اسلامی امارت سوزلاوچیسی ذبیح‌الله مجاهد سلام‌وطندار بیلن اوتکزگن صحبتیده، اسلامی امارت لیدری هبت‌الله آخوندزاده، مملکت بویلب جهادی مدرسه‌لر تشکیلی و مصرفی گه دایر فرمان صادر قیلگنینی تصدیقله‌دی.
اونگه کوره، دینی کتاب‌لر سبق بیریلیشی و اوروش جریانیده تعلیم‌دن محروم قالگن اسلامی امارت اعضالری گه تعلیم شرایطینی یره‌تیش مقصدیده اوشبو قرار آلینگن.
ینگی لیکده، اسلامی امارت رهبری هبت‌الله آخوندزاده گه عاید بیر فرمان ترقه‌لگن که، اوشبو فرمان ده مملکتده جهادی مدرسه‌لر تشکیلی و و مصرفی باره‌سیده بویروغ بیریلگن.
بیزلرنینگ فیسبوک صحیفه‌میزگه باش اورینگ!
مذکور فرمان گه بناً، جهادی هر بیر مدرسه نینگ، مسئوللری، اوقیتووچیلری و ایشلاوچیلری شامل تشکیلی بولیشی کیره‌ک.
اوشبو فرمان نینگ بیر بولیمیده کیلیشیچه، هر بیر مدرسه ده آیی ده ۲۵ مینگ افغانی معاش بیلن شیخ‌الحدیث، ۲۰ مینگ افغانی معاش بیلن موقوف علیه اوچ شیخ، ۱۵ مینگ افغانی معاش بیلن اوچ کیشی فنون استادی صفتیده، بیر کیشی ۲۰ مینگ معاش بیلن دارالحفاظ استادی و باشقه تورت کیشی ۱۵ مینگ افغانی معاش بیلن هیداوچی و آشپز صفتیده استخدام بولیشی کیره‌ک.
شونینگدیک هر بیر مدرسه ده ۵۰۰ دن ۱۰۰۰ اوقووچی کونده‌لیک ۱۵۰ افغانی اعاشه بیلن استخدام بولیشی لازم.
بیزلرنینگ توییترده هم تعقیب قیلینگ!
مذکور فرمان اساسیده، مملکت ده جهادی مدرسه‌لر مسئوللری و ایشلاوچیلری، که اسلام قانون_قاعده‌لری اساسیده فعالیت قیلیش‌لری ممکن، مکتب مسئوللری و اوقیتووچیلری گه قره‌گنده ایکی برابر معاش آله‌دیلر.
مملکت مقیاسیده، مکتب‌لر درسی امکانیت‌سیزلیک و اوقیتووچیلر گه آز معاش بیریشی گه عاید شکایت بولگن بیر حالده، اوشبو فرمان صادر ایتیلگن.