تشقی ایشلر وزیرلیگی، «افغانستان ده خارجی گروه‌لر فعالیتی و حضوری» گه دایر بیرلشگن ملت‌لر تشکیلاتی خوفسیزلیک کینگشی نظارتی گروهی نینگ ۱۳ـگزارشینی اساس‌سیز دیب و رد قیلگن.
بیرلشگن ملت‌لر تشکیلاتی خوفسیزلیک کینگشی نینگ نظارتی گروهی ینگی ترقه‌تگن گزارشی ده، القاعده گروهی اسلامی امارت حاکمیتیده کوچه‌یب و اعضالری افغانستان ده آزاد فعالیت قیلیشلرینی ایتگن.
اوشبو گزارش ده کیلیشیچه، اسلامی امارت ایکینچی مرته قدرت‌نی قولگه آلیشی بیلن القاعده گروهی نینگ مالی منبع‌لری کینگه‌یب و اسلامی امارت ۲۰۲۲ـییل دن بویان افغانستان ده اوز کنترولینی مستحکم قیلیب و بیرلشگن ملت‌لر تشکیلاتی تامانیدن تحریم بولگن ۴۱ اعضاسینی، کابینه و باشقه یوقاری لوازم‌لرده تعینله‌‍‌گن.
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی بوگون (دوشنبه، ۹ جوزا)، ترقه‌تگن بیانیه‌سیده ایتیشیچه، اسلامی امارت حاکمیت نی قولگه آلیشی بیلن، افغانستان توپراغیدن منطقه و دنیا مملکت‌‌لری گه بولگن تهدیدلر آلدی آلینگن. بیانیه ده کیلیشیچه، اسلامی امارت اوتگن ۹ آی ده دنیا و منطقه بویلب مملکت‌لر بیلن مناسبت‌لرینی مستحکم‌لش مقصدیده سعی و حرکت قیلگن.
تشقی ایشلر وزیرلیگی، بیرگن وعده‌لری گه عمل قیلیب و افغانستان توپراغیدن باشقه مملکت‌لر گه قرشی هجوم رخصتی بیریلمسلیگیدن ایشانچ بیلدیره‌دی.
شونینگدیک مذکور وزیرلیک، نامعلوم منبع‌لردن اطلاعات بیریلمسلیگی و حقیقت‌لر امنیت کینگشی ده دایمی نماینده‌‌سی آرقه‌لی بیان قیلینیشی اوچون، افغانستان نینگ حاضرگی حکومتی گه مشروع حق بیریلیشینی سوره‌گن.
بیزلرنینگ توییترده هم تعقیب قیلینگ!
بوندن آلدین افغانستان بویلب عصیانچی گروه‌لر نینگ آزاد فعالیت قیلیشی و اوشبو مملکت آرقه‌لی باشقه اولکه‌لر تهدید بولیشی گه دایر گزارش‌لر ترقه‌لگن ایدی؛ لیکن اوشبو گزارش‌لر هردایم اسلامی امارت تامانیدن رد بولگن.
