افغانستان تیمیر یولی اداره‌سی نینگ ایتیشیچه، اوتگن هفته (۳ سرطان دن ۹ سرطان) گچه افغانستان تیمیر یولی آرقه‌لی ۵۷ مینگ ۵۳ تُن واردات و صادرات بولگن.
بیزلرنینگ فیسبوک صحیفه‌میزگه باش اورینگ!
مذکور اداره بیر بیانیه ترقه‌تیب ایتیشیچه، نفت و باشقه ماده‌لردن عبارت ۳۹ مینگ ۹۶ تُن حیرتان تیمیر یولی، ۴ مینگ ۶۹۰ تُن آقینه تیمیر یولی و ۵ مینگ ۵۲۶ تُن تورغندی تیمیر یولی آرقه اولکه گه وارد ایتیلگن. شونینگدیک کوپراغی مه‌ییزدن عبارت ۷ مینگ ۷۴۰ تُن صادرات صورت تاپگن.
افغانستان تیمیر یولی اداره‌سی گه کوره، سوداگرلر نینگ واردات و صادراتی گه قولی‌لیک یره‌تیش و یخشی شرایط یره‌تیش مقصدیده سعی و حرکت قیلماقده‌لر.
بیزلرنینگ توییترده هم تعقیب قیلینگ!
عین‌حالده، اوتگن هفته افغانستان تیمیر یولی اداره‌سی، ۱۴۰۱_ ییل نینگ دستلبکی اوچ آیی ده ۱ میلیون ۶۱ مینگ ۸۳۷ تُن، مملکت تیمیر یولی آرقه‌لی واردات و صادرات بولگنینی ایتگن ایدی که ۹۳ مینگ ۵۴۲ تُنینی صادرات و ۹۶۸ مینگ ۲۹۶ تُنینی واردات تشکیل بیره‌دی.
