریلری افغانستان نینگ اونملی موضوع‌لری اینیقسه انسان حقوقی نقض ایتیلیشی خصوصیده بحث قیلمه‌گنلر.
آمریکا قوشمه ایالت‌لری نینگ جمهور باشلیغی جوبایدن، بیرلشگن ملت‌لر تشکیلاتی نینگ عمومی ییغینیده‌گی سوزلری جریانیده افغانستان ده بشر حقوقی نقض ایتیلیشینی مثال بیره‌دی؛ بیراق قدرت‌لی بیر مملکت نینگ جمهور باشلیغی اوله‌راق افغانستان ده‌گی قیینچیلیک حلی اوچون بی فرق دیر. جوبایدن سوزلری جریانیده، یالغیز سینکیانگ، برما، افغانستان و ایران ده بشر حقوقی نقض ایتیلیش وضعیتیدن خواطر بیلدیرگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، بیرلشگن ملت‌لر تشکیلاتی نینگ عمومی مجمع‌سیده ترکیه جمهور رئیسی رجب‌طیب اردغان نینگ ایتیشیچه، افغانستان ده انسان حقوقی تامین‌لنیشی خصوصیده اسلامی امارت تامانیدن امیدوار قیلووچی اوزگریش‌لر اوچون یول آچیلیشی گه امیدوار دیر. اردغان گه کوره، افغانستان یریم قرن‌دن بیری قشاق‌لیک و اوروش گه مشغول دیر و حاضر ایسه اوشبو سیناو‌دن اوتماقده.
باشقه بیر تامان‌دن، قطر امیری بیرلشگن ملت‌لر تشکیلاتی نینگ عمومی مجمع‌سیده قیلگن نطقی‌ده، اسلامی امارت و آمریکا‌دن دوحه بیتیمی گه توخته‌یشلری نی ایسته‌گن. قطر امیری تمیم ابن حمد آل ثانی نینگ ایتیشیچه، افغانستان اوروش میدانی و تروریستی گروه‌لر پایگاسی گه اوزگرمه‌یشی کیره‌ک. قطر امیری تاکید قیلگن که، افغانستان اهالی‌سی دایمی تینچ‌لیککه قول تاپیشی کیره‌ک.
بیزلرنینگ توییترده هم تعقیب قیلینگ!
بو ییل بیرلشگن ملت‌لر تشکیلاتی نینگ ۷۷- عمومی ییغینی، اسلامی امارت حکومتی‌دن هیچ بیر نماینده شرکت قیلمه‌‌گنی بیرحالده، اوتکزیلدی.