ساغلیق‌نی سقلش وزیرلیگی نینگ اعلان قیلیشیچه، اوتگن بیر کیچه کوندوزده ۱۷ ولایت‌ده کرونا ویروسی‌گه شبهه‌لی بیر مینگ و ۷۰۲ کیشی دن آلینگن نمونه‌لر سیناودن اوتکزیلگن و بوجمله‌دن ۶۹۲ ته‌سی نینگ نتیجهسی ایجابی تانیلیب و ۳ کیشی هم جان بیرگن.
ساغلیق وزیرلیگی نینگ سوزلاوچیسی جاوید هژیر نینگ ایتیشیچه، کرونا گه چلینگن ینگی واقعه‌لردن کوپینچه‌سی کابل وننگرهار ولایت‌لرده قید ایتیلگن.
بیزلرنینگ فیسبوک صحیفه‌میزگه باش اورینگ!
او نینگ کوپیتیریشیچه، شو زمان ایچیده ۳۱ کیشی ساغلگن. بیراق مملکت‌ده کرونا نینگ غیر رسمی آماری بوندن کوپ دیر.
عین‌حالده ساغلیق وزیرلیگی نینگ سوزلاوچیسی طبی تجهیزات نینگ کم‌لیگی و یشاوچی‌لر نینگ ساغلیق کورستمه‌لریگه توجه قیلمسلیگی‌لرینی بو وزیرلیک نینگ خواطرلریدن عنوان قیلگن.
شونده‌ی بیرحالده ساغلیق نی سقلش وزیرلیگی نینگ مسئوللری نیچه کون آلدین مملکت‌ده کرونا ویروسی کوپه‌یشیدن خبربیریب و بیرقطار شفاکارلر افغانستان کرونا ویروسی نینگ تورتینچی تولیقنی بیلن روپه‌رو ایکن‌لیگی نی ایتگن ایدی.
بیزلرنینگ توییترده هم تعقیب قیلینگ!
شونینگ دیک نیچه هفته آلدین ساغلیق وزیرلیگی نینگ مسئوللری بو وزیرلیک دنیا ساغلیق جماعه‌سیدن یاردم طلب قیلگن و بو سازمان جنوری آیی نینگ اخریگچه اومیکرون توری ده گی کرونا ویروسی نینگ انیق‌لاوچی کیت‌لرنی افغانسان اختیاریده قرار بیریشی‌نی وعده قیلنگن ایدی.
بیراق ساغلیق وزیرلیگی نینگ سوزلاوچیسی نیچه کون آلدین سلام وطندار گه ایتیشیچه، خلق‌ارا ساغلیق تشکیلاتی اومیکرون نی انیق‌لاوچی کیت‌لرنی افغانستانده ییتکیزیشینی ایتگن ایدی، بیراق حاضرگچه اوشبو کیت‌لر ساغلیق وزیرلیگی اخیاریده قرار تاپمه‌گن.
