اسلامی امارت سوزلاوچیسی نینگ اورینباسرلریدن بیری انعام‌الله سمنگانی، توییتری ده صنعت و سوداگرلیک وزیرلیگی سرپرستی نورالدین عزیزی دن نقل قیلیب یازیشیچه، تاریخ ده بیرینچی مرته افغانستان صادراتی بیر میلیارد دالر دن کوپه‌یگن.
صنعت و سوداگرلیک وزیرلیگی سرپرستی نینگ ایتیشیچه، ایکی کون آلدین گچه صادرات بهاسی بیر میلیارد و ۵۰ میلیون دالر گه ییتیشگن ایکن. جناب سمنگانی نورالدین عزیزی دن نقل قیلیب یازیشیچه: «یالغیز تحول کون‌لریده صادرات کمه‌یگن ایکن، اما حاضر بیزلرنینگ صادراتی‌میزنی عادی حالت ده جریانی بار.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اوتگن کون صنعت و سوداگرلیک وزیرلیگی مسئوللری سلام‌وطندار بیلن اوتکزگن صحبت‌لریده، بو ییل افغانستان صادراتی یوقاری و وارداتی ایسه قویی کیلگنی نی ایتگن ایدی. صنعت و سوداگرلیک وزیرلیگی سوزلاوچیسی مولانا زهیر نینگ ایتیشیچه، بو ییل اوتگن ییل گه نسبتن صادرات کوپه‌یگن و کمیده بیر میلیارد دالر ارزشی گه ایچکی محصولات باشقه مملکت‌لرگه صادر ایتیلگن.
اونینگ کوپه‌یتیریشیچه، بو ییل واردات کمه‌یگن و کمیده ۳ میلیارد دالر ارزشی گه توار افغانستان گه وارد ایتیلگن. او صادرات کوپه‌یگنی دلیلی نی سوداگرلیک، امنیتی وضعیت یخشی‌لنیشی و بندلرده سهولت ایجاد ایتیلگنی دیب و واردات کمه‌یگنی نینگ اصلی دلیلی نی بانکی نظام ده‌گی قیینچلیکلر دیگن.