افغاستان ملی فوتسال تیمی ایکی هفته آلدین مرکزی آسیا بیله‌شووی‌ده اشتراک قیلیش اوچون قرغیزستان کیتگن ایدی و بوگون ایکینچی مقام‌نی ایگه‌لب مملکت گه قیتگن.
افغانستان ملی فوتسال تیمی کابل خلق‌ارا هوا قونالغه‌سیده کیلگن‌دن کیین مملکت یشاوچی‌لری تامانیدن یخشی شکلده کوتیب آلیندی.
مملکت ۱۹ یاش‌دن قویی ملی فوتسال تیمی، مرکزی آسیا بیله‌شووی‌ده قرغیزستان، تاجیکستان و اوزبیکستان ملی تیم‌لری اوستی‌گه غلبه قازانیب و ایران ملی تیمی برابریده مغلوب بولیشی‌دن کیین مرکزی آسیاده ایکینچی مقام‌نی ایگه‌له‌گن.
بیزلرنینگ فیسبوک صحیفه‌میزگه باش اورینگ!
افغانستان فوتبال فدراسیون نینگ رئیسی محمدیوسف کارگر افغانستان فوتسال تیمی نینگ آسیا تیمی‌لری برابریده کوچلی رقیب عنوان قیلیب ایتیشیچه، «افغانستان فوتسال تیمی آسیا تیمی‌لری برابریده کوچلی رقیب بولیشی ممکن و بیزنینگ تیمی میز آسیا بویلب بیرینچی مقام‌نی کسب ایتیش گه قادر.»
افغانستان ملی فوتسال تیمی نینگ مربی‌سی محمود سیدی گه کوره : «افغانستان فوتسال تیمی جوده قوی و کوچلی دیر حتا آسیاده بیرینچی مقام‌نی ایگه‌له‌گن دیر.»
ایتیش کیره‌ک که مرکزی آسیا فوتسال بیله‌شووی بیش مملکت آره‌سیده قرغیزستان پایتختی بیشکیک شهریده یولگه قویلگن ایدی.
افغانستان ۱۹ یاش‌دن قویی ملی فوتسال تیمی اوشبو بیله‌شووده ۹ امتیاز قولگه کیلتیریب ایکینچی مقام و ایران مملکتی ۱۲ امتیاز قولگه کیلتریش بیلن بیرینچی مقام‌نی ایگله‌گن.
بیزلرنینگ توییترده هم تعقیب قیلینگ!
افغانستان ملی فوتسال تیمی نینگ اعضاسی امید قنبری مرکزی آسیا بیله‌شووی‌ده یخشی فعالیت قیلیب اوشبو بیله‌شووده ارزشلی اویینچی لقبی‌نی کسب ایتیدی.
