اوتگن آی دنیا ساغلیک تشکیلاتی «WHO» آفریقا دن کیلگن گزارشلر اساسیده، کرونا نینگ ینگی نوعی نی اومیکرون دیب تانیشتیردی. مذکور ویروس حاضر مملکت‌لردن قطاریده تانیلیب و شونینگدیک اونینگ تیزلیککه باشقه مملکتلر هم تجربه قیلیش‌لری ممکن.
ساغلیق نی سقلش وزیرلیگی مسئوللری نینگ بیاناتی اساسیده، افغانستان گه حاضر اومیکرون نینگ انیقله‌یدیگن کیتی یوقلیگی باعث، اوشبو ویروس گه چیلینگنلرنی انیق‌لنتیره آلمه‌یدی.
ساغلیق نی سقلش وزیرلیگی سوزلاوچیسی جاوید هژیر نینگ ایتیشیچه، مذکور وزیرلیک دنیا ساغلیک تشکیلاتی‌دن یاردم ایسته‌گن و اوشبو تشکیلات جنوری آیی نینگ اداغی گچه کووید۱۹ ینگی نوعی نینگ انیقله‌یدیگن کیت‌لرنی افغانستان اختیاری گه قرار بیریش گه سوزبیرگن.
بیزلرنینگ فیسبوک صحیفه‌میزگه باش اورینگ!
جناب هژیر، افغانستان ده اومیکرون نینگ بارلیک احتمالی نی رد قیلیب و ایتیشیچه، اومیکرون زکام گه اوخشه‌یدی.
داکترلردن بیری محمد هاشم وهاج کرونا ویروسی نینگ ینگی نوعی حقیده ایتیشیچه، اومیکرون تیز بیرشکلده یوقه‌دی و افغانستان بو ویروس نینگ آلدینی آلیش اوچون هیچ قنده‌ی امکانیتی یوق.
ساغلیق نی سقلش وزیرلیگی ساغلیک تشکیلاتی نینگ وعده بیرگنیدن خبر بیرگن بیرحالده، خلق ارا نجات کمیته‌‌سی، ینگی بیر گزارش نشر قیلیش بیلن ایتیشیچه، افغانستان ساغلیک سیستمی نابود بولیش خطری گه قرار تاپگن و اوشبو مملکتده ۹۰ فایزدن آرتیق ساغلیک مرکزلر نینگ باغلنیشی ممکن.
